SSPP JHQ Shillong 21st Siamsin Founder Sports 2011 photos

SSPP JHQ SHILLONG 21ST SIAMSIN SPORTS 2011

STMT FC in Jersey thak toh WINNER in Pang: Siamsin Sports 2011 Resultte

Mualpi Khua Oct 8, 2011: Kumdang a ana la ngei le hilou, STMT FC in Mualpi Khua ai oh in tutung 17th Siamsin Sports Meet 2011 adia main event, i haichilh mahmah uh, Siamsin Bulletin in 'Footbal, football, football, kua e lunglut lou!!' ana chih hial FOOTBALL ah WINNER in pangmawk uhi. 

Mualpi Khua apan STMT FC Playerte

Hiai vualtung tuanna thu omdan suizui ahihnung in STMT FC in Jersey San (red) hiai hun adi mawngmawng in ana leithak ua, 'a uniform khek2 lele a mi a kikhek keileh...' chih thugin dik gige lou ahihdan muhchian in om hi. ;) STMT FC player hunkhop le SSPP FC adin a na kimawlsek ua, tukum 5th Tamchon Trophy 2011 adin leng hunkhop in selection ngah nawn ua, Go SSPP FC Go din nasatak in kisawizoi khinta uhi.

Bangteng hileh...

Lamka: SIAMSINPAWLPI KHAWMPI-cum- CULTURAL FEST 2011

Siamsinpawlpi Jt. Hqrt. In ahongtung ding Oct. 28-29, 2011 sung Siamsin khawmpi-cum-Cultural fest zat akisawm a, hiai hun zatna ah “ACADEMIC PROFICIENCY AWARD” tuamtuam hawmkhiak sawm ahihman un eiveng SSPP branch apat hiai award sangthei/ngahthei mi a om leh date 19th Oct. tan in Springdales, Tedim Road ah min va piaklut theih ding ahi. Hiai award in 2010 a result te kia huam ding ahi.

Group I : Class A – IX (a kaina skul a class topper te kia ahihding ahi)
Group II : HSLC, HSSLC, & TDC (highest mark/% among SSPP members in any stream).

Hiaite banah indoors leh outdoors games a kitaiteh na leng omding ahi.
(Kitaitehna te anuai abang ahi)

Delhi: 17th SIAMSIN SPORTS MEET - 2011 [Map+Bus Route+Fixture]

 “Thou ni ,Tai ni, Zou ni”

Siamsinte’n kumbul apan ngaklah tak mai a ana galdot uh Siamsin Annual Sports Meet 2011 hong dek petmahta. Ni 5 khawng lel in samta hi. October 7-8(Friday & Saturday) 1am-5pm sing Jasola Sports Complex, Jasola ah Siamsin Annual Sports Meet – 2011 thupi tak a neih hi ding. Events tuamtuam a kitaitehna nasa tak om ding.  

Fixture leh Bus Route anuai a bang ahi.

Click Below for Location Map of JASOLA Sports Ground:

Shillong: 21st Siamsin Founder Sports 2011 [Fixture Group Khenna & Member]

A hongtungding October ni 3, 4 leh 5 ni in St. Edmunds’ College ground ah outdoor games-te saina omding. Kuapeuhmah a fit zou nailou kisate leng tha thoh thakin ana practice siausiau dingin kahon ngen hi.

Banah october ni 7 leh 8 ni in Indoor Games-te leng saina om ngal ding. Amun dingin Don Bosco Youth Centre book fel diamsa in omta. Tutung a lemtang zaw ding gelna in Indoor Games pen anunung zaw in ki koih hi.

Tutung in Group Innpi min dingin Shillong SSPP khangthu a President ana hi masa lite min kizang ding hi.

GROUP > I nnpi Min > MANAGER > Asst. MANAGER

Delhi Siamsin Documentary 2009 Video

Siamsinpawlpi General Headquarters deihna bangin SSPP JHQ Delhi in SIAMSIN DOCUMENTARY 2009 chih ana bawlkhia uhi. Hiai video in, innlam apan khopi a laizil dia hongkuan khe ding te, adiak in Delhi a hong paithak dingte adia theihtuak, a na omsa te apan thiltuah leh ngaihdan hoih taktak te genna tuang hi. Huai banah, Delhi khotang vai, singtangmite khosak dan leh kipolhkhawmna te tampi tuang hi. Ettuak in phatuampih theih ding tampi om hi.

