Tuesday, December 29, 2009

2009 Delhi EBCC CHRISTMAS

25th December 2009:
EBCC Delhi in Khristmas Biakna Kikhop Huna Tuailai leh Naupangte Kigawm Lapawl ahi.




Hiai ni veng tuamtuam ah annekhawmna leh lengkhawmna nuamtak mai om nainai hi.

Ber Sarai+JNU, Central Delhi+Trans Yamuna, Dwarka, Kotla, Munirka, North Delhi, Palam, RKPuram, Vasant Vihar+Kunj leh Mahni Innchiat ah annekkhawmna thupitak om hi... :-)

Monday, December 21, 2009

GP CONSULTANTS IN AIZAWL YOUTH NEXUS THUPI TAKIN SAI



Ginomna, taihmakna, nuamtawl taisan ngam dinkhosuahna lampi ahi.
- Vanhela Pachuau,IAS, Chief Secretary, Mizoram



December 19,2009 a Vanapa Hall, Aizawl a Global Placewell Consultants sai, Aizawl Youth Nexus-2009 (career guidance program) ah khuallian in Pu Vanhela Pachuau IAS, Chief Secretary, Government of Mizoram pang hi. Aman tulai khawvel pilna leh theihna khangtou zelah, mi ginom, taima leh khawvel noptalnate taisan a mahni innlum apan kia hilou, gamdang leh siamsinna hoihzaw delh a taingamte ading kiain lohchinna a awm chiin mipi paikhawmte hanthawn hi.

Aman a genna ah, I gamah siamsinna te neiin, degree sangpi pi kipe thei mah lehang, theihna taktak pawsuah dinga I vanzat te’n chinlou hi. Tua banah, I society paidanah nuamtawlna leh huau huau a tam manin, pichin tak tak haksa ahih manin, theihna vantang, mi tungtuang te ading louin kumpi na hi’n private a sepna hileh muh haksa ahih dan gen hi. Mizoram ngial houh, Central sum a kinga a, ei sepkhiak omlou ahih mana mahni pilna leh theihna zang theiloute dinga sum leh pai zon haksa ahih tak dan theih poimoh ahih thu uangtakin gen hi. Hiai bangte thei a GPC in gamdanga siamna sangzaw delh nuamte dinga lampi a sial pen tu leh tu a lamet banglou ahih leh leng, mailama kulkal taka pang a, lungke mai lou panla zel dingin hasuan hi.

Thursday, December 17, 2009

SSPP Delhi in Rs.20,000/- Foundation Trust adin leh 2010 kum pen "YEAR of STUDY"

Nisim 06/12/2009 ni in SSPP JHQ, Delhi office ah kimuhkhawmna thupitak om, huai hunah hunpaisa a pawlpi paidan etkikna banah maban a pai diing dan genkhawm na nei uh. Hiai kimuhkhawmna poimohtak neih hun in SSPP Foundation Trust adi’n Cheng 20,000 ngut pekhia ua tuaban ah Kum nawn “Year Of Study” in puang ngal uhi.
[SiamsinBulletin 13Dec09]

Siamsinpawlpi Takheh!!!

God Bless SSPP...

Friday, December 11, 2009

Delhi: BYF Advent Christmas 2009 Nuam atave..


Delhi a Baptist Youth Fellowship, EBCC in Tuailai pih tampite innlam pai ding gel sosouh a om pawl leh a omlai dingte tukum Khristmas zangkhawm khalou ding dinmun a omlai, a malawk in Khristmas zatna hun numtak mai, LAA leh MUSIC lam lunglutte a dingin Khristmas laa sa nuamte a dingin hun hon honsak uhi. Nuam ei...

Monday, November 30, 2009

2nd ZCF Delhi YOUTH ICON 2009 Result

29th November 2009, ni sunnung in ZCF Delhi ah
2nd YOUTH ICON 2009
hun zatna nuamtak mai an om zuazua nawn...

Hiai hun ah telkhiat khak a om te ahihleh.

YOUTH ICON 2009 = Ms HOIHNU HAOKIP, KWS Delhi.
Rs. 14800 (Icon + Donation) Sponsored by Rev. Siamkung's 34 Grand Children

Ms Hoihnu with her fans...


Most Promising Singer = DAVID MATE, GCF
, Delhi.
Rs. 3500 Sponsored by T Zamlunmang & Family in loving memory of theri beloved father (L) Reve. Kamzakhup

Best Perfomance Award = B HAULAL JOHN, EBCC, Delhi.
Rs. 3000 sponsored by Mr & Mrs Song h/o Shelly Biakmoi

Mr. B Haulal John with his Fans and Pa Shum...


"to God be the Glory"

Delhi: Joint Children Gospel Music Festival 2009


Saturday, 28 Nov 2009 in Delhi a Saptuam 3 kigawm ZCF, EOC leh EBCC ten "Joint Children Gospel Music Festival 2009" chih thupi tak, lohching tak leh khiaklahhuai takin zat zoh ahi. Pathian ompih na toh a hoh khapouh in nuamsa mahmah uhi. Naupangte talent neihdan mukhiat in om hi. Toupa'n Thupina tangta hen..


SHOUT TO THE LORD... ALL TOGETHER

Red signifies SACRIFICE
White signifies PURITY
Green signifies GROWTH


[Atunga Biakinn Sung Limlaak mek geihle chin Chiangtak leh Liantak in hong kilang ding a, Save theih ding ahi]

A video trailer hiai nuai ah pen ahi...
Full Video Coverage deih di ten gospelmusicfestival2009@gmail.com
ah contact theih ding ahi.


