“Zogam mial ah khuavak puak ding in
Hong ging hi sapna aw tuni in
Kuahiam kuan ding khuavak puakdin Zogam ah
Singdang omlou siamsinte loungal”
Hong ging hi sapna aw tuni in
Kuahiam kuan ding khuavak puakdin Zogam ah
Singdang omlou siamsinte loungal”
Atangpi in Delhi a laisim dia pai ihi uh. Tup sang pipi toh i kuan ua, nu-lepate’n le kinepna liantak toh hon khakhia uhi. Ban ah gam-le-nam in leng naktak in kinepna hon nei a, banghiam thil a om chiang in Delhi lamte’n bang ngaihdan a nei di ua aw chi’n hon bildoh mahmah uhi. Himahleh ei Delhi a omte’n
innlamte hon muanna leh kinepna bang a i om zohlouh khak diing uh a lauhuai.
Civil service i gen tam mahmah ta uh. Khenkhat te adin zak ninghuai le ahita maithei. Hilele gen lailai ding. Bangziak in eita? Kipoimoh ahihchiang a. I kimle-kiang ate enle IAS, IPS in va-uk bang in hon lensan ta uh. Ei i ki-et chiang in Pu Vumlunmang Vualnam, IAS leh Pu Thangkhanlal Guite, IPS nungzui di omnawnlou. Bangziak ahidi? Namdang te sang a lehkha siamlou zaw ihidi uam? I hih uh ka gingta kei, a ziakchu management leh line tuamtuam ah mi i phalah kei a, i hihhoih mahmah uhi. Ahihleh IAS, IPS te manphatna theilou a huailam ana focus khalou deuh ihidi uam? Ahihkeileh civil services exam khawng a haksa lodidan, chinzohlouh didan a koihkha ina hidi uam? Mi a ching le ei bangziak a chingzoulou tuan ding? “Can do” attitude leh “never say die” spirit nei in pang le i zou ngeingei diing un ka gingta.
Ei Paite-te i population uh a tawm mahmah lai a, MLA 2 i neizou hamham uh, MP bangchu kahase himai. Huaiziak in vaihawmna, power i tawi theihna uh omsun ban ah a hoihpen hiai IAS leh IPS te ahi. Government in nou Paitete na tawm lua ua, IAS/IPS hiaizah kan na omtheikei di uh chi’n hon bikhiahsak kei. Huaiziak in IAS/IPS leh allied service te ah lut zungzung le power ei a himai ahi. Kuaman hon khaam theikei. Policy maker a i panzoh louh in leng a implement tu in pangsawm ta ni. Delhi i omsan uh mangngilh lou in tukum SSPP Delhi in “Year of Study” chia i puan toh kiton in laisim mah pibawl chiat din ikingen ahi.
Laisiam in IAS leh officer tampi kibehlap in office teng i luah dim ua, Manipur namchihteng tenna, Siamsinpawlpi gam leh vaihawmna a hong suah kal ngaklah huai lota hiveh aw! Hiai tangtung sak din aw Delhi siamsinte.
“Arise, awake and stop not till the goal is attained.”
[Siamsin Bulletin | 31st January 2010]
innlamte hon muanna leh kinepna bang a i om zohlouh khak diing uh a lauhuai.
Civil service i gen tam mahmah ta uh. Khenkhat te adin zak ninghuai le ahita maithei. Hilele gen lailai ding. Bangziak in eita? Kipoimoh ahihchiang a. I kimle-kiang ate enle IAS, IPS in va-uk bang in hon lensan ta uh. Ei i ki-et chiang in Pu Vumlunmang Vualnam, IAS leh Pu Thangkhanlal Guite, IPS nungzui di omnawnlou. Bangziak ahidi? Namdang te sang a lehkha siamlou zaw ihidi uam? I hih uh ka gingta kei, a ziakchu management leh line tuamtuam ah mi i phalah kei a, i hihhoih mahmah uhi. Ahihleh IAS, IPS te manphatna theilou a huailam ana focus khalou deuh ihidi uam? Ahihkeileh civil services exam khawng a haksa lodidan, chinzohlouh didan a koihkha ina hidi uam? Mi a ching le ei bangziak a chingzoulou tuan ding? “Can do” attitude leh “never say die” spirit nei in pang le i zou ngeingei diing un ka gingta.
Ei Paite-te i population uh a tawm mahmah lai a, MLA 2 i neizou hamham uh, MP bangchu kahase himai. Huaiziak in vaihawmna, power i tawi theihna uh omsun ban ah a hoihpen hiai IAS leh IPS te ahi. Government in nou Paitete na tawm lua ua, IAS/IPS hiaizah kan na omtheikei di uh chi’n hon bikhiahsak kei. Huaiziak in IAS/IPS leh allied service te ah lut zungzung le power ei a himai ahi. Kuaman hon khaam theikei. Policy maker a i panzoh louh in leng a implement tu in pangsawm ta ni. Delhi i omsan uh mangngilh lou in tukum SSPP Delhi in “Year of Study” chia i puan toh kiton in laisim mah pibawl chiat din ikingen ahi.
Laisiam in IAS leh officer tampi kibehlap in office teng i luah dim ua, Manipur namchihteng tenna, Siamsinpawlpi gam leh vaihawmna a hong suah kal ngaklah huai lota hiveh aw! Hiai tangtung sak din aw Delhi siamsinte.
“Arise, awake and stop not till the goal is attained.”
[Siamsin Bulletin | 31st January 2010]
No comments:
Post a Comment