Siamsinpawlpi, Delhi akiphuh nung kum 30 chingta. Apaita Oct. 29, 2011 in “30 Years of Delhi Siamsin” chih puanzak nuai ah Conference cum-Workshop on Career Opportunities in various Sectors” zatna Shah Auditorium, Civil Lines ah neih in om a, lohchingtak a zoh ahi ta. Delhi Siamsin 1500 vel paikhawm hi’a tuat ahi. Zomi sunga pawlpi tuamtuam te leng chial in om a, hunkhop hong kihel thei uhi. Banah, innlam akipan lasiam Lia Vungthiankim leh Lia Donny te’n leng hiai khawmpi hon sim ua, zaila toh Delhi Siamsinte hon kithuahpih uhi. Tutung khawmpi a kumdanga banglou, thil chituam mahmah khat sai in om hi. Hiai Red Carpet Photoshoot, paite.org te sai ahi. Khawmpi siim dia kuan, nampuan toh nalhtak a kizemte programme zatma in, hall kong a limlakna om hi. Nampuan toh Siamsin te i etlawm thei mahmah uh!
Delhi Siamsin kum 30 chingta chih chiamtehna a daakpi 30 vei khet zoh toh kiton in, Siamsinpawlpi lapi sakna in zui ngal hi. Huchi’n Pastor T Liankholal in Pathian kiang ah hunte latna nei zui ngal hi.
Tv. Haumuanlun Samte leh Lia Kimremmawi te stage tungah hong diang tou ua, maitai leh zeitak in khawmpi hunzeek pitu diing ahihdan uh hong ki pulak uhi. Huchi’n, paikhawmte vaidawnna bawl ngal uh. Hunzeek zatna nuamtak khat-khitkhat a neih in om ngal. Hunzeek hunnih kisuah a, akal ah nekkhawm & dawnkhawmna hun zat in om.
Khawmpi zang dia paikhawm mipite ma a Pu Joy Tonsing in ‘Presidential Message’ agenna ah SSPP Jt Hq Delhi in tu term 2009 - 2011 sunga a sepkhiat khenkhatte taklatna nei hi. Pawlpi’n siamsinna mah pibawl pen a nei a, thrust area ‘Civil Service’ kihisak ahihdan gen chetna nei hi. Policy making a i va kiheltheihna di uh omsun uh Civil Service ahihdan hon chian sem hi. Destructive criticism sang in constructive lampang pibawl zaw leng Pawlpi chidam dia, banah maban a heutu hong hidingte adia leng nuam zaw ding ahihdan taklang hi.
Atomlam a gen in, Delhi Siamsin khawmpi zatna ah tualsung lasiam taktak leh innlam a kipan lasiam te apan biltai huai mahmah, lungsim leh ngaihtuahna nousak, chidamhuai mahmah la 20 vel ngaihkhiak in om hi. Banah, Choreography, limchiin leh pupa khanggui zuihna – pupa lam tuamtuam lahna nei in om hi. Siamsin te’n i hihtheihna tuamtuam teua theihtawp suah a ilahkhiakte in mite’ nuai a leeng hileltak lou ihihdan uh hon sulang hi. Nuam lua!!
Tutung leng, i Khawmpi zat uh nopbawlna leh vualnopna kia ahi kei. Paipih a ina neih gige uh, Siamsinna lamchi tuamtuam kikawkmuhna tutung aleng sai ahi. Employment Opportunities in Sports chih toh kisai Dr. Sandeep Tiwari, Associate, Indira Gandhi Institute of Physical Education and Sports Sciences in athugenna ah taksa sawizoina a poimohdan tomkimtak in gen hi. Banah, kimawlna lam tuamtuam a siamna ineih leh nekzonna ching mahmah ahihdan taklang hi. Workshop on Career Opportunities in Civil Services’ chih Mr Jojo Matthew, Exe. Director, Alternative Learning Systems Pvt. Ltd. (a Premier IAS Academy) & Editor, Competition Wizard in Siamsinte a ding a Civil Service toh kisai theihsiamhuai leh tomkimtak gen hi. Siamsinte Civil Service lam alohchinna dia kuhkalna poimoh ahihdan agen kawm in, ngapthoh huaitak leh deihhuai mahmah kam (job) ahihdan leng gen. Tua diingin Siamsinte naktak in hanthawn hi.