091128 Joint Children Gospel Music Festival 2009

Tuesday, November 24, 2009

INTERVIEW with Ginmuanthang Kullai, Assistant Professor in Spanish Sepna Muthak


The English and Foreign Languages University , Hyderabad nuai a Shillong Centre ah "Assistant Professor in Spanish" nna muthak ahihbang aw...!!!
Min: GIN MUAN THANG
Beh: Kullai
DOB: April 26, 1981 - Taurus
Pa: K Khupzathang
Nu: Nemkhum
Unau Position: Unau 5 [numei 3 leh pasal 2] laka a 4na ahí.
Veng: Nehru Marg, Central Lamka, Manipur
c/o Khumi Tailoring, Teddim Road
Delhi Omna: 251 Sutlej Hostel, JNU
c/o Zawlbuk, 28/A, Ber Sarai
Jersey No.: 22
Position: Midfielder in Football, Basketball & TableTennis
Nick: gummaam & Don
Email: muanthang@hotmail.com
PhoneNo.: 9953036615
School Kaina: Don Bosco High School, Lamka (...1998)
XI & XII: Rayburn College (Science), Lamka (1998-2000)
Graduation: BA Hons in Spanish, JNU (2000-2003)
Master: i. MA in Spanish, JNU (2003-2005)
ii. Masters in Translation, University of Valladolid, Spain, (2005-2007)
Current: MPhil in JNU. (from 2008)
Sepna Muh: Assistant Professor in Spanish
Pay Scale: PB-3 Rs.15600-39100 Grade Pay Rs.6000

Recent Co-curricular Activities:

Tuesday, November 17, 2009

Baptist Youth Fellowship, Delhi in tukha in EBCC Biakin ah Hotdamna Chialpi neiding

A hongtungding 20, 21, 22 November chiangin EBCC, Delhi in BYF-te makaih na nuai ah Hotdamna Chialpi sai ding a, huaiah thugenpi in Rev. Kamchinkhup pang ding hi. Thukizadan in hiai Chialpina zingkal dak 10:00 tengin kipan ding hi. Hiai Chialpi na dingah Saptuam-te kisa khawl nak petmah ua, Bus thum niteng in Delhi mun kil thum apan kipan sakding ua, banah nitengin Lunch leh refreshments leng sading uhi.
Delhi Tuailaite lakah hichibang Chialpina om mengmeng lou ahihna ah, hiai hun hoih leh manpha ah tel ngeingei ding in BYF in mi kuamahpeuhmah chialna leng bawl ngal hi.Huaibanah I Toupa tuak ding a kisak khawlhna hun ahih a, a hongpai nawn ding ngak a omte a dia kiphawk thakna hun ahihtheih ngeina ding in BYF, EBCC Delhi in mahni thumna te ah phawk chiat ding in ngetna leng bawl ngal hi.

“Hotdamna Chialpi” Bus paiding dan (route)
Route-I:
Contact Person : Tg. KamJohnson (9540195192)
NORTH CAMPUS (Gandhi Vihar) 07:25, KAMLA NAGAR 07:45am, GOLE MARKET 08:20am, SOUTH EXT. 08:35, MOHAMMEDPUR 08:45, MOTI BAGH (Nanakpura) 08:55am
Route-II:
Contact Person : Tg. Siamthianlal (9717579194)
MAYUR VIHAR 07:30am, JAMIA NAGAR 08:00am, CHIRAG DELHI 08:10am, PUSHPA VIHAR/MADANGIR 08:25am, MUNIRKA 08:55am
Route-III:
Contact Person : Tg. Thangboi Samte (9711971513),
BER SARAI 08:30am, MUNIRKA 08:40am, PRIYA Red
light (JNU) 08:50am, VASANT VIHAR 08:55am, RK PURAM 09:10am
INCHARGE:
Songchinmuan (9899384543)


Monday, November 16, 2009

Delhi: JNUCF Advance Christmas 2009

JNUCF Advance Christmas 2009 hunnuam leh lunglen huaitak mai in, KC OAT ah November 15th 2009 nitaklam 5:30pm in ana om hi.




Beautiful Star of Bethlelem by JNUCF Choir:


Saturday, November 14, 2009

Delhi: Tulpaan Kaai & Mohammadpur Choreo at 29th Siamsin Conference

SSPP Dance Troupe te 'Tulpaan Kaai' [new hiphop version] la a alaam na uh leh MOHAMMADPUR [male] Choreographerte 'Tulai Khangthakte' chih la a 29th Siamsin Annual Conference 2009, 31 October Mavalankar Auditorium ah alaam lai uh ahi..

YouTube


JNU Admn Block kong a a Kizillai Video uh [nalh veve]:

Delhi: 'Kua Hiam Kuan Ding' & Phurphutte at 29th Siamsin Conference

29th Siamsin Annual Conference 2009, Mavalankar Auditorium, Rafi Marg, a om, 31st October 2009 ni a 'Momoi leh Alawmte'n' ten "Kua Hiam Kuan Ding" chih la asak lai uh leh Phurphutte'n Medley Music Video Flashback siamtak a a chiin lai uh. En in ka kisak kei ding..

YouTube Link:


Phurphutte's Medley Music Video Flashback



A KIGAWM IN...


Nuam zak zel himai...

Thursday, November 5, 2009

Football: 3rd RN TAMCHON Group D Fixtures | Final Results of SSPP FC

3rd RN Tamchon Memorial Football Tournament, Dr. Ambedkar Stadium, Delhi mun a pailel ah Group khenna leh Group D te Fixture hiai anuai a abang ahi.



Group A: A’chik Thunders (Garo); ASUD FC (Ar. P); Tahamzang United; Maitshaprang FC-Khasi; Unikas FC
Group B: NSU-D (Naga); UEF Delhi; HSA FC (Hmar); Khurpui United; Kangleicha Sanaroi Lup
Group C: Chandel United; Dimasa FC; Nirvana Bodo FC; Thadou Athletics; Wung United
Group D: DMZP (Mizo); ZOD FC (Zou); Dart FC (Ao); Zeliangrong FC; Siamsinpawlpi FC

GROUP D Fixture:
Tue 3/11/2009 9.00 am DMZP (Mizo) vs ZOD FC
Wed 4/11/2009 1.00 pm ZOD FC vs DART FC (Ao)
Thu 5/11/2009 3.00 pm Dimasa FC vs Nirvana Dodo FC
3.00 pm DMZP (Mizo) vs Siamsinpawlpi FC
Sat 7/11/2009 9.00 am ZOD FC vs Zeliangrong FC
Sun 8/11/2009 1.00 pm DMZP (Mizo) vs DART FC (Ao)
Mon 9/11/2009 3.00 pm Zeliangrong FC vs Siamsinpawlpi FC
Wed 11/11/2009 1.00 pm ZOD FC vs Siamsinpawlpi FC
Fri 13/11/2009 3.00 pm DMZP (Mizo) vs Zeliangrong FC
Mon 16/11/2009 1.00 pm DART FC (Ao) vs Siamsinpawlpi FC
_________

Updated Results of Siamsinpawlpi FC:

SSPP FC= 3 - 3 = DMZP
SSPP FC= 2 - 3 = Zeliangrong FC
SSPP FC= 2 - 3 = ZOD FC
SSPP FC= 5 - 0 = DART FC (Ao)

Sunday, November 1, 2009

Delhi: 29th Siamsin Annual Conference 2009 Beitaa..

