- Muan Hangshing, Secretary, SSPP-JHQ, Delhi
Awle! Damsung khualzinna lamsuk-lamtou a paizel in kum 2009 leng i paikheng nawnta uhi. Hun in ngak neilou a, khawlna ding mun leng omsak samlou in kumthak 2010 kumbul ah hon pikai a. Maban a paina ding saupi nei ihi chih thei kawm a i khedap khaute uh khihkip a, kawnggak a, chiangkhun la a kalsuan khe mai dia i kisak lai un tomchik dinkhawl in nunglam enkik thak zual lehang. Phalbi zing meipi-te ziakin saupi muban kei mah lehang i pailiamsa uh 2009 bel chiangtak in kimuthei lai hi.
A pailiamta kum 2009 Delhi-te ading in kum hoih ahi i chilou theikei. Mun tuamtuam ah i siamsinpih tamtak te’n sihna hanmual honna liamsan lai un ei Delhi siamsinte’n i siamsinna/ nekzonna maban chiat sunzom thei in i om ua, khenkhatte’ adia siamsinna a lohchinna ngah kum, mi dang khenkhatte’ adia sepna muh kum, ahihkeileh siamna sangzaw deih ziak a Delhi tual i kidenna kum uh ahi ding. Pawlpi vai ah en nawn lehang i pankhawmna-te uh ziak in activity tuamtuamte ah i lohching thei mahmah uhi. Sports meet nuamtak, leh Conference khiaklah huaitak i zangkhin ua, dialdial a diamdiam ding a i kikou husa un Ambedkar Stadium thawn kimvel in gallengte nangawn in i kithutuah dan uh lamdang sa uhi. Unaute kituak diamdiam a omkhawm a nak hoih in nuam leng ana nuam mahmah ngei a. Ahi a, hiaitan a kilungkimsak a khawlmai thei i hikei, siamsinte’ adia phakchiam gam i tung nai kei uhi.
“The Woods are lovely, dark and deep.
But I have promises to keep,
And miles to go before I sleep,
And miles to go before I sleep.”
- Robert Frost
Sports nuam, conference lohching tak a zat chihte ah kuamah sang in i niamzaw tuan ding un a gintak huai kei. Himahleh, “Siamsinna lamchi tuamtuam a khangtou a….” chih puanlap khai a kalsuan Siamsinpawlpi member-te ihi ua, siamsinna lam chi tuamtuam ah bangtan i tung ua, banglam ah ma i sawn ua, i niamkiakna lam uh
om hiam? chihte i ki-et kik zel uh poimoh hi. Banglam hiam a lohching thei mahmah i kisak lai ua tehna dang a honna teh a, i theihlouh kal a ni bang elte’ nuihchiam lelna lel i hihkhak ding uh a lauhuai mahmah hi.
Hiai bangteng lungsim a nei in - adiak a laisimna lam a niamkiakna thupi tak kinei hi a thei in, panla thak ding a kihanchiam kawm in tukum 2010: A YEAR OF STUDY a zat ding in heutute’n hon puangkhia uhi. Hiai in atup ahihleh laisim mah pibawl pen a neih ding, mi malmal te’n leng hun a tamthei lam laisimna dia zat ding, pawlpi level a leng hiailam nak zawsem a focus ding, laisim subuai thei event/ activity lam uangbawl louh ding chihte ahi.
Thu hoih pipi gen in sawm mah lehang nasep a tellouh chiang in vuaksuak zel hi. Siamsinpih u-le-nau kua peuhmah te’n i pawlpi tup-le-ngimte theisiam a, panla thak ding a kisa siausiau ding in i kingen uhi. A thu mai hilou, a taktak a siamsinte kisa in, i dohkan leh laibu-te lawm hoihpen in nei peuhmah phot lehang kum 2010 ei adia gahsuah kum hong hihmel kuan a thei a? Tulel a i gam-le-nam dinmun - siamsinna lam, nektakzonna lam leh simleivai ngaihtuah thak in nuachiang a i phungpi huai ding khangpan seinou vualte’n hanlung chiamthak ve ni…
“For I know the plans I have for you,” declares the LORD,
“Plans to prosper you and not to harm you, plans to give you hope and a future.”