Online a ennuam ten a nuai a

SIAMSIN DOCUMENTARY ZOH HITA!

SSPP General Headquarters deihna bang a JHQ, Delhi in hunsawt pek apan project a ana neih Delhi a Siamsin Documentary bawl ding chih zohsiang ahihtoh kiton in January 13, 2010 SSPP Foundation Day Program ah honkhiak in om hi. Hiai Project sepsuahna ding a tha-le-zung leh hun tampi seng a ana buaipih Documentary Boardte phathuai mahmah uh.

Delhi ah leng copy hawmkhiak hipahta ding a, adeihte’n SSPP-JHQ, Delhi Secretary Mobile - 9718219063 ah advance booking bawl theih ding. Booking bawlte ading chauh kibawl ding ahihziak in na deihleh ngaihven pah in.

[Siamsin Bulletin | January 16, 2011]

2010 EBCC Delhi BCD Sports Day Limlaakte

EBCC Delhi naupang pawl BCD in Netaji Subhas Sports Complex, Jasola ah Nov 6 ni in BCD Sports Day hun manphatak mai ana zang khin ua, limlaak ennuam te adin anuai ah taklat ahi.

Waka Waka. This time for BCD.
Feast MA:

Feast NUNG:

Report: Delhi Siamsin Sport Meet - 2010 Photos+POINTS+Kipahthugenna

SIAMSIN SPORTS, 2010 | INNPI-TE’ POINTS MUHDAN

INNPI TUIVEL TUIVAI LANVA NGAZAM
Football (P) = 1st Ngazam & 2nd Tuivai
Football (N) = 1st Lanva & 2nd Tuivel
Volleyball = 1st Tuivel & 2nd Lanv
Basketball (P) = 1st Tuivel & 2nd Ngazam
Basketball (N) = 1st Ngazam & 2nd Lanva
Tug of War (P) = 1st Tuivai & 2nd Lanva
Tug of War (N) = 1st Ngazam & 2nd Tuivai
100M (P) = 1st & 2nd Tuivai & 3rd Ngazam
100M (N) = 1st & 2nd Lanva & 3rd Tuivel
Marathon Mixed = 1st, 2nd & 3rd Ngazam
Relay Race = 1st Lanva & 2nd Tuivel
TOTAL
TUIVEL = 75
TUIVAI = 67
LANVA = 102
NGAZAM = 102

Overall Champion: Lanva leh Ngazam (Joint Winner)

2010 SSPP Sports Meet: Innpi (House) te Thupuak

 Innpi (House) te Thupuak:

(hiai nuai geiha link pen mek in) 

Delhi Siamsin Sports Meet 2010 Fixture+Group Khenna+Colour+Theme

SPORTS THEME

Tutung I sports theme ding uh “KHO-UL PAWTSAK IN” chih ahih dungzui in i sports chiang ua kho-ul pawtsak chiat dia ana kisa ding in ikingen ahi.

NA HOUSE COLOUR THEI IN

Tukum Annual Sports a House tuamtuam te colour ding House Captain
chiat in lai a dok nung un anuai a bang ahi:-

Ngajam: Blue

Tuivel: White

Tuivai: Green

Lanva: Red

___________________________________

A hongtung diing Oct. 8 & 9, 2010 (Friday & Saturday) in SSPP JHQ Delhi in “Siamsin Sports Meet, 2010” kineih sawm hi. Hiai hun in, anuai abang kimawlna sai ahi diing:-

Delhi NORTH ZOMI Freshers' Welcome 2010

Kumdang bangin North Delhi lak a eimi om ten a ngeina banga ana zat gige uh, "FRESHERS' WELCOME" na hun nuam tak mai, 18 September 2010 ni in, a na zang khin nawn uhi. Hiai hun ah Programme kizat dan a nuai nung pen ah ettheih ding hi.