A ngaklahhuai, Siamsinpawlpi JHQ (D) saina in XXIX Siamsin Annual Conference 2009, apaita Kiginni, 31st October 2009 ni in Mavlankar Auditorium, Rafi Marg, New Delhi ah nuamtak mai in zatkhit hita. Limlaak kaihkhawm hilel a, i blog uah hong kikoih pah ta ding. Hiai ah Report leh limlaak nengchilik ana en in...
091031 29th Siamsin Annual Conference 2009












Official Report: 29th Siamsin Conference

Report tomkim: Delhi Siamsinte’n haibang angaklah uh, a 29-veina Siamsin Conference tuang hong tung nawnta a. Oct. 31, 2009 ziing athoh ua kipan, Delhi Siamsinte’ ngaihtuahna ah Office kai di, ahihkeh College kai di, ahihkeh sep diing dang himhim a lungtang uah a om kei a, himahleh a duang ua kibaat diing nampuan buaipih in a ngaihtuahna uh a thuneihkhum hi. Huchi’n New Delhi mun lailii, Rafi Marg a om, Mavalankar Auditorium lamzuan in hong kipan khe diamdiam uhi. Siamsin nampuan toh kizeemte’ etlawm dan phamta Siamsinpawlpi Ai-nah phahtute’n mu hile uh, amaute’ sul zui a siamsin mabang pan te, “Nua chiang a i phungpi huai ding…” chiin akha uh amuang mahmah d’un aginhuai…

Ziing dak 11 agingta a. Hun-uk Tg. Kamkhansiam Ngaihte leh Lia Niangpi te’n Siamsinte chibai buka avaidawn zoh un, “Dialdial in (hun-ukte’n)…. Diamdiam ni (mipi’n)” chih (slogan) samna mipi’n kinei zuazua hi. SSPP JHQ Delhi Executive Committee (leh Dove Quartet!) te’ pii in mipi’n Siamsinpawlpi Lapi sakna kinei a, sakzoh toh kiton in Pastor Khamkhanchin Ngaihte in Pathian kianga thuumna toh hun hong hi.

Pu Joyful Tonsing, President in Presidential message genna nei hi. Aman, mipite vaidawnna’ chibai bukna nei masa in, Delhi tana Siamsin dia omkhe theite’n tuni chiangchiang in i ngaihdan uh khek a hunta, tupna saangtak nei a, first class officer tan beek tup a neichiat di’n Siamsinte chouna bawl hi. Aman, mipi’n leng kumteng a Sports leh Conference neih zeel pen pawlpi hatna leh hatlouhna tehna dan a zang nawnlou diinga i ngaihtuahna uh khek hunta ahihdan gen hi. Tua banah, tukum pailel sunga SSPP JHQ Delhi tup-le-ngimte bangzah hiam puankhiakna nei in, tukum i thupi diing uh, “building relationship” hi nawnlou a “Building People” ahihthu puankhiakna nei hi.

Khual zahtaak hihna toh conference hong uap, Pu CL Ruala, MP (Lok Sabha) in thugenna hun la in, “noute adia MP ka hi” achih pat leh mipi kipak in ki awng zuazua mai hi. Zomi (Mizo) te kipumkhat a, pankhawm a, unau khat ihihna uh phawk hunta ahih thu gen hi. Aman Siamsinte hanthawnna thu tamtak leng gen hi.

Siamsinpawlpi FC te mellahna leh Jersey honna, Sub-committee for Tamchon Memorial Football Trophy, 2009 (SSPP JHQ Delhi) a vaisaite’n nei uhi. Coach Pu Paukhanlian Paite in Jersey honna nei in, tuazoh in player-te mellahna leh putlakna nei zom ngal hi. Tua teng zoh in, sub-committee a vaisai te’n SSPP FC fund raise na dia kibawl T-Shirt (Jersey) zuakna nei in, tamtakte’n SSPP FC phungvuhna di’n tampi in lei uhi.

Huchiin, Khuallian Pu Oscar Fernandez, MP & Chairman, Parliamentary Committee on Human Resource Development in thugenna hun hong zang hi. Aman, Siamsinpawlpi te laka kihel nuam asakthu a gen kawm in, Delhi a omte’n Lamka lama na mi-le-sa te uh adia banghiam na sepsak diing uh ahi, chi hi. Delhi a tuma leh tunai chin a Northeast mite laka thiltung toh kisai agenna ah, Pu Oscar Fernandez in Delhi CM toh kimu in Northeast mite, abik in numeite, galmuang taka a om theihna diing ua panlak ahihthu gen hi. Tu lel a North Campus a NE te adia Girls Hostel kibawl lel ahihdan agen kawm in agei nai a Northeast te aa diing mah a Boys Hostel kilam diing ahihthu gen hi.

Sunnung hun zatna ah, Education Department makaih in Siamsin Quiz khantouh vaaitak a sai in om a, lunglut huai mahmah. Tua zoh in Pu Tunkhanmuan, Secretary in tomkimtak in Secretary Report piakna nei hi.

Huchi bang kawmkal ah, eimi laka lasa siam leh Video Album khenkhat a achangtute omdan chiinna, Phurphutte’n, “Medley Music Video Flashback” chih minvuah in hong show ua, mipi suphur mahmah uhi. Upa lam deuhte nasan in leng a sakhau/zabawm ua kipan romol lakhia in a mit uh nul hial dan uh ahi.

