Amasa in ka siamsin pih te chibai kon buk hi. Siamsinpawlpi ichih chiang in pilna leh siamna tuamtuam sin chihna ahi a. Huaiziak in Siamsin ngen ihi chile chisual lodin i gingkei hi. Kei leng chin leh chinlouh lam hilou in ah Siamsinpawlpi President dia telching in ka hong om hi. Huaiziak in Siamsin member te kiang ah ka hon nget ut ahih leh nahon kithuahpihna uh leh non thuhilhna uh ka poimoh gige ding hi. Huaiziak in kisuanglah lou in malak na a om leh on lakpih a sep ngai a om leh on seppih ding in kon ngen hi. Pawlpi ichih heutute kia ahikei a mipi te poimoh masa ahi chih thei in mipi in heutu bawl ihi chih theih in on kithuahpih reng di in kon ngen nawn hi.Huai banah SSPP pai di dan Road Map akibawl a, hiai te ah bang le hichi zo deuh leh chi hiam ineih ahih leh kihilh zel din ikingen nawn uhi. Pankhawm hanta ahi chih ithei chiat ua, huaiziak in pangkhawm a na sem khawm le i pawlpi hong hat in inam le hi gam adin phatuam na on tun ngei i beisei hi. Mihing mah ihih ziak in ah hihkhelh leh bawlkhelh ahong om tham ding a, huai hun ah kigense (criticise)mailou in a lampi di kawkhmuh le (constructive criticism) chi in iki ngen uhi.
Heutute aching pen leh a fel pen ahikei uh chih thei in ahat louh na uah tawsawn thei tu in pang chiat le i pawlpi damna leng hong hi ding a, a zarzo tu chu eimah ihi ngei ding hi chih haihvual ahikei hi.
Sumthawh di hiam thilkhawn hiam bang leng ahong om ngei ding a, huai hun ah bangleng kamsiam taka ana kithuahpih siausiau din ikingen nawn ngal bawk uhi.
Siamsinpawlpi dam sawt hen!
Sd/- Ginlalmuan
President
SSPP , HQ, Aizawl
Mizoram
amen
ReplyDeleteNa na suah hoih ve uh hehhee
ReplyDelete