Tukum 2010 Mr NORTH ZOMI ding Mr. TUNTHIANLAL, Hans Raj leh ding in Miss NORTH ZOMI ding in Ms. VUNGTHEICHING, SRCCte teelching in om uhi.


Hiai programme ah NORTH ZOMI Lapi "North Campus Ah" leh Dial Dial In chih la sakna Thupi tak om hi.

INTERVIEW with Ginmuanthang Kullai, Assistant Professor in Spanish Sepna Muthak

The English and Foreign Languages University , Hyderabad nuai a Shillong Centre ah "Assistant Professor in Spanish" nna muthak ahihbang aw...!!!

Min: GIN MUAN THANG
Beh: Kullai
DOB: April 26, 1981 - Taurus
Pa: K Khupzathang
Nu: Nemkhum
Unau Position: Unau 5 [numei 3 leh pasal 2] laka a 4na ahí.
Veng: Nehru Marg, Central Lamka, Manipur
c/o Khumi Tailoring, Teddim Road
Delhi Omna: 251 Sutlej Hostel, JNU
c/o Zawlbuk, 28/A, Ber Sarai
Jersey No.: 22
Position: Midfielder in Football, Basketball & TableTennis
Nick: gummaam & Don
Email: muanthang@hotmail.com
PhoneNo.: 9953036615
School Kaina: Don Bosco High School, Lamka (...1998)
XI & XII: Rayburn College (Science), Lamka (1998-2000)
Graduation: BA Hons in Spanish, JNU (2000-2003)
Master: i. MA in Spanish, JNU (2003-2005)
ii. Masters in Translation, University of Valladolid, Spain, (2005-2007)
Current: MPhil in JNU. (from 2008)
Sepna Muh: Assistant Professor in Spanish
Pay Scale: PB-3 Rs.15600-39100 Grade Pay Rs.6000

Recent Co-curricular Activities:

Football: 3rd RN TAMCHON Group D Fixtures | Final Results of SSPP FC

3rd RN Tamchon Memorial Football Tournament, Dr. Ambedkar Stadium, Delhi mun a pailel ah Group khenna leh Group D te Fixture hiai anuai a abang ahi.

Group A: A’chik Thunders (Garo); ASUD FC (Ar. P); Tahamzang United; Maitshaprang FC-Khasi; Unikas FC
Group B: NSU-D (Naga); UEF Delhi; HSA FC (Hmar); Khurpui United; Kangleicha Sanaroi Lup
Group C: Chandel United; Dimasa FC; Nirvana Bodo FC; Thadou Athletics; Wung United
Group D: DMZP (Mizo); ZOD FC (Zou); Dart FC (Ao); Zeliangrong FC; Siamsinpawlpi FC

GROUP D Fixture:
Tue 3/11/2009 9.00 am DMZP (Mizo) vs ZOD FC
Wed 4/11/2009 1.00 pm ZOD FC vs DART FC (Ao)
Thu 5/11/2009 3.00 pm Dimasa FC vs Nirvana Dodo FC
3.00 pm DMZP (Mizo) vs Siamsinpawlpi FC
Sat 7/11/2009 9.00 am ZOD FC vs Zeliangrong FC
Sun 8/11/2009 1.00 pm DMZP (Mizo) vs DART FC (Ao)
Mon 9/11/2009 3.00 pm Zeliangrong FC vs Siamsinpawlpi FC
Wed 11/11/2009 1.00 pm ZOD FC vs Siamsinpawlpi FC
Fri 13/11/2009 3.00 pm DMZP (Mizo) vs Zeliangrong FC
Mon 16/11/2009 1.00 pm DART FC (Ao) vs Siamsinpawlpi FC
_________

Updated Results of Siamsinpawlpi FC:

SSPP FC= 3 - 3 = DMZP

SSPP FC= 2 - 3 = Zeliangrong FC

SSPP FC= 2 - 3 = ZOD FC

SSPP FC= 5 - 0 = DART FC (Ao)

Global Placewell Consultants in T THANGTHUAM Innpi Ana Sponsor Eivele

Siamsinpawlpi Delhi Sports Meet 2009, JNU Campus ah a omlai in, Global Placewell Consultants ten T THANGTHUAM INNPI te ana sponsored cheuh dan uh eivele. Corporate Sponsors omsun ahi. T THANGTHUAM INNPI ten kipahpih takzet uh ahihdan gengen uh. A kigawm in Innpi Hatpen Nihna La zaih uhi.





