Nipini paita in EBC Delhi khangthu ading a a masapen BCD Graduation Programme 2011 nuam leh kilawmtak manphataka zat in omta hi. Hiai hun ah BCD apan Piching a lut-tou ding Graduate mi nih om uhi. Amaute theihpihna, pahtawina, hanthawnna hun ahihman in manpha mahmah hi. Hiai programme kizat dan tangpi a nuai a bang ahi.
Vaidawnna leh hunpatna thumna Htn Zoui, Asst. Superintendent, in hon nei a, tua zoh in phatkhawmna hun Heutute pina in nuam takin kizang hi. Thilpiak lakkhawm te Upa T Kaithang in latna hon nei a, tua zoh in hiai Programme hong uap Evan Tinglamkim, IEM in report saulou amah sepna toh kisai hong gen hi.
BCD in kumteng a ana hihsek bangin Prize piak-khiakna hun ah heututen makai uh a, naupang tamtakte kiangah prize piakkhiak in om hi. Beginner A & B te bang prize tangkhalou omlou uh ahihman in kipak thei mahmah uh a, amau kipahna in pichingte leng hon kipaksak hi.
Prize hawmna hun sawt kuam zatzoh ahih in BCD Superintendent in Graduate te mellahna leh pulakna hon nei hi. Amaute mizia, lunglutna leh inkuan tanchin saulou hon gen a, tuaten hon kinai sak semsem hi. Graduate te bel; Unp K. Ginmuan s/o, K Ginkhanthang leh Unn Man Jewel Kim d/o, Letchinthang Shoute hi uhi. Superintendent in amaute kiangah theihpihna Memento, citation hoih tak kigelh, leh kipahpihna thilpiak heutute apan piakkhiakna hon nei hi. Tua zoh in Graduate te Local Secretary khut ah (Piching ah) pekhia hi.
Graduate-te Local Secretary, Upa Kamsuan thang, in kipahpihna leh laklutna hon neihkhit in Graduate-te thumsakna leh vualzawlna Local Pastor, V Nenglian, in nei hi. Graduate te apan response genna hun om a, tua zoh in Saptuam mipi sikin Local Vice Chariman, Upa Kaithang in Completion Certificate (Full Communicant member hihna genna) piakkhiakna hon nei hi.
Thugenna leh hasotna hun ah Local Pastor in Pichinna (Maturity) bang hi hiam chih genchetna EBC Bye-Law apan leh Bible apan hon nei a mipite leh Graduate te nakpitakin hanthawnna pia hi. Khalam pichinna gingtute khempeuh a dia kiphamoh ahihdan leh tua dinga mipite chialna hun manphatak ahi.
Thugenna zoh in Khristmas vai thupuanna leh Pemlaklutna om a, tuate zoh in Upa Damsawmthang in Vualzawlna in hun khak hi.
Hiai programme zatna hun ah phatna laa naupangte leh heutute apan om hi. (Limlak te http://www.ebccdelhi.org ah et theih ding)
Response:
1) Graduate te theihpihna leh kipahpihna hun ahihman in manpha mahmah hi.
2) Amaute leh mipi paikhawmte adia pichinna toh kisai kisinsakna (thugenna) hun ahihman in manpha hi.
3) Theihpihna thilpiak (Memento) leh Completion Certificate kipia te chiin a neih din hoih mahmah uhi.
4) Programme hun sung sawt lua ahihman in prize hawmna leh Special item te adia hun khat lak a, programme pumpi hun nih a khen hoih ding hi.
Source: Gamchiam November 27, & December 4, 2011
No comments:
Post a Comment