Siamsinpawlpi JHQ Delhi in year-plan a kiguang census lakkhop ding toh kisai in, Delhi a Siamsinpawlpi mi leh sa tengteng huapsak hoih kisa a, hiai nna sepsuahna abul kipanta hi. Mun khenkhat hong kilakha nailou bang leng a om maithei a hong kilapah ta ding ahi.
Hiai census lakkhop in a tup pen ahih leh Delhi a I mi leh I sate bangzah mawngmawng kipha hi hiam chih kia hilou in, Delhi a I omna san leh I poimohna te kitheihpihtuah in, huaite mah pansan in I Pawlpi’n maban ah pan la le hang chih I ut ziak ahi. Abiktak in Delhi a siamsin leh sepna zonga omte ngiim deuh in I haksatna leh buainate uh (weak points) bang pentak hi hiam chih zong khia a panpih I Pawlpi’n lunggulh mahmah hi.
Detail tuamtuam lakkhawm dia ngaihtuah ahihna ah, akichian deuh a lak ahihtheihna ding ngiimna in census lak toh kisai hiai bang in category 4 a khen in om – student, sepna zong, employed & family.
Census kaihkhop khit ahihchiang in Delhi a I mi leh sa omzah – siamsin a om, sepnazong a om, sepna nei a om leh innkuan a khosa – chihte kichiantak in kitheithei ding a, huaite mah pansan in I Pawlpi’n mimal leh minam’ poimoh hetkha nna I septheih I lamet leh deihpen ahi.
Tulel dinmun et in Delhi ah siamsin sepna zong a om hunkhoptak kipha hi. A mi I tamtuk in I lohching hehu khol kei uh. Huai omdan bel banghiam haksatna nei I hingei ding uh. Huai haksatna mah tuh zonkhiak a, kitheihpih tuah a, bawlphatna dia panlaktheih dandan a panlak I Pawlpi’n a lunggulh ziak mah a hiai census kipoimoh ngaih ahi.
Mipite kithuahpihna lou a hiai census lakkhop theih vual hilou ahihna ah, a poimohdan theisiam kawmtak a mipite’n leng I na kithuahpih I kingen ahi. Area Secretary-te tungtawn a hong kikaikhawm ahihna ah, amaute ana kithuahpih a akul leh poimoh bang a pan ana la ding in I kingen thakthak ahi.
Area leader te’n hon theikim khollou di ahihna uah eimah area sung a census lakna ana ngaihven a, maihkhak/lakkhaklouh omleh area leader te ana thuzak/ki thuahpih ding in mipi te ikingen ahi.
No comments:
Post a Comment