CHAPTER TWO
EBC RETIRED PASTORS & PAIMASATE
REV. DR. GOUZAKAP HATLANG
March 15,1942-August 20, 1998.
1. PIAN LEH PHUNG: Pa Kham-Ai Hatlang leh Nu Ngaivung-te nupa apan Pathian thilpiak, gil a gah goutan a thumna ding in Kaihlam khua ah March 15, 1942 in piang hi. Unau pasal 4 leh numei 4 ahi ua, pasal-a upa pen Nunzakhai himahleh kum 2 vel a phak a hon omlouh san ziak in pasal-a upapen hihna amah tung tukha hi. Apa Pa Kham-Ai ahihleh innsung haksatna ziak in kha 1 kia school kai man mahleh mi lungpi khual mahmah, maban ding saupi geelthei (muhkholhna nei) ahih ziak in laizil poimoh dan thei hi. Huaiziak in singtaang a omsawt hoih salou in 1947 in Kaihlam apan Mission Compound ah a pa'n pem pih in Carpentry, meithal/thau bawl (gunsmith), Mission Guardian (kha 1 a Rs 24/- loh in) leh press ah compositor sem kawm in innkuan vaak hi.
2. BAPTISTNA LEH INNKUAN: 1964 kum in baptistma tang a, May 17, 1968 in Upa Vumzatun Hangzou tanu upapen Niankhoching toh saptuam dan in TE Paul Memorial Church, Mission Compound ah Pastor Rev H Nengzachin khut ah kiteeng uhi. Anupa un Pathian vualzawlna gil a gah goutan tapa 4 leh tanu 3 nei ua, amaute:
1) Khenthang Hatlang
2) Mary Niangngaihkim
3) Elizabeth Lianmuanching
4) Paul Richard Khamsuanmung
5) Esther Chingroumoi
6) David Thangnunlian
7) Benjamin Thianblakmuan
3. LAISIMNA LEH ORDAIN-NA: NEIG Mission nuai ah laisimna kipan in, July 14, 1964 in Rostad Memorial High School ah Class X (HSLC) zou hi. Guwahati University nuai a Sielmat Christian College ah nitak a kai in, sun chiang a Rostad Memorial High School a clerk sem kawm in July 4, 1968 in BA zou hi. USA ah 1972-1976 sung om a, huai ah STM (Master of Sacred Theology, MTh - Master of Theology, toh kibang) leh MDiv (Master of Divinity) zou hi. SAIACS, Bangalore ah PhD (Doctor of Philosophy, Missiology), 1994 kum in zou nawn a, Paite kampau lak a theology-a Doctorate ngah masapen ding in Toupa'n koih hi.
ECC (tua EBC) Kumsim Khawmpi 31na, Dorcas Hall, New Lamka ah january 17, 1980 in Rev Dr G Khamkam in Pastor ding in ordination pia hi.
4. SEPNA:
1) 1967-1972 sung Rostad Memorial High School ah clerk in sem hi.
2) 1976-1980 sung Dinwiddie Memorial Bible Institute (tua Evangelical College of Theology, ECT) ah Principal in pang hi
3) 1978-1979 sung Grace Bible Institute ah sinsaktuin pang hi (tua Grace Bible College (GBC) chi a 1981 a a min kikhek ahita)
4) 1980-1982 sung Ebenezer Academy ah Principal in pang hi
5) January-May, 1983 sung Vangai District ah District Superintendent in a pang
6) June 3, 1983 apan December 1983 sung Imphal Area Pastor in pang hi
7) January 1984 apan December 1989 sung Imphal DS masapen ding in sem hi.
8) January 1990 a kipan December 1991 sung Lamka District DS ding in pang hi. 1992-1994 sung Bangalore ah Ph.D zil hi.
9) 1995 in Executive Secretary 2-na (tua General Secretary) dia teelching in om a, 1997 tan leen hi
10) January 1998 in Director of Missions ding a teelching in om a, himahleh amah taksa damlouhna ziak in sawt sem manlou in, a nungzuih, A nna a sep amuan pa Pathian kiang a tawldam ding in August 20, 1998 in hon paisan hi.