http://gpconsultants.org/

SSPP Delhi Sports Meet 2009 | BEITA

091002-03 MainDay1 Siamsin Sports Meet 2009

091002-03 MainDay2 Siamsin Sports Meet 2009

Siamsinpawlpi Delhi kahiang Sports Department malakna toh kumteng a Sports Meet a kineih zel bang in tukum leng geelkholhna bang in 25th leh 26th September 2009 ni te in Basket Ball leh 2nd leh 3rd October 2009 ni te in Jawaharlal Nehru University (JNU), New Delhi ah lamzangtak, khiatlahhuaitak leh golhchiattak mai in zatkhit hinawn ta.

Anipini 2nd October '09 ni in Pu Haukhum Hauzel, IAS leh Anitawpni 3rd October '09 ni in Pu Thangso Baite, MP (Outer) Manipur, ten Khuallian (Chief Guest) hihna toh hong uap uap ua, "Siamsinpawlpi in sum taksap man hituanlou in" chia Pu Thangso Baite in a gen bangin, SSPP Delhi te vai dangka hunkhop in hon phungvuh tuak uhi.

Kimawlna tengteng a vualzohna tuamtuamte kigawm a VUALTUNGTUANNA ngah T GWITE INNPI hi ua, amau Pu (L) H Remthang Memorial Trophy leh Cash ngah uhi. Apipen a kineisek Football match ah Pu Jamkhothang Innpi in Pu T Gwite Innpi te goal ah goal nih khum in Football ah Champion hi uhi.

Kimawl lunglutte ading in, a kisakkholhna te uh banah SportsMeet ni a hongbei ninawn apan amei-apa chi-leh-sa golh zengzung, ekbuk tut haksa sa atam dan apan khong in, a ngaklahhuai dan, anopdan leh a khiaklahhuai dan chet theih mahmah hi. Lim kila muhding alang alang om den ten leng a aamhuai dan genkhin mahmah hi.

Tutungin a neulam deuhte LIANDOU leh THANGHOU Team a khen in Football neih in om hi. Sutzop tuak mahmah hi.

Ei singtangpa laalui leh chiik taktakte lum zungzung a khah khiak hiden a, Papi leh Nupi khenkhat lungleng omngei dia gintak ahi.
Hiai sports sung in nek-leh-taak kiningching tak a sai ei singtangmite mahmah apan in - sa minsa, satuihang, ann, colddrinks, tui, kuva leh adangdangte baihsam tak in leitheih ding om den hi.

Huchi kawmkarah, hiai ni in Delhi a thang mahmah ei tualsuak mahmah TShirt tuamtuam muh ding tam mahmah, htt*- Arsenal [Modified Jersey], North Zomi, The Floppers, The Singtangmite [all edition], Zogam.com [both editions], Zogamonline etc. Tam semsem leng anuam hi...

A lehlam ah, ei singtangmite ngeina hihetlou in, nin paihna di a pailou, kuva tui baang ah se san zezua, thu omlou a mawk kikou leh i dawnna bawmte apaihna mun ding i theihlouhsek ziak un, i Sports zatna mun te uh Alpha leh Omega hikha theisek pen, thu kiza danin tutung inle vaaite i bat dekdek ziak un, maban ah Ground neiten ahon phalnawn di ua aw...chih sim in a om hi.

Hun kidaihlouh ziak in Chess Final zohlou in om hi. Banah, kimawlna khenkhat ah vualzou hihna kipahpih thilpiak (Prize) ding om mahleh, kimawlna khenkhat ah a omtheihlouh sek pen poi mahmah hi. Siamzawng (talent) tuamchiat leh lunglutna kibang veklou ahihna ah tha-leh-zung seng a lungluttak a ana pangkhate a ding in thazoihuai mahmah thei dinmun in om hi. Huaibanah, kum dang banglouin, tukum in Basket Ball te saikhit himahleh, sports hunsung in kum dang a kisaisek khenkhat sailouh in om a, kimawlna khatkia i.e. Football lam ah nasa tak mai in deihsakna piak hi a muhtheih in om hi. Football hongbei toh kiton in sports beituka ngaih in om a, himahleh hiaihun in Deente (throwball) final kimawlna bei naikei mahleh Prize Hawmna pat in om mawk hi. Khenkhat in thazoihuai asak thu gen uhi. I Pawlpi ah i lunglut chiat sem theihna ding in maban ah hichibang neu chikchikte leh hou chikchikte chiamteh tuak mahmah hi.

