ARTICLE 371-C (In Paite)

CONSTITUTION OF INDIA, ARTICLE 371-C:

SPECIAL PROVISION WITH RESPECT TO THE STATE OF MANIPUR
( In Paite )

Article 371C :

Khenneu (1) : Danbupi sung a kahiang dangte thuneihkhum theihlouh, President in Manipur toh kisai a thupiak, taangmi MLA te kia panna Committee khat phuhkhiak leh paizia bawlna, taangmi toh kisai government nasepdan leh Manipur Assembly paizia taangmi hetkhate bawllamdan theihna leh Governor mohpuakna tuam guanna thusuah bawl thei hi.

Khenneu (2) : Governor in kumsim hiam, India president in a poimoh chih-chia’n Manipur taanggam ki-vaipuakna to kisai thutut apiak diing ahi, Phualpi in thuneihna sangpen pansan in state ah, India Danbupi a taanggam genchetna in ahuamsung a vaihawmna to kisai paizia di kawkmuh diing hi.

Hiai Article a Hill Areas genchetna, President thusuah a “Hill Areas” chia apuan khumsung tuh Hill Areas ahi.

HILHCHETNA

Khenneu (1) :

1. Danbupi sunga kahiang dangte’n Article 371-C pen thuneihkhum thei lou hi.

2. India President in Manipur toh kisai a thupiak, taangmi MLA kia panna Committee khat (HAC) phuhkhiak leh paizia bawlna, taangmi toh kisai government nasepdan leh Manipur Assembly paizia taangmi hetkhate bawllamdang thei dia thuneihna guangalh leh Governor thuneihna tuam guan di’n thusuah bawl thei hi.

3. India President in Manipur Governor kiang ah HAC diktaka paizang chinten dia etkaina nna pia hi.

Khenneu (2) :

1. Governor in kumsim hiam, India president in a poimoh a chih-chia’n Manipur taanggam ki-vaipuak-na to kisai thutut apiak diing ahi.

2. India President kia in thusuah bawl,in mun koisan hiam taang-gam chiin puang thei. (Manipur  Government in thupiak leh daan bawl tawm in President thuneihna bawllamdang theilou , taang-gam hisa eukhia in phaizaang vaihawmna nuai ah leh belhsak theilou ding hi.

# Manipur Hill Areas = Subject of the President 
## Article 371C = Tribals SOS 
### 3 Bill violated Article 371C

February 28, 2016 | Siamsin Bulletin