Report: Delhi BYF TUAILAI DAY 2009 Nuamtakmai Beinawnta...

EBC Saptuam in munchih a TUAILAI Day chia kumteng a a zat gige uh, tutung in DELHI a BYF in "Kris Nungzui Muanhuai - Luka 9:57-58" chih Thupi a zat uh leng lohching tak, taitak leh nuamtak mai in zatkhit hinawn ta. A kigelkholh bangin Oct 17 ni in Kidemna tuamtuam Choreography, Solo, Topical Sermon leh Khutsiam Silbawl te ah Delhi a BYF Area Fellowship 15 teng in kidemna nuamtak mai in kihel nainai uhi. Hiai hun ah Delhi Kilchih apan TUAILAI milip 100 mahmah ding kidemna tuamtuamte ah kihel nainai ua, thazoh mahmah uhi. Sunkim lai a programme kipan pen khawlse lou leh Biakinn demsuak den zou ding a nuam in programme dak 5pm tan zat in om hi. Dakkal nga sung vingveng programme himahleh Programme pailel pen ah mipi kilawpna husa zak ding in omzou den hi. Kidemna a telte tha-leh-zung, lungsim leh hun tampi pia ding uh ahihdan haih vuallouh hi.

Tuailai Day NIPI, Oct 18, 2009 Pathianni in Local Pastor Khamkhanchin Ngaihte in Thugenna Hunpi tang in, Tuailai Day ni a Tuailaite thalawp dan leh kiheldan te uapan, hundang ah le Tuailai tamsem in i Biakinn kikhopna ngai poimoh himaizen leh chih thu gen in, leh Tuailaite Biakinn naih utna lungsim ana daltu leh refree dan a saptuam heutute pang kha a kihihkhak ualeh chi in khase kawmtak toh Tuailai te tung ah ngaihdam ngen hi.



Thugen zoh in zana Kidemna te result puankhiat in om a, hiai Kidemna a Khatna, Nihna leh Thumna la tan leh a Prize Sponsor tu te hiai anuai a bang ahi.

Kidemna Result:
Choreography
1st= RK Puram Area


2nd= Jamia Area


3rd= Ber Sarai

Prize Sponsor tu: H Chinzason & Family

Solo
1st= Nianghoihching, Central Delhi
2nd= Chingngaihmuan, JNU
3rd= Mercy, Munirka & Haulal John , Central Delhi
Prize Sponsor tu: Biakkhanmang & Family


Topical Sermon
1st= Kam Johnson, North Delhi
2nd= Khamsuanlal, RK Puram
3rd= Samuel Tunglut, Central Delhi
Prize Sponsor tu: Lalsuonglien & Family



Khutsiam Silbawl
1st= RK Puram Area












2nd= JNU & Vasant Area
3rd= Priscilla, Palam Area
Prize Sponsor tu: N Suakzathang & Family



Tuailai Day 2009 a Thilpiak leh Khutsiam Silbawl zuakna a sum leh paai muhkhiat te Project Nehemia a dia seh tuam ahih banah, Project Nehemia liauliau a ding TableClock, PenStand leh StickerVakthei te BYF in zuaklel uhi.

Toupa'n Thupina Tangta Hen.

[PS: Tuailai Day ni a Limlaakte BYF Area Leader te kiang apan laak theih ding.]
2009 Delhi BYF TUAILAI DAY 1 Lim


2009 Delhi BYF TUAILAI DAY 2 Lim