Huai ban in: Parliament House bang hileh, session adjourn theih hial di khop a kikalhna – debating competition – sousang tak, “Lochinna di’n Siamsinna’ mun ah akinga” chih thulu zang a neih in om hi. A gumlamte’n agen chia dik zeel, alanglam in agen chia lah dik zeel ahihman in ngaikhetute buai petmah uhi. Atawp in, Speaker Pu N Vumsuan in thukhenna bawl haksa sa ahihman in, mipite kiangah Ayes or No chi a panna lam uh kikoupih diingin ngetna bawl khong hi. Aman mipi kikou ngaihdan tehna (decibels) zangin thukhenna bawl hi.

Tuazoh in, YPA Joint Headquarters, Delhi in mi phatuamngaite pahtawi-na hun zang uhi. Hun bangtan hiam paita akipat tuhun tana phattuamngaihna suah a, panpih ngaite panpihna dia kalsuan, abiktakin, damlou sisan piak ngaite kianga sisan ana pete kiangah YPA JHQ Delhi in Memento kilawmtak piakna nei uhi.

Hiai programme zat hunsung in Sinna lam chituamtuama siamna tungtuan ngah, Siamsinte lak a telkhiakte kiangah Education Deptt. in Meritorious Award hawmna leh kipahman tuamtuam hawmna nei uhi. Thu-zoh-laa- laa-zoh-thu chih formula zui a programme kibawl ahihman in mipite’ mit leh bil tai mahmah hi. Huan, a lunglut huai mahmah khat ahihleh, Pupa lam ahihkeh, zangtalam a nu-le-pate hong lam khawm datdatna uh ahi. Upa lam deuhte bang lungleeng heuhau a om nenulh daan uh ahi.

Pu Khamkhanpau Guite in Pathian kianga kipahthu genna toh hunkhak hi.

******
Kipahthu: Conference zatna diing toh kisai in sep diing, sai diing, ngaihtuah diing tamtak a om hi. Huaiziakin, mohpuakna mi tuamtuam kiangah akihawm tiltel hi. Tuate’n feltak leh thazohtaka ahon hih buching man un kipahhuai petmah hi. Auditorium book na dia panla te, Programme committee & co-ordinator, Music leh Sound lam saite leh buaipih te, lasa leh kipolhlimna tuamtuam saite leh zan sawtnung tanpha gim-le-tawl khawksalou a kisakkholte, Usher-te, banner design bawlte, badge design bawlte, leh tanmun tuamtuam leen te, banah, tha-le-zung leh hun tamtak seeng a programme adia kisakhol a pangte tengteng tungah kipah thu chiamteh ahi.

Banah, Conference zatna diingin sum tamtak bei diing ahi, chih ithei chiat ua, huaiziak in, innkuan chih/michih te income dungzui in sum donna akinei a, ithohkhawm siausiau man un Delhi Siamsinpawlpi member tengteng tungah kipahthu Executive Committee in hong kigen thakthak hi.

Huan, i thohkhawmte un daih zoulou ahihman in sponsorship zon ngai hi. Huchi’n Pond’s leh Nokia te ahon sponsored man un kipahna alian mahmah hi. Hiai adia mi’ maitang hon siksak Pu Biaklun Shoute (adviser) tung ah leng kipahthu i gen hi.

Awle, phattuam ngaihna ichih veina leh awlmohna akipan hong piangkhia, mihinpihte’ adia thilhoih hih lunggulhna neite’ nasep ahi, chi ni. Tua bang phattuam ngaihna nei thei zeel di’n Tung Thianmang in lumbang hong sung hen!!

******

~ SSPP JHQ Delhi [ssppnet]

Tuesday, October 27, 2009

CONFLUENCE 2009 | JNU NorthEast Nite


CONFLUENCE 2009 ahihkeileh North East Nite chi a kumteng a JNU a Northeast te Cultural Meet dan a Programme om gige na mun ah, tukum in leng, JNU KC OAT ah 24th October 2009 nitak in ana om nawn get a, hiai hun a Traditional Dress/Couple Show na ah Unp Mung@Dada leh Muanching ten PAITE Tribe min ai oh in, Paite nampuan uh kilawmtak mai va lak khe zihziah uhi.

Monday, October 19, 2009

Report: Delhi BYF TUAILAI DAY 2009 Nuamtakmai Beinawnta...

EBC Saptuam in munchih a TUAILAI Day chia kumteng a a zat gige uh, tutung in DELHI a BYF in "Kris Nungzui Muanhuai - Luka 9:57-58" chih Thupi a zat uh leng lohching tak, taitak leh nuamtak mai in zatkhit hinawn ta. A kigelkholh bangin Oct 17 ni in Kidemna tuamtuam Choreography, Solo, Topical Sermon leh Khutsiam Silbawl te ah Delhi a BYF Area Fellowship 15 teng in kidemna nuamtak mai in kihel nainai uhi. Hiai hun ah Delhi Kilchih apan TUAILAI milip 100 mahmah ding kidemna tuamtuamte ah kihel nainai ua, thazoh mahmah uhi. Sunkim lai a programme kipan pen khawlse lou leh Biakinn demsuak den zou ding a nuam in programme dak 5pm tan zat in om hi. Dakkal nga sung vingveng programme himahleh Programme pailel pen ah mipi kilawpna husa zak ding in omzou den hi. Kidemna a telte tha-leh-zung, lungsim leh hun tampi pia ding uh ahihdan haih vuallouh hi.



Monday, October 12, 2009

Delhi BYF: TUAILAI DAY 2009 | Programme leh BUS Route

Tutung Delhi Baptist Youth Fellowship (BYF) EBCC ten TUAILAI DAY 2009 chiang in SOLO, TOPICAL SERMON, CHOREOGRAPHY leh KHUTSIAM SILBAWL ah Tuailai Area Fellowshia Area 15 te lakah KIDEMNA om ding. Hiai hun ading in tukal Delhi University te khawl laitak ahihjiak in Kisakkholhna nasatak mai in pailel hi. Solo Lasak kidemna ah leng mi 27 vel mahmah pha zou hi. Choreography bang ah i tuat leh, area 10 vel in apan mi 8 chiat tel di bang hitaleh, mi 80 vel in laam lahna nei dudan ahi. Naak muhnophuaita ei. Huaibanah, area teng apan mi 1 chiat in Topical Sermon neiding ua, Tuailai tuamtuamte khutsiamna leng tampi muhsuah in om ding hi. Khutsiam Silbawl a sum muhkhiatte Project Nehemia ah lut dia gel ahi.

