Saturday, July 22, 2017

Mission Worker's (Evan Teacher) Tour 2017

JNU Singtangmite'n Sinsaktu li te vaidawn nawn uhi

PROJECT MISSIONS WORKER (Evan. Teacher) TOURS chi in EBCC Central Delhi a BYF leh Missions Committe in tukum 2016 apan ana pat tungtawn in tukum 2017 a Nih vei na din Teacher 4 te Delhi ah Tour neih pih uhi.

Huai sungin in 28th June 2017 ni nitaklam in Delhi Metro Airport line, Lotus Temple, Qutub Minar leh JNU Campus ah hong pha thei un, JNU ah School of Environmental Sciences a ADB Hall ah JNU toh kisai presentation tomchik nei in, JNU Singtangmite min in deihsakna lianpi toh ahong kipatna chiat ua a zinpak ding uh, Teacher te adi Pen leh Student te adi Pencil & Eraser piak na uhi. Huai zoh, Dr Ambedkar Library sung etkhiatna neih un azoh Singpi dawn in, khua mial toh kiton in RKPuram lam manoh uhi.

Huai teng banah EBCC Central Delhi saptuam milip fel mahmahte makaihna in, Rastrapati Bhawan, Parliament House, India Gate, Gandhi Ashram, Red Fort, MTFD Protest Jantar Mantar leh Delhi mun tuamtuam phak pih uhi. Hiai hunte ah Pastor H Thangchinkhup te nupa in va zui thei zel uhi.

Sinsaktu (Teacher) te adia hun manpha bawlsaka, Delhi khopi musak a, India sinlai leh sinsak tute kikulhna munpi khat JNU Campus khong hong phakpih EBCC Central Delhi heutute lunggel in sau mu ahihdan uh JNU STMT in kiphawkpih in, sunzop ahih ding deihthu sam uhi.

Sunday, July 2, 2017

SSPP JHQ SHILLONG: KIPAHPIH THUPUAN 2017

SHILLONG: Nisim 30/06/2017 in NEHU nuaia BA 3rd Year result 2016-17 suak hi. SSPP member te'n hihhoih mahmah ua rank holder bangzah hiam bangle i neih man un amaute lohchinna i pawlpi deihthoh tak SIAMSIN PAWLPI in KIPAHPIH thu i puang ahi.

*Rank Holder omkha te:
1. Dimthianhoih - 67.50% - Lady Keane - History (Rank 2)
2. Ginsuanding - 68.38% - St. Anthony's - Philisophy (Rank 8)
3. Rebecca Nianbiakkim - 65.88% - St. Edmund's - Sociology (Rank 2)
4. Ningmuanching Guite - 63.63% - St. Mary's - Sociology (Rank 6)
5. Siambiakkim, St. Mary's College-Sociology (61% )

Lohchinna ngah midangte:

CAREER CORNER: HOW TO BECOME A PILOT

- K. Pauginmuan, Newlane,  Bungmual, Lamka.

Khovel ah khang touhna om theihna dingin, ki kawmtuahna poimoh mahmah a. Eilam inle ki kawmtuahna ding in Len¬na ki hahzat mahmah ta a, himahleh lenna lam (Aviation Industry) tam ki thei khollou hi. Huaiziak mah ahi diam ah Lenna tuan ding pumlauh a hun khop ki om hi. Khovel a khangtouh dungzui in, lenna tuang kia hilou in lenna hektu a pang theihna ding kong leng ki hongzel sam hi.

Pilot hih theih na ding in Licence neihngai a, Licence chi 4 in ki khen hi. Amasa pen in, Flying zil patna ding in Student Pilot Licence (SPL) ngai hi. Hiai Student Pilot Licence pen Flying Training hih theih na ding a poimoh ahi. Huai zoh, Private Pilot Licence (PPL) neih theih na ding Flying experience dakkal 40 leh PPL exam pass ngai hi. Private Pilot Licence I neih chiang in dan bang in lenna in mi ki pothei ta a, himahleh a lenna tuan¬man nei dia mi puak theih nailouh, summuh na ding (Commercial Flight) in ki zang thei nailou hi. Commercial Pilot Licence (CPL) neih theih na ding in, CPL Exam leh Flight Radio Telephone Operator Licence (FTROL) exam pass ngai a, flying experience dakkal 200 banah Flight Test tuamtuam leng pass ngai hi. Hiai Commercial Pilot Licence i neih chiang in, kaam ki zong thei pan hi. Huai ba¬nah, Airline khong ah Commander hih theih na ding in Airline Transport Pilot Licence (ATPL) ngai non hi. Hiai neihtheih na ding in flying experience dakkal 2500 neih banah written exam leh Oral exam pass ngai.

Commercial Pilot Licence (CPL) Course zil theih na ding a poimoh te:

Watch: Zogam Salpha Raja Goukhothang