Bangteng i genhang in hiai, hiai hunnuam tak mai, aneu-alian atek-akhang nupi-papi nungak-tangval te ading in kumkhat a khatvei sunsun thoveng taka a lompi a kipolhkhawmna, kimuhtuahna leh kimeltheihna ahihsek manin, amanphat dan sum-le-paai a tuattheih thil hilou hi. I Pawlpi it a, buaina leh haksa tampi thuak a kal ana suan Vaipawte ziak a hiai bangteng hong piang ahihdan kuapeuh in theihsiam chiat leh deihhuai hi. Pathian in i Pawlpi tungtawn in a ITNA hon langsak zel ziakin Amah kiang kipahthu gen chiat ni.

Apini in leh atawpna dingin Pa T Thiankhanmuan leh Pa T Kaithang ten Thumna in Ngetna leh Kipahthu genna toh Siamsin Sports Meet 2009 laan khia uhi. Thank God.

Delhi Siamsin Annual Sports, 2009: CHIALNA

- Sports Department, SSPP-JHQ: Delhi [SSPPNet] Siamsinpawlpi, JHQ Delhi in, October 2 & 3, 2009 sung, JNU Football Ground ah, Siamsin Annual Sports Meet, 2009 kizat sawm hi. Hiai hun in kimawlna chi tuamtuam sai hi diing hi. Opening Ceremony October 2, 2009, 0900 hrs in om dia, Closing Ceremony October 3, 2009, 1700 hrs in neih hi diing hi. Opening Ceremony hun ah Pu Haukhum Hauzel, IAS, Financial Commissioner in Chief Guest hihna toh Siamsin Annual Sports Meet, 2009 honna nei diing hi. Tutung Siamsin Annual Sports Meet 2009 diing toh kisai in, Delhi Siamsin te innpi 4 (four) a khen in om a, Patron honna mualliam santa te min zangin innpi min kiphuak hi. Huai te - Pu Jelshyam, IAS; Pu T Thangthuam, IPS; Pu T Gwite, IPS leh Rev (Pu) T Jamkhothang te ahi. Hiai Sports Meet uap a leh kimawlna tuamtuam te a kihel diing in kuapeuh mah Chial leh Lam-et ihi uhi. Ngambawm 'A' leh 'B' team (Papite) te adi'n Football Match, Khupching 'A' & 'B' team (Nupite) te adi'n Volley Ball Match leh Junior Thanghou leh Liandou te adi'n Football match leng a om diing (for details please refer Siamsin Bulletin Sept. 27, 2009). Sd/- Sports Department, SSPP JHQ(D) P.S. Opening Ceremony Programme attach file ah a et theih diing. Huan, Papi leh Junior te kimawlna a Min kigelh khalou te, theihkhelh/gelh maih khak ahih man in kuapeuh (hiai category a om tengteng) tel theihna'ng a kibawl ahihman in, ahun chianga tel chiat dia Chial leh theihsak ihi uhi.

Pu T JAMKHOTHANG' Innpi | SINGTHUPI

The 1st "Pioneer Man for the zomi" a chih theih ahihleh Pu(L) T. Jamkhothang ahi.A thupi dan,ei Zomi te adia literature lam hitaleh,saptuam lam leh lam tuamtuam a ana panlaknate gendi chileng laitui leh laidal in daihlou d ahih manin gendah vetni. PuThang zahna lianpi ipia ahi.

Tutung SSPP Sports hongtung ding ahi petmahta a,huaitoh kitonin kou Pu T.Jamkhothang Innpi ten HRD Ministerpu theih phaklouhin Environmetalist deuh di’n leh Global warming douna kawmdin ka slogan ding un "SINGTHUPI" konzang uhi. Bangziaka singthupi hong kizang hiam ichih leh puthang in singtangmeh lak a aduh pen ana hibok hi.