Hiai hun in EBCC Delhi Local Pastor Khamkhanchin Ngaihte in Thugenna Hunpi zang ding hi.

[DEW]
TUAILAI DAY 2009 | BYF EBCC Delhi | Programme

Global Placewell Consultants in T THANGTHUAM Innpi Ana Sponsor Eivele

Siamsinpawlpi Delhi Sports Meet 2009, JNU Campus ah a omlai in, Global Placewell Consultants ten T THANGTHUAM INNPI te ana sponsored cheuh dan uh eivele. Corporate Sponsors omsun ahi. T THANGTHUAM INNPI ten kipahpih takzet uh ahihdan gengen uh. A kigawm in Innpi Hatpen Nihna La zaih uhi.





http://gpconsultants.org/

Tuesday, October 6, 2009

SSPP Delhi Sports Meet 2009 | BEITA

091002-03 MainDay1 Siamsin Sports Meet 2009


091002-03 MainDay2 Siamsin Sports Meet 2009


Siamsinpawlpi Delhi
kahiang Sports Department malakna toh kumteng a Sports Meet a kineih zel bang in tukum leng geelkholhna bang in 25th leh 26th September 2009 ni te in Basket Ball leh 2nd leh 3rd October 2009 ni te in Jawaharlal Nehru University (JNU), New Delhi ah lamzangtak, khiatlahhuaitak leh golhchiattak mai in zatkhit hinawn ta.

Anipini 2nd October '09 ni in Pu Haukhum Hauzel, IAS leh Anitawpni 3rd October '09 ni in Pu Thangso Baite, MP (Outer) Manipur, ten Khuallian (Chief Guest) hihna toh hong uap uap ua, "Siamsinpawlpi in sum taksap man hituanlou in" chia Pu Thangso Baite in a gen bangin, SSPP Delhi te vai dangka hunkhop in hon phungvuh tuak uhi.

Kimawlna tengteng a vualzohna tuamtuamte kigawm a VUALTUNGTUANNA ngah T GWITE INNPI hi ua, amau Pu (L) H Remthang Memorial Trophy leh Cash ngah uhi. Apipen a kineisek Football match ah Pu Jamkhothang Innpi in Pu T Gwite Innpi te goal ah goal nih khum in Football ah Champion hi uhi.

Kimawl lunglutte ading in, a kisakkholhna te uh banah SportsMeet ni a hongbei ninawn apan amei-apa chi-leh-sa golh zengzung, ekbuk tut haksa sa atam dan apan khong in, a ngaklahhuai dan, anopdan leh a khiaklahhuai dan chet theih mahmah hi. Lim kila muhding alang alang om den ten leng a aamhuai dan genkhin mahmah hi.

Tutungin a neulam deuhte LIANDOU leh THANGHOU Team a khen in Football neih in om hi. Sutzop tuak mahmah hi.

Ei singtangpa laalui leh chiik taktakte lum zungzung a khah khiak hiden a, Papi leh Nupi khenkhat lungleng omngei dia gintak ahi.
Hiai sports sung in nek-leh-taak kiningching tak a sai ei singtangmite mahmah apan in - sa minsa, satuihang, ann, colddrinks, tui, kuva leh adangdangte baihsam tak in leitheih ding om den hi.

Huchi kawmkarah, hiai ni in Delhi a thang mahmah ei tualsuak mahmah TShirt tuamtuam muh ding tam mahmah, htt*- Arsenal [Modified Jersey], North Zomi, The Floppers, The Singtangmite [all edition], Zogam.com [both editions], Zogamonline etc. Tam semsem leng anuam hi...

A lehlam ah, ei singtangmite ngeina hihetlou in, nin paihna di a pailou, kuva tui baang ah se san zezua, thu omlou a mawk kikou leh i dawnna bawmte apaihna mun ding i theihlouhsek ziak un, i Sports zatna mun te uh Alpha leh Omega hikha theisek pen, thu kiza danin tutung inle vaaite i bat dekdek ziak un, maban ah Ground neiten ahon phalnawn di ua aw...chih sim in a om hi.

Hun kidaihlouh ziak in Chess Final zohlou in om hi. Banah, kimawlna khenkhat ah vualzou hihna kipahpih thilpiak (Prize) ding om mahleh, kimawlna khenkhat ah a omtheihlouh sek pen poi mahmah hi. Siamzawng (talent) tuamchiat leh lunglutna kibang veklou ahihna ah tha-leh-zung seng a lungluttak a ana pangkhate a ding in thazoihuai mahmah thei dinmun in om hi. Huaibanah, kum dang banglouin, tukum in Basket Ball te saikhit himahleh, sports hunsung in kum dang a kisaisek khenkhat sailouh in om a, kimawlna khatkia i.e. Football lam ah nasa tak mai in deihsakna piak hi a muhtheih in om hi. Football hongbei toh kiton in sports beituka ngaih in om a, himahleh hiaihun in Deente (throwball) final kimawlna bei naikei mahleh Prize Hawmna pat in om mawk hi. Khenkhat in thazoihuai asak thu gen uhi. I Pawlpi ah i lunglut chiat sem theihna ding in maban ah hichibang neu chikchikte leh hou chikchikte chiamteh tuak mahmah hi.

Bangteng i genhang in hiai, hiai hunnuam tak mai, aneu-alian atek-akhang nupi-papi nungak-tangval te ading in kumkhat a khatvei sunsun thoveng taka a lompi a kipolhkhawmna, kimuhtuahna leh kimeltheihna ahihsek manin, amanphat dan sum-le-paai a tuattheih thil hilou hi. I Pawlpi it a, buaina leh haksa tampi thuak a kal ana suan Vaipawte ziak a hiai bangteng hong piang ahihdan kuapeuh in theihsiam chiat leh deihhuai hi. Pathian in i Pawlpi tungtawn in a ITNA hon langsak zel ziakin Amah kiang kipahthu gen chiat ni.

Apini in leh atawpna dingin Pa T Thiankhanmuan leh Pa T Kaithang ten Thumna in Ngetna leh Kipahthu genna toh Siamsin Sports Meet 2009 laan khia uhi. Thank God.