Khuallian dia Chial a om, Pu V Kishore Chandra Deo, Hon’ble Union Minister of Tribal Affairs & Panchayati Raj buaina aneih ziak in hong hoh theilou hi. Khual zahtak dia chial a om Pu Takam Sanjoy, Hon’ble MP & Secretary, Tribal MP’s Forum in athugenna ah Singtangmite kithutuah a poimohdan, kithutuahna lou a bangmah kihihthei lou ding ahihdan uangtak in gen. Singtangmite’n racial prejudice i tuah chiang un kammal khat zangin midangte betdaih theih ahi, chi a, huai “Jai Hind” ahi, chi hi. A hun zat tawpna ding in Nishi folk-song khat sa in SSPP Jt Hq Delhi vaidangka 50000 in phungvuh hi.
Tukum khawmpi Presidential Election kum ahih toh kiton in, Election Commission te’n President (2012-2014) diing telna feltak in sai uhi. Nomination file kuamah a omlouh man in, floor proposal lak in om hi. Mi 3 (Mr Ginthanlian Valte, Mr. Lalsuanmang Naulak & Mr. Muanthang Ngaihte) candidate dia vawk khiak in om uhi. Huchi in, Pu Ginthanlian Valte in vote tam amuh pen ziak in President dia telching in om hi. Election Commission te’n Gin-omna thuchiam bawlna leng sai ngal uhi. President thak adia thumsakna Pastor G Kamzamuan in nei hi.
Hiai khawmpi sung in Siamsinna lam a tungtuanna ngah bangzah hiamte kiang ah Award tuamtuam piakkhiakna Education Deptt te saina nuai ah neih in om hi. Hiai hun tukum a kipan VACAPE Award piakkhiakna leng nieh in om [award saangtu & sponsored tute pek 2-na ah a et theih diing].
Hunzeek zah zoh in, Pastor V Nenglian in Pathian ompihna tunga kipahthu genna toh, hunkhakna thumna nei hi. Huchi’n tukum adia khawmpi kinei zoh ahi ta!
[with inputs from Manlunkim Guite & Ginzasang Ngaihte, Programme Recorder]
Delhi Siamsin kum 30 chingta chih chiamtehna a daakpi 30 vei khet zoh toh kiton in, Siamsinpawlpi lapi sakna in zui ngal hi. Huchi’n Pastor T Liankholal in Pathian kiang ah hunte latna nei zui ngal hi.
Tv. Haumuanlun Samte leh Lia Kimremmawi te stage tungah hong diang tou ua, maitai leh zeitak in khawmpi hunzeek pitu diing ahihdan uh hong ki pulak uhi. Huchi’n, paikhawmte vaidawnna bawl ngal uh. Hunzeek zatna nuamtak khat-khitkhat a neih in om ngal. Hunzeek hunnih kisuah a, akal ah nekkhawm & dawnkhawmna hun zat in om.
Khawmpi zang dia paikhawm mipite ma a Pu Joy Tonsing in ‘Presidential Message’ agenna ah SSPP Jt Hq Delhi in tu term 2009 - 2011 sunga a sepkhiat khenkhatte taklatna nei hi. Pawlpi’n siamsinna mah pibawl pen a nei a, thrust area ‘Civil Service’ kihisak ahihdan gen chetna nei hi. Policy making a i va kiheltheihna di uh omsun uh Civil Service ahihdan hon chian sem hi. Destructive criticism sang in constructive lampang pibawl zaw leng Pawlpi chidam dia, banah maban a heutu hong hidingte adia leng nuam zaw ding ahihdan taklang hi.