- Jeremiah 29:11
[Siamsin Bulletin 01 NOU KHA (January) 2010]
Awle! Damsung khualzinna lamsuk-lamtou a paizel in kum 2009 leng i paikheng nawnta uhi. Hun in ngak neilou a, khawlna ding mun leng omsak samlou in kumthak 2010 kumbul ah hon pikai a. Maban a paina ding saupi nei ihi chih thei kawm a i khedap khaute uh khihkip a, kawnggak a, chiangkhun la a kalsuan khe mai dia i kisak lai un tomchik dinkhawl in nunglam enkik thak zual lehang. Phalbi zing meipi-te ziakin saupi muban kei mah lehang i pailiamsa uh 2009 bel chiangtak in kimuthei lai hi.
A pailiamta kum 2009 Delhi-te ading in kum hoih ahi i chilou theikei. Mun tuamtuam ah i siamsinpih tamtak te’n sihna hanmual honna liamsan lai un ei Delhi siamsinte’n i siamsinna/ nekzonna maban chiat sunzom thei in i om ua, khenkhatte’ adia siamsinna a lohchinna ngah kum, mi dang khenkhatte’ adia sepna muh kum, ahihkeileh siamna sangzaw deih ziak a Delhi tual i kidenna kum uh ahi ding. Pawlpi vai ah en nawn lehang i pankhawmna-te uh ziak in activity tuamtuamte ah i lohching thei mahmah uhi. Sports meet nuamtak, leh Conference khiaklah huaitak i zangkhin ua, dialdial a diamdiam ding a i kikou husa un Ambedkar Stadium thawn kimvel in gallengte nangawn in i kithutuah dan uh lamdang sa uhi. Unaute kituak diamdiam a omkhawm a nak hoih in nuam leng ana nuam mahmah ngei a. Ahi a, hiaitan a kilungkimsak a khawlmai thei i hikei, siamsinte’ adia phakchiam gam i tung nai kei uhi.
“The Woods are lovely, dark and deep.
But I have promises to keep,
And miles to go before I sleep,
And miles to go before I sleep.”
- Robert Frost
Sports nuam, conference lohching tak a zat chihte ah kuamah sang in i niamzaw tuan ding un a gintak huai kei. Himahleh, “Siamsinna lamchi tuamtuam a khangtou a….” chih puanlap khai a kalsuan Siamsinpawlpi member-te ihi ua, siamsinna lam chi tuamtuam ah bangtan i tung ua, banglam ah ma i sawn ua, i niamkiakna lam uh
om hiam? chihte i ki-et kik zel uh poimoh hi. Banglam hiam a lohching thei mahmah i kisak lai ua tehna dang a honna teh a, i theihlouh kal a ni bang elte’ nuihchiam lelna lel i hihkhak ding uh a lauhuai mahmah hi.
Hiai bangteng lungsim a nei in - adiak a laisimna lam a niamkiakna thupi tak kinei hi a thei in, panla thak ding a kihanchiam kawm in tukum 2010: A YEAR OF STUDY a zat ding in heutute’n hon puangkhia uhi. Hiai in atup ahihleh laisim mah pibawl pen a neih ding, mi malmal te’n leng hun a tamthei lam laisimna dia zat ding, pawlpi level a leng hiailam nak zawsem a focus ding, laisim subuai thei event/ activity lam uangbawl louh ding chihte ahi.
Thu hoih pipi gen in sawm mah lehang nasep a tellouh chiang in vuaksuak zel hi. Siamsinpih u-le-nau kua peuhmah te’n i pawlpi tup-le-ngimte theisiam a, panla thak ding a kisa siausiau ding in i kingen uhi. A thu mai hilou, a taktak a siamsinte kisa in, i dohkan leh laibu-te lawm hoihpen in nei peuhmah phot lehang kum 2010 ei adia gahsuah kum hong hihmel kuan a thei a? Tulel a i gam-le-nam dinmun - siamsinna lam, nektakzonna lam leh simleivai ngaihtuah thak in nuachiang a i phungpi huai ding khangpan seinou vualte’n hanlung chiamthak ve ni…
“For I know the plans I have for you,” declares the LORD,
“Plans to prosper you and not to harm you, plans to give you hope and a future.”
- Jeremiah 29:11
[Siamsin Bulletin 01 NOU KHA (January) 2010]
No comments:
Post a Comment