Thursday, October 1, 2009

Delhi Siamsin Annual Sports, 2009: CHIALNA

- Sports Department, SSPP-JHQ: Delhi [SSPPNet]

Siamsinpawlpi, JHQ Delhi in, October 2 & 3, 2009 sung, JNU Football Ground ah, Siamsin Annual Sports Meet, 2009 kizat sawm hi. Hiai hun in kimawlna chi tuamtuam sai hi diing hi. Opening Ceremony October 2, 2009, 0900 hrs in om dia, Closing Ceremony October 3, 2009, 1700 hrs in neih hi diing hi.
Opening Ceremony hun ah Pu Haukhum Hauzel, IAS, Financial Commissioner in Chief Guest hihna toh Siamsin Annual Sports Meet, 2009 honna nei diing hi.
Tutung Siamsin Annual Sports Meet 2009 diing toh kisai in, Delhi Siamsin te innpi 4 (four) a khen in om a, Patron honna mualliam santa te min zangin innpi min kiphuak hi. Huai te - Pu Jelshyam, IAS; Pu T Thangthuam, IPS; Pu T Gwite, IPS leh Rev (Pu) T Jamkhothang te ahi.
Hiai Sports Meet uap a leh kimawlna tuamtuam te a kihel diing in kuapeuh mah Chial leh Lam-et ihi uhi.
Ngambawm 'A' leh 'B' team (Papite) te adi'n Football Match, Khupching 'A' & 'B' team (Nupite) te adi'n Volley Ball Match leh Junior Thanghou leh Liandou te adi'n Football match leng a om diing (for details please refer Siamsin Bulletin Sept. 27, 2009).
Sd/-
Sports Department, SSPP JHQ(D)
P.S. Opening Ceremony Programme attach file ah a et theih diing. Huan, Papi leh Junior te kimawlna a Min kigelh khalou te, theihkhelh/gelh maih khak ahih man in kuapeuh (hiai category a om tengteng) tel theihna'ng a kibawl ahihman in, ahun chianga tel chiat dia Chial leh theihsak ihi uhi.

Pu T JAMKHOTHANG' Innpi | SINGTHUPI

The 1st "Pioneer Man for the zomi" a chih theih ahihleh Pu(L) T. Jamkhothang ahi.A thupi dan,ei Zomi te adia literature lam hitaleh,saptuam lam leh lam tuamtuam a ana panlaknate gendi chileng laitui leh laidal in daihlou d ahih manin gendah vetni. PuThang zahna lianpi ipia ahi.

Tutung SSPP Sports hongtung ding ahi petmahta a,huaitoh kitonin kou Pu T.Jamkhothang Innpi ten HRD Ministerpu theih phaklouhin Environmetalist deuh di’n leh Global warming douna kawmdin ka slogan ding un "SINGTHUPI" konzang uhi. Bangziaka singthupi hong kizang hiam ichih leh puthang in singtangmeh lak a aduh pen ana hibok hi.

Mosi in Moriah taang a akhut azaak laiteng Israelten zoudi a akitheih bang un, ka JKT pihte aw na leader te tung a haichitang chiah ginna non neih ua non kithuahpih sungteng uh zohna lah ei a ahi ngal a.Innpi sung apan mipil leh muanhuai taktak te banah intellegence tuamtuam ISI, M13 te aguk a munchih-mualchih a sawlkhiak ahihtaak uh toh kiton in Innpi dangte plan leh strategy teng theihchai vek ahita.Europe apan International leh world class proffessional foul trick siam taktakte guaihzoh ahita ua,huaikiale hilou in tulel a world champion Usain Bolt le kitaidem na coach dia chial zoh ahita,ahong tung chikchik sun-le-zan a kisakholhna omding dan ahi.Tua ahihmanin sport ni chiah kimawl mite'n akuul leh poimoh hunhunin azil leh atheihte uh innpi dangte nang vuallouh din hon zang geihgeih di dan uh ahi.Innpi dangten hon huphulh lawdi uh ahihmanin coach dangte i taaklang dah di.Tutung sports pen kumdang banglou takin kuamah kisiit omlou dia talent leh siamna neimamah loute le hon kikhual lua ahihman in TAKE REST(race) beek a tel dia kuapeuhmah nong kilat uh duhthusam ahi.Siamna tungtuang nei a omleh a mobile a full a battery charge sak ahi ding.

Kimawl hunsunga 'Building One Another' chidan a khat-le -khat kitheihtuahna,kitanauzawkna,phatuamngaihna leh namkhat ihihna ngai thupi a kituak diamdiam le kiphungvuh tuahdia ngainatak a chial le theihsak ihi uhi.Unity Is Strength chih itheih kawmkawmin tam akailut zouzou kipahpih seem ahi(Namdangte bangle).
Nikum/Kumdang in kahohtana,kei milak aleh kihel ngailou,keizaw mi'nle hon theikei unteh,Keilou inle atel di atamna chi mailou in hongtel a,hong uap a hong kihel siausiau din iki ngen in iki theisak ahi.

Huaiziakin azahtaakhuai ka area pihte aw na area adia bangmah kisiit loua na hihtheih khamkham hongsuah a hong kihel teitei din kisa tekni.Nang nakipat kei leh kua akipan d?
"Puthang aw na laukha mubang hongleeng inla,kou na sen vontawite din vualzohna thu hon ngetsak lailai aw" ~JKT Captain

"Singthupi!"

Pu JELSHYAM Innpi | "Eite Mahmah!"

Huihkhi hong laang, Siamsin Sports gim hong nam e! North Zomi te kinepna, i lunglai hong kuai, Siamsin Sports tuang hongtung nawnta. Laisim gigete adia laisimna apat ‘break’, nasem gige te adia nasepna apat ‘break’, bangmah hihloute adia le bangmah hihlouhna apat hihdi omna hun ahi.


Sports hung hongtun chiang in, North Zomi a’ i kipumkhatna uh leh kithulual nate uh ziak a etton tham, Sports hih nuamtu, Area/Veng dang te a dia etton tak omdan mawi leh kilawm i ngaih poimoh mahmah uh, subuching tu nang leh kei hi ding in hanchiam thak ni. Vualzoh tum a, hah pan peetmah in, vuallelh hun a leeng, kimawlna a vual lel hikha phot chi in, vualzoh leh vuallelh kipahdaan siam tekni. Liandou-Thanghou te unau anbang ki-iit na phawk kawm zel in, i siamsin pih lawm-le-vual toh annbang ki-iit in, ki-huaisiam ni hang e.