Atomlam a gen in, Delhi Siamsin khawmpi zatna ah tualsung lasiam taktak leh innlam a kipan lasiam te apan biltai huai mahmah, lungsim leh ngaihtuahna nousak, chidamhuai mahmah la 20 vel ngaihkhiak in om hi. Banah, Choreography, limchiin leh pupa khanggui zuihna – pupa lam tuamtuam lahna nei in om hi. Siamsin te’n i hihtheihna tuamtuam teua theihtawp suah a ilahkhiakte in mite’ nuai a leeng hileltak lou ihihdan uh hon sulang hi. Nuam lua!!
Tutung leng, i Khawmpi zat uh nopbawlna leh vualnopna kia ahi kei. Paipih a ina neih gige uh, Siamsinna lamchi tuamtuam kikawkmuhna tutung aleng sai ahi. Employment Opportunities in Sports chih toh kisai Dr. Sandeep Tiwari, Associate, Indira Gandhi Institute of Physical Education and Sports Sciences in athugenna ah taksa sawizoina a poimohdan tomkimtak in gen hi. Banah, kimawlna lam tuamtuam a siamna ineih leh nekzonna ching mahmah ahihdan taklang hi. Workshop on Career Opportunities in Civil Services’ chih Mr Jojo Matthew, Exe. Director, Alternative Learning Systems Pvt. Ltd. (a Premier IAS Academy) & Editor, Competition Wizard in Siamsinte a ding a Civil Service toh kisai theihsiamhuai leh tomkimtak gen hi. Siamsinte Civil Service lam alohchinna dia kuhkalna poimoh ahihdan agen kawm in, ngapthoh huaitak leh deihhuai mahmah kam (job) ahihdan leng gen. Tua diingin Siamsinte naktak in hanthawn hi.
Khuallian dia Chial a om, Pu V Kishore Chandra Deo, Hon’ble Union Minister of Tribal Affairs & Panchayati Raj buaina aneih ziak in hong hoh theilou hi. Khual zahtak dia chial a om Pu Takam Sanjoy, Hon’ble MP & Secretary, Tribal MP’s Forum in athugenna ah Singtangmite kithutuah a poimohdan, kithutuahna lou a bangmah kihihthei lou ding ahihdan uangtak in gen. Singtangmite’n racial prejudice i tuah chiang un kammal khat zangin midangte betdaih theih ahi, chi a, huai “Jai Hind” ahi, chi hi. A hun zat tawpna ding in Nishi folk-song khat sa in SSPP Jt Hq Delhi vaidangka 50000 in phungvuh hi.
Tukum khawmpi Presidential Election kum ahih toh kiton in, Election Commission te’n President (2012-2014) diing telna feltak in sai uhi. Nomination file kuamah a omlouh man in, floor proposal lak in om hi. Mi 3 (Mr Ginthanlian Valte, Mr. Lalsuanmang Naulak & Mr. Muanthang Ngaihte) candidate dia vawk khiak in om uhi. Huchi in, Pu Ginthanlian Valte in vote tam amuh pen ziak in President dia telching in om hi. Election Commission te’n Gin-omna thuchiam bawlna leng sai ngal uhi. President thak adia thumsakna Pastor G Kamzamuan in nei hi.
Hiai khawmpi sung in Siamsinna lam a tungtuanna ngah bangzah hiamte kiang ah Award tuamtuam piakkhiakna Education Deptt te saina nuai ah neih in om hi. Hiai hun tukum a kipan VACAPE Award piakkhiakna leng nieh in om [award saangtu & sponsored tute pek 2-na ah a et theih diing].
Hunzeek zah zoh in, Pastor V Nenglian in Pathian ompihna tunga kipahthu genna toh, hunkhakna thumna nei hi. Huchi’n tukum adia khawmpi kinei zoh ahi ta!
[with inputs from Manlunkim Guite & Ginzasang Ngaihte, Programme Recorder]
Siamsin Bulletin | November 20, 2011
No comments:
Post a Comment