Delhi BCD Evangelistic Programme 2010

Pathian ompihna toh Baptist Children Department, EBCC Delhi sai na in Delhi a Zomi naupang lunglut teng uap in "Come & Drink The Living Water - John 4:14" chih thulu zangin "Evangelistic Programme" chi in 8th-9th October, 2010 ni in EBCC Delhi ah zat zat zoh in om hi. Hiai hun ah Naupangte Khalam ann vaaktu din Mr & Mrs Jacob P. Elias, Lalrinmawii Fanai & Victoria Joute te pang ua, nunu (Dorka) te inteekna toh salam neek ding limtak om gige hi. Huai banah, phatna laa nuam tak mai ten naupangte kia hilou in hiai hun va kihel kha Nu-le-Pa, Heutute, Volunteerte leng thathou sak mahmah hi. Pathian ompihna toh programme lohchingtak a zat khit in om hi.,

Hiai anuai a link ah LIMLAK et theih ding leh report kimzaw ngak ahi lai...

Limlak:

Delhi: BCD in "ITNA MEHPOK" Bawl Uh

2010 September 5, Pathianni in EBCC Delhi a Naupang lam BCD ten October 8-9, 2010 a dia 'EVANGELISTIC PROGRAMME' (EP)ading toh kisai in "ITNA MEHPOK" bawl uhi. Theihsiam sem na ding 'Sawhchiar' i chih dan ahi. Kikhop tawp in mipi ten Lunch nek taang in nekhawm nainai hi. Hiai huna Naupangte a dia kalsuanna Pathian in a mite tungtawn in vualzawl henla, thumna ah EP ding phawk chiat ni.

Baptist Youth Fellowship, Delhi in tukha in EBCC Biakin ah Hotdamna Chialpi neiding

A hongtungding 20, 21, 22 November chiangin EBCC, Delhi in BYF-te makaih na nuai ah Hotdamna Chialpi sai ding a, huaiah thugenpi in Rev. Kamchinkhup pang ding hi. Thukizadan in hiai Chialpina zingkal dak 10:00 tengin kipan ding hi. Hiai Chialpi na dingah Saptuam-te kisa khawl nak petmah ua, Bus thum niteng in Delhi mun kil thum apan kipan sakding ua, banah nitengin Lunch leh refreshments leng sading uhi.

Delhi Tuailaite lakah hichibang Chialpina om mengmeng lou ahihna ah, hiai hun hoih leh manpha ah tel ngeingei ding in BYF in mi kuamahpeuhmah chialna leng bawl ngal hi.Huaibanah I Toupa tuak ding a kisak khawlhna hun ahih a, a hongpai nawn ding ngak a omte a dia kiphawk thakna hun ahihtheih ngeina ding in BYF, EBCC Delhi in mahni thumna te ah phawk chiat ding in ngetna leng bawl ngal hi.

“Hotdamna Chialpi” Bus paiding dan (route)
Route-I:
Contact Person : Tg. KamJohnson (9540195192)
NORTH CAMPUS (Gandhi Vihar) 07:25, KAMLA NAGAR 07:45am, GOLE MARKET 08:20am, SOUTH EXT. 08:35, MOHAMMEDPUR 08:45, MOTI BAGH (Nanakpura) 08:55am
Route-II:
Contact Person : Tg. Siamthianlal (9717579194)
MAYUR VIHAR 07:30am, JAMIA NAGAR 08:00am, CHIRAG DELHI 08:10am, PUSHPA VIHAR/MADANGIR 08:25am, MUNIRKA 08:55am
Route-III:
Contact Person : Tg. Thangboi Samte (9711971513),
BER SARAI 08:30am, MUNIRKA 08:40am, PRIYA Red light (JNU) 08:50am, VASANT VIHAR 08:55am, RK PURAM 09:10am
INCHARGE: Songchinmuan (9899384543)