Hiai Sports hun a kitaitehna tuamtuam om sek te, kisuklimna, kipolhlimna ahi chih thei kawm in, Area/Veng dangte toh I ki thuahkhop na te ah, i pawlpi uh leh ei-le-ei ki meel hem sak khak di veng khinkhian in, i Pawlpi SIAMSINPAWLPI thupina tawisang semsem te hi ni hang aw.


I Area/Innpi min diing a Heutu te hon piak, a Phamsa, Pu H. Jelshyam, LLB, Faculty of Law, DU, North Campus (1962-64) ngei leeng Ex-North Zomi ana hihkhak sawnsawn ziak in Innpi min a, amah i tan khak uh hamphat huai I sa a, kisuan leeng, kisuan tham mahmah a ki sa hi. Amah Paite kampau a IAS (1966) masa peen leeng ana hi zomah a, ei Paite kampau a IAS masa pen North Zomite mah ana hi leltak hi. Nuam ei Eite Mahmah, dialdial a diamdiam in leengkhawm ni maw Siamsin!!!


"Eite Mahmah!"

Pu Thangthuam Innpi Sousang Gawp

Apai lellel Sports kisak khawlna dal vuallouh in PTT Innpi (Pu T. Thangthuam Innpi) te kha nih val mahmah bang a na kisakholta uhi. Muanhuaitak apan kiza danin taksa lam lou leng; khedap, limlang, sunscreen, sweat band leh puanakkhawng neithak zelzul mai uhi. A Captain Pu ngial houh uh underpant thak liklek, a lastik gak theipente SN Market ah va lei a, kimawl chianga Inch khatleng a tolh ding deihlou ahi chi.

"DISTURBING DEUH IN HIT NI UH EI"
Captain Pi Thiansiam khazap na nuai ah Basketball “JNU a sun leh zanin amei-apa in tat zialzial uhi. Captain Pi heute khenkhat siamgawp ua, suang tum bang tat tuan zialzial mai uhi. Basketball a kigen khak chianga aminloh khak teitei uh Unp. Minsang Coach in zang ua, a om chiangin nungakte hipah sarsar ua, a kimawl dan uhle dikse chi uhi. Nursery Kimdangiri in nek-leh-dawn lam enkai a; aktui sial, bawngnoi chihte nesak toihtoih. A nek uh a hoihnung om vetvut mai u
Ei Paite-te lak a football a kigen khak chianga chiltui kaizeen a agen mangmoh uh PTT Innpi-te leng kisa nak mahmah ua; practice leng hun sa nawnlou in, goal khum chia omdi dan, lutdi dan chihte akizil leh akikup laitak uh ahi chih Captain Pu in ball thohvok kawmin gen. Captain pa’n Messi, Pele,Maradona chihte toh kibatna chiang nei ahi chi. ‘Kris a unau’ I chih dandeuhin aman, ‘kei hiaite toh football a unau kahi uh’ chi teitei. Kisak kholna le ngai a sak louh himhim uh Volleyball leng ngaklah petmahta ua, nail polish leng a poimoh leh nuhdin mansa diam uh. Volleyball bet khawng maida mek leh bet siamsa Capt. 747 Kawl in gen zauzau. Three legged race ah chemistry omdeuhtechouh telsak sawm ua, Tuidip-te ah Phulalen Khual muang mahmah uh. Aziakbel ama khutpek lian se a, aneulai in a insakte ngakul a khutpek chouh zangin a na theh kang dimdem ngeita hi. Prez MT leng 100 M nungtai confipetmah a, amit a hih kalh theih banah, a kalhsak chiangin a nunglam le muthei chi hi. Frog Jump lam Litchii Muannu in ukeng hia uphok tawmding chih saikak lellel. Ball Dengte numeite kithuhilh zialzial ua, amau i langlamte Iiplah zoh peuhleh kizou ahi chi uhi. Chirag Mang a na phur guk gige RelayRace a na hi phiangsan a, Relay Race a hobby a hihlam leng gen.
Sports ding kisak kholhna ziakin halhthakna lam tuamtuam ah tung nak mahmah a, Capt. Pi Thiansiam in bang, “Olympics a kimawlmite lungsim di ka manpha pan. Ka halhthakna Bible a Pentecost ni toh ka tehkak zezen” chi hi. Manager Pu Muanlal leuleu inla, “Tuailai te kimawl ka muh chiangin ka halh kuau. torchlight zanmial nuai ah ‘on’ mah kabang” chi.

Pu T Gwite Innpi apan Thusuak

[SSPPNet]
Pu T Gwite Innpi apan apaita Pathianni, Sept 27 a kisuah, "Thangsuah" hiai ah hong kikhil tel. A sung a tuangte tamlou eukhiat  ::::::::::::

Tutung Siamsin Sports kumdang banglou tak in a husa ngaih mahmah. Bangdang ziak hilou in Pu T Gwite Innpi te' kisakkholhna ziak lel ahi. Innpi dangte adia huphulh huaitham ahihziak in, leh kimawlsiam tuamtuam a tamziak in, buaina thupi tak a pian khaakdiing lau in, practice chiang in Ministry of Home Affairs, GOI in Security tier 3 hial in venbitna pia a, a bouruak gik mahmah. A practice uh endiing kia in leng Delhi kilchih apan mi sang tampi a paikhawm gige ziak un traffic nasatak buai gige a, Delhi Police leh solkal Khawnbawl Upa te pei lung-am zou mahmah.

Lamsiik teng ah hoarding aled-a-lian in "T Gwite Innpi Thangsuah Hen!"chih muhtheih di'n paak zeezua mai. A lamdang ahikei! Kipan nailou ei zomah voi! Ana ngaak o! October 3, 2009 chiang in T Gwite Innpi te' vualzohna thawmging in phualpi khopi a zeelsuak diing!