Mosi in Moriah taang a akhut azaak laiteng Israelten zoudi a akitheih bang un, ka JKT pihte aw na leader te tung a haichitang chiah ginna non neih ua non kithuahpih sungteng uh zohna lah ei a ahi ngal a.Innpi sung apan mipil leh muanhuai taktak te banah intellegence tuamtuam ISI, M13 te aguk a munchih-mualchih a sawlkhiak ahihtaak uh toh kiton in Innpi dangte plan leh strategy teng theihchai vek ahita.Europe apan International leh world class proffessional foul trick siam taktakte guaihzoh ahita ua,huaikiale hilou in tulel a world champion Usain Bolt le kitaidem na coach dia chial zoh ahita,ahong tung chikchik sun-le-zan a kisakholhna omding dan ahi.Tua ahihmanin sport ni chiah kimawl mite'n akuul leh poimoh hunhunin azil leh atheihte uh innpi dangte nang vuallouh din hon zang geihgeih di dan uh ahi.Innpi dangten hon huphulh lawdi uh ahihmanin coach dangte i taaklang dah di.Tutung sports pen kumdang banglou takin kuamah kisiit omlou dia talent leh siamna neimamah loute le hon kikhual lua ahihman in TAKE REST(race) beek a tel dia kuapeuhmah nong kilat uh duhthusam ahi.Siamna tungtuang nei a omleh a mobile a full a battery charge sak ahi ding.

Kimawl hunsunga 'Building One Another' chidan a khat-le -khat kitheihtuahna,kitanauzawkna,phatuamngaihna leh namkhat ihihna ngai thupi a kituak diamdiam le kiphungvuh tuahdia ngainatak a chial le theihsak ihi uhi.Unity Is Strength chih itheih kawmkawmin tam akailut zouzou kipahpih seem ahi(Namdangte bangle).
Nikum/Kumdang in kahohtana,kei milak aleh kihel ngailou,keizaw mi'nle hon theikei unteh,Keilou inle atel di atamna chi mailou in hongtel a,hong uap a hong kihel siausiau din iki ngen in iki theisak ahi.

Huaiziakin azahtaakhuai ka area pihte aw na area adia bangmah kisiit loua na hihtheih khamkham hongsuah a hong kihel teitei din kisa tekni.Nang nakipat kei leh kua akipan d?
"Puthang aw na laukha mubang hongleeng inla,kou na sen vontawite din vualzohna thu hon ngetsak lailai aw" ~JKT Captain

"Singthupi!"

Pu JELSHYAM Innpi | "Eite Mahmah!"

Huihkhi hong laang, Siamsin Sports gim hong nam e! North Zomi te kinepna, i lunglai hong kuai, Siamsin Sports tuang hongtung nawnta. Laisim gigete adia laisimna apat ‘break’, nasem gige te adia nasepna apat ‘break’, bangmah hihloute adia le bangmah hihlouhna apat hihdi omna hun ahi.


Sports hung hongtun chiang in, North Zomi a’ i kipumkhatna uh leh kithulual nate uh ziak a etton tham, Sports hih nuamtu, Area/Veng dang te a dia etton tak omdan mawi leh kilawm i ngaih poimoh mahmah uh, subuching tu nang leh kei hi ding in hanchiam thak ni. Vualzoh tum a, hah pan peetmah in, vuallelh hun a leeng, kimawlna a vual lel hikha phot chi in, vualzoh leh vuallelh kipahdaan siam tekni. Liandou-Thanghou te unau anbang ki-iit na phawk kawm zel in, i siamsin pih lawm-le-vual toh annbang ki-iit in, ki-huaisiam ni hang e.


Hiai Sports hun a kitaitehna tuamtuam om sek te, kisuklimna, kipolhlimna ahi chih thei kawm in, Area/Veng dangte toh I ki thuahkhop na te ah, i pawlpi uh leh ei-le-ei ki meel hem sak khak di veng khinkhian in, i Pawlpi SIAMSINPAWLPI thupina tawisang semsem te hi ni hang aw.


