NORTH ZOMI Freshers' Meet 2017-cum-ACOUSTIC NIGHT

Delhi khotual a North campus, DU kim le kiang a om Zomi Siamsin laiten kumteng a North Zomi Freshers' Meet a neih gige pen uh tukum 15th August 2017 ni in leng Siamsinlai member paikhom ten Vijay Nagar, Double Storey, 10\3, banah unau pa Sang Hangzo inn (terrace) ah  ana nei nawn uh hi. Hiai hun ah  Freshers mi 12 telin mipi 60 vaal NORTH ZOMI FRESHERS' MEET 2017-cum-ACOUSTIC NIGHT hun nuamtak leh manphatak ana zang zou uh hi.

Session masa thumna toh hun pat ahih nung in, Special invitees te Pa M Pauminsang Guite, Assistant Registrar, JNU; Upa V Lianzathang, Local Chairman, EBCC-CD; Nu Vungngaihkim, Senior Nurse, Patel Chest Institute leh Dr. Nemthiangngai Guite, Associate Professor, JNU  te apan thu manphatak ngaihkhiatna hun om hi.  Huai zoh, hiai ni a hoh teng kimeltheihtuahna din mimal mel lahna neih chiat in om hi. Huai zom in, Freshers teng in leng mahni kipulakna nei in, amaute adia thumsakna Upa Lianzathang in neihsak hi.

Refreshment lim tak nek zoh, Freshers te toh kitlangneltuahna dia kipolhlimna hun zat hi a, azom in, intekpa Sang Hangzou malakna toh Acoustic Night nuam tak mai in zui suk ngal hi. Hiai hun a gamngaihlaa sak na  Music siam leh laa sak siam member tuamtuam ten perfomance nei uh hi. Hunkhakna leh annkuang latna in nei in, ann leh meh limtak nek in om hi.

Pics:

 

NORTH ZOMI - EITE MAHMAH