* * *
C H I A K N A – K H A A P
¤  Sports chiah puan-ak rong san ngen i silh d'u. Amei-apa in khekor tom teng chiat di, pheikhok le i bun chiat d'u. Kimawl dia mansa a kuan vek di ihih ukha.
- Pa Suakzathang Nunthuk RKP 12
¤  Tutung ei innpi in overall champion i laak ngeingei uleh aisa vaak a vaak in field ka round ahimai.
- Stand-up Comedian Pa Vanlallian
¤  Siamsin Sports di thu zaakphet a i kisingsat pah leh khosik malam zezen ika hia.
- Pa Khamkhanpau, RKP 12
¤  Pu Pau, nana huchi a practice na a ni 2 hon mulou kachih mah.
- Dorothy Nem, RKP 12
¤  Ka area te aw, taksa lam ah ka fit kei na a, kam leh aw lam a player te cheer up theih di nahih nak ualeh zaw aman sa ka hi.
- Lia Khumroumawi, Nanakpura
¤ Championship i laak ua leh ka innkiang te' vokpi ka thoh!
- Tg Jimmy Tonsing, Mohammedpur
¤  Naudon kidemna omsak di. Naungek neite'n a sukkah di uh. Huaikha tangval te a don/khem siam penpen prize piak di.
- Tg Vungzakhen, Munirka
¤  Kho-kho bang omdi hileh a endiktu khawng in kipang leh ka chih hi a!
- Nu Chingi, Dwarka
¤  Eibang i hong pan tatak chia zaw Luut Gulit (Ruud Gullit a chihna) vanglai mah bang zen di e.
- Pa H Thangpi, RKP 8
¤  Cock-fighting omlou dek hia'i?
-Lia Mami, Munirka
¤  Ei Brazil te, Ronaldo banga hong sialtal cheetsawm i tha'h kei maw, kuan honthuak mahmah dia.
- Pa Vumsuan, RKP 10
¤  Numei futbawl om ngeingei lezaw kawng tan chiang in ball hong leeng lele, head luut ziahziah di kachih hia ...
- Nu Nemsiam, Munirka
¤  Pa Kam le goalie dia muanhuai pen di hivaw.
- Maradona Pa Thianzakham, RKP9
¤  Ka hitaang sim gige na a Pa Gianthang te khawng n'ong kiziat khiak chiang ua, ki tu kinken thei nawnlou le hisim mah e.
- Pa LT Ngaihte, Moti Bagh
¤ Nikum a dan a joint winner a hong om nawn di leh ei' a i pekhe top mai di uh!
- Tg Thianjuan, Munirka
¤  Thangthuam te'n ei Innpi numei  te basketball a zohdan uh eek toh kibang!
- Tg Lianthansang, Munirka
¤  Ash! Tutung sports nopchi e maw! Ei veng te'n bus 1 hire phei ekmawk in, a bus mai ah "T Gwite Innpi, Nanakpura Branch" chih i taak uh aw? Phurhuai gawp.
- Lia Nenem, Nanakpura
¤  Ei Innpi te, executive te a tamzaw omna kihikha inchin, kidaam deuh kei ualeh, denchiah haat lawleng , a nuamlou omthei ahi.
- Tg Mang Naulak, Asst Secy
¤  Hitham e. Kidaamdeuh takmai a kimawl di. Huchi napi a i haat teitei inchu bang i geen ta dia?  I ut-thu hinawnlou di a'ihchia maw.
- Jeho Mourinho, Manager, TGI

T A N M U N – H A W M N A
¤  Pu T Gwite Innpi a a "penpen" hihna teng tang di'n  Tg Paulun Suantak sehkhawl ahi. Ama' a diing kia ahi. A state tung hi in, a mawltual lai hi in, a ning hitaleh - kisuklimna khempeuh ama' aa ahi!
¤  Sports hunsung buaina bawl omleh beengdai tu di'n SWAT team mansa in om gige di. Security lampang Pa Khamchin Naulak, RKP in a enkai diing. Tg Thathang, black belt, in a kithuah pih diing.
¤  Sports sungteng Munirka domestic airport leh JNU kikal leenna service a om diing.  US apan zouthak Paulunmang, MNK in heek di.  A tuang diing te zinglam dak 9 tan a Munirka Airport tunkim ngeingei diing ahi. A zekai te'n next flight, kumnawn ngaak mai a ngai diing. Cabin crew te Lia Biakhoih, Satya leh Lia Nemmang, RKP te'n makaih diing. Cabin crew post awng omzek lai a, lunglutna nei te'n Innpi Manager pu' kiang ah Sept 30 tan in resumé piakluut theih diing. Hiai di'n area sungmi deihtuam ahi. Veng dang a ut tenten a omleh leeng a ngaihven theih thou.
¤  London apan Cheerleading team hongkuan te makaih di'n Lia Manngaihlun Mahavir Enclv leh Lia Nianiang, RKP5  te seh ahi uh.
¤  Suanmang leh a lawmte'n ei area kimawl sung mipi suklimna di'n laa ana sa ziahziah zel di uh.
¤  Emergency Medical Squad enkai din'n Lia Nancy Chinghoih &, Esther Biakhoih,  Munirka seh ahi uh.
¤  Tg Kapthang, Nanakpura in Disaster Management Unit a enkol diing.
¤  Kimawlna cover dia hongkuan TV channel leh print media te Tg Kham Naulak, MNK in ana enkaidiing.

T Gwite Innpi Menu
Neekbawl tuanvai diing te: Pa Goukhangin, Pa Thiankhanmuan, Pastor Khamkhanchin, Pa K Thangmuan, Nu Sangpui, Nu Chinglian leh Nu Ngaihzual te ahi uh. Hiai anuai ate athawn in kihawm diing:
¤ Singngat Special   ¤ Songtal Satui
¤ Tengkol gawi   ¤ Lawi-eek teh
¤ Bawngkhelilawt     ¤ Thanlon Singju
¤ Khangkhuh     ¤ Patoktonol
¤ Maitaamtok ¤ Aigechil

Captain       |    Thanglianchin Guite 9811358806
Manager     |    Jeho Mourinho  9716331164

NANAKPURA | Dwarka | Rohini | Vikaspuri | Mohammedpur | APS Colony | Pitampura  | RK Puram |Delhi Cantt |Palam | Chanakyapuri | Hari Nagar | Janakpuri | munirkA





Keep up with people you care about with Yahoo! India Mail. Learn how.

Watch: Zogam Salpha Raja Goukhothang