I Area/Innpi min diing a Heutu te hon piak, a Phamsa, Pu H. Jelshyam, LLB, Faculty of Law, DU, North Campus (1962-64) ngei leeng Ex-North Zomi ana hihkhak sawnsawn ziak in Innpi min a, amah i tan khak uh hamphat huai I sa a, kisuan leeng, kisuan tham mahmah a ki sa hi. Amah Paite kampau a IAS (1966) masa peen leeng ana hi zomah a, ei Paite kampau a IAS masa pen North Zomite mah ana hi leltak hi. Nuam ei Eite Mahmah, dialdial a diamdiam in leengkhawm ni maw Siamsin!!!


"Eite Mahmah!"

Pu Thangthuam Innpi Sousang Gawp

Apai lellel Sports kisak khawlna dal vuallouh in PTT Innpi (Pu T. Thangthuam Innpi) te kha nih val mahmah bang a na kisakholta uhi. Muanhuaitak apan kiza danin taksa lam lou leng; khedap, limlang, sunscreen, sweat band leh puanakkhawng neithak zelzul mai uhi. A Captain Pu ngial houh uh underpant thak liklek, a lastik gak theipente SN Market ah va lei a, kimawl chianga Inch khatleng a tolh ding deihlou ahi chi.

"DISTURBING DEUH IN HIT NI UH EI"

Captain Pi Thiansiam khazap na nuai ah Basketball “JNU a sun leh zanin amei-apa in tat zialzial uhi. Captain Pi heute khenkhat siamgawp ua, suang tum bang tat tuan zialzial mai uhi. Basketball a kigen khak chianga aminloh khak teitei uh Unp. Minsang Coach in zang ua, a om chiangin nungakte hipah sarsar ua, a kimawl dan uhle dikse chi uhi. Nursery Kimdangiri in nek-leh-dawn lam enkai a; aktui sial, bawngnoi chihte nesak toihtoih. A nek uh a hoihnung om vetvut mai u

Ei Paite-te lak a football a kigen khak chianga chiltui kaizeen a agen mangmoh uh PTT Innpi-te leng kisa nak mahmah ua; practice leng hun sa nawnlou in, goal khum chia omdi dan, lutdi dan chihte akizil leh akikup laitak uh ahi chih Captain Pu in ball thohvok kawmin gen. Captain pa’n Messi, Pele,Maradona chihte toh kibatna chiang nei ahi chi. ‘Kris a unau’ I chih dandeuhin aman, ‘kei hiaite toh football a unau kahi uh’ chi teitei. Kisak kholna le ngai a sak louh himhim uh Volleyball leng ngaklah petmahta ua, nail polish leng a poimoh leh nuhdin mansa diam uh. Volleyball bet khawng maida mek leh bet siamsa Capt. 747 Kawl in gen zauzau. Three legged race ah chemistry omdeuhtechouh telsak sawm ua, Tuidip-te ah Phulalen Khual muang mahmah uh. Aziakbel ama khutpek lian se a, aneulai in a insakte ngakul a khutpek chouh zangin a na theh kang dimdem ngeita hi. Prez MT leng 100 M nungtai confipetmah a, amit a hih kalh theih banah, a kalhsak chiangin a nunglam le muthei chi hi. Frog Jump lam Litchii Muannu in ukeng hia uphok tawmding chih saikak lellel. Ball Dengte numeite kithuhilh zialzial ua, amau i langlamte Iiplah zoh peuhleh kizou ahi chi uhi. Chirag Mang a na phur guk gige RelayRace a na hi phiangsan a, Relay Race a hobby a hihlam leng gen.

Sports ding kisak kholhna ziakin halhthakna lam tuamtuam ah tung nak mahmah a, Capt. Pi Thiansiam in bang, “Olympics a kimawlmite lungsim di ka manpha pan. Ka halhthakna Bible a Pentecost ni toh ka tehkak zezen” chi hi. Manager Pu Muanlal leuleu inla, “Tuailai te kimawl ka muh chiangin ka halh kuau. torchlight zanmial nuai ah ‘on’ mah kabang” chi.