OPEN LETTER: SSPP Ki-Ukna Danbupi (10th Amendment, 2023) a Ar-ticle 5(I)(ii)(k) Zukkik Dia Ngetna - Langthianmung Vualzong, PhD (JNU)

OPEN LETTER 

To,

Ka Siamsinpihte,

The Presidents/Secretaries, Siamsinpawlpi, GHQ, HQ, JHQte, Branchte, Unitte,

Members, Standing Committee, GHQ, Siamsinpawlpi,

Patrons & Life Members, Siamsinpawlpi,

Advisors, Siamsinpawlpi, GHQ, HQ, JHQte, Branchte, Unitte,

The Ex-Presidents/Ex-Secretaries, Siamsinpawlpi, GHQ, HQ, JHQte, Branchte, Unitte,

Members, Paite Academia Forum (PAF), Lamka.

Thupi: SSPP Ki-Ukna Danbupi (10th Amendment, 2023) a Article 5(I)(ii)(k) Zukkik Dia Ngetna

Kumthak Chibai.

Date 10/12/2025 a Siamsinpawlpi (SSPP) JHQ HQT Delhi-NCR a Election Commissioner (EC) thusuah bang in SSPP Delhi President term 2025-2028 len ding a lunglutna nei in hon deihsaktu te toh online nomination form ka pelut uhi. Dt 28/12/2025 a EC thusuah bang in nomination bawl mi 3 te lakah Scrutiny na ah Nominee No. 3 na (Kei Dr Langthianmung Vualzong) pen in, ‘SSPP Ki-Ukna Danbupi (10th Amendment, 2023) a Article 5(I)(ii)(k) a kingiat chitna, "Headquarters/Joint Headquarters a Executive Committee a term piching khat tan beek (i.e., Kum 2) a kizom a pangsa ahih teitei ding ahi..." a buchinsak zohlouh ziak in, a candidate hihna paisuak theilou hi,’ chih in ka om maimah hi.

SSPP (Paite Students Welfare Association) kichi 'Sin in, Sem in, Zuun in' chih motto a nei in, Pathian pina toh siam ‘sin in’ Mizoram ah BA, Delhi University ah MA zou in JNU, New Delhi ah MPhil leh Ph.D Degree te kum paisa zek in ka na zou tei hi. Huai zom in, Rayburn College, Lamka ah leng Assistant Professor na hun saulou ka sem a, maban khualna in Delhi a ka kik nawn hi. Siamsinna toh kisai in laigelh hunkhop leng ka na nei sam hi. Ka sinkhiakte Siamsinpawlpi adia ‘sem in’ chi thei ding in, SSPP Delhi President ding in kisa mah leng, a tung a 2023 Amendment ziak in, Candidate khat dia ding di maimai in le ka chin nawn kei maimah hi.