Updates: SSPP GHQ President Election 2018-2021 [Biodata, Letters etc]

21 January 2018: Pu Thanglalmuan Hauzel in SSPP Complex, Bungmual ah SSPP GHQ President 2018-2021 sung a ding in kichiamna nei hi.

SSPP HQ Mizoram: PRESIDENT APAT THUCHAH

Amasa in ka siamsin pih te chibai kon buk hi. Siamsinpawlpi ichih chiang in pilna leh siamna tuamtuam sin chihna ahi a. Huaiziak in Siamsin ngen ihi chile chisual lodin i gingkei hi. Kei leng chin leh chinlouh lam hilou in ah Siamsinpawlpi President dia telching in ka hong om hi. Huaiziak in Siamsin member te kiang ah ka hon nget ut ahih leh nahon kithuahpihna uh leh non thuhilhna uh ka poimoh gige ding hi. Huaiziak in kisuanglah lou in malak na a om leh on lakpih a sep ngai a om leh on seppih ding in kon ngen hi. Pawlpi ichih heutute kia ahikei a mipi te poimoh masa ahi chih thei in mipi in heutu bawl ihi chih theih in on kithuahpih reng di in kon ngen nawn hi.

2012 SIAMSINPAWLPI HQ MIZORAM MAKAITE

Siamsinpawlpi ki-ukna dan toh kituak in Presidential Election neih ding chih ahih lai in Uncontest in Tv Ginlalmuan s/o T Vungpiang ching hi. Aman tarik 16/6/2012 in charge la a, meeting masa leh OB form na tarik June 23 in anuai a bang in form hi.

President : Mr. Ginlalmuan
Vice President : Mr. G Thangsangmuan
General Secretary : Mr. Hau Sianmuan
Asst. General Secretary : Mr. K Muanlal
Finance Secretary : Mr. David Go Lian Piang
Treasurer : Miss Lalawmpui

Office Bearer te nihvei meeting neih ahihzoh nung in Executive member ding guan ahi a, hiaite meeting thumveina leh Executive meeting khatveina ah Department tuam tuam a Executive member te anuai abang a khen zak ahi.

SURVEY NA AH PAITE HIH TELLOU

Social Welfare Department in “Baseline and need assessment survey of children in Mizoram” chih thupi zanga survey aneih na ah nam tuamtuam ziah na di om a, ahihziakin Paite chih omlou ahi chih SSPP in akitheih in poikisa a, ma kila ngal hi.

Hiai toh kisai in ah nisim 4th July,2