5. MATAWNG AHIHNA TAMLOU:
1928 in Dinwiddie Bible Institute (tua ECT) Lakhipur ah kipan khia a, 1930 in Mission Compound ah hong kisuan hi. Huai ah Principal in 1976-1980 sung panga', Principal alet kum in Bible College piching a upgrade in om hi Mission Compound apan 1977 in tate school kaina ding leh Grace Bible Institute patkhiak ding lunggulh ziak in Lamka ah hong omsuk uhi. 1978 kum in Grace Bible Institute (tua Grace Bible College, 1981) Upper Lamka Sunday school building ah kipankhia hi. Huailai in, sun chiang in Dinwiddie Bible College, Mission Compound, a Principal semkawm in nitak chiang in Grace Bible Institute ah sinsak zel hi. Sinsaktute leh naupangte sun huna sep neichiat ahihman un nitak in kai zel uhi. Grace Bible Institute a sinsaktu masate ahihleh: 2 Ceas is food2 1. Rev Dr G Hatlang, 2. Rev T Jamkhotang, 3. (L) Rev Dr G Khamkam, 4. Rev Dr Lualchinthang, 5. Rev Dr Kurien Thomas, 6. Rev Dr CV John, 7. (L) Rev Vung D Tombing. of gol Sinlai naupang masate: loarir hanbe to votes) duos (vivid to 1925) 1. Paukholian, h/o Zenkhoman, 2. Songthang Gangte, Chiengkonpang. 3. (L) Ngilzakhup, Elim Veng, 4. Chindam, Bugmual, 5. N Thonzagin, Bungmual, 6. Mrs. Thanching,
Saptuam in school khat neih poimohsakna hong om a, 1980 kum in Ebenezer Academy phuhkhiakin om hi. Amin Ebenezer Academy leng ama' phuah ahih banah huai ah Principal masapen hihna 1982 tan leen hi. Imphal a aom sung in Evangelist Thawnkhansuan, Miss Dimzangai leh Miss Liankhoman te chialin ama' bial sunga khua omteng ah chialpina neisuak vek uhi.
6. MUHKHOLHNA:
Pathian in vision hoih taktak pia in saptuam maban ding bangzah hiam awlmoh tak in ana genzel zel mahleh ama' hunin huaite ana theihsiampih khalou ua, bangzah hiam zuih om lak ah bangzah hiam kikheel manta uhi. A vision-te ahih leh:
1) New Lamka ah Biakinn khat kia, Hebron ah om hi. Saptuam khangtou in mipi punbeh zel mahleh Biakinn khat kia om ahihman in mi akizangte kia kizang den a, midang zattheih leh talent hoih pipi nei tampi zat khaklouh om uhi. Biakinn mun ding veng sak (tua Dorcas Veng) leh veng khang (tua Vengnuam) te ah Biakinn mun ding mun bangzah hiam innmun a kimat lai in leini chisek hi.
2) Tua Dorcas Hall tung peh ding a kigenlai in hichin na gen hi: "hiai ei Inn tung ah kuaman Inn hong lamlou ding ahi, gam awng tua Ebenezer Academy saktou DS Quarter leh GBC toh kaal awng teng leikhia in Dorcas Hall toh kizomsak photni" chisek mahleh na kilei khalou in tu'n Saptuam mun ngen lah hi, lampi leh innmun in hal ningneng hi.
3) Dorcas Hall apan Lanva Lui pheiteng Pa Ngulthawng Tombing in lou a nei a azuak ut lai in leikhe ni in, awl a huai munte zuak in ei gam omsate ah Inn lamzel ni chisek mahleh lei louh in omkha a poi mahmah.
4) Semtute quarter ding akimvel ah lam in alai ah hall lianpi lam lehang khawmpi lian zintunna ding mun laizang hong hipah ding a midang in leng khelhtheih hipah ding chi'n na gensek hi.
5) Ebenezer Academy compound ah Hostel lam in, warden ding leh counsellor khat nei lehang semtute tate kaisak ding hang a transfer/posting ziaka semtute'n tate' school kaina ding lunghimoh lou in sepna chiat ah thoveng tak in semthei ding i hi uh. School fee leng worker-te tate a akimkhat Dorcas te'n piak hileh Dorcas te nnasem hoih ahih ban uah worker-te loh punsak toh hong kibang pah ding chilai hi. Transfer/posting ziaka tate kaina school a kikhen zihzeh chiang in a zillel sangua pawl niamzaw-a admit ngaiin kithakpat zihzeh ngai hi. Tua ziakmah leng ahi diam semtu masate tate'n haksatna atuah uh hon chisak hi. A gam leh saptuamte ading a awlmoh leh phatuamngaitak a asepte tungtawn in i biak Pathian in thupina, minthanna leh pahtawina tang hen.
Lakna: Rev. Thawndoulian, 'The memoirs of the Gospel Bearers - Tangthupha Pawtute Theihgigena'
Doc: 1976 Lancaster Theological Seminary Bulletin wrt Gouzakap Hatlang June 1976
No comments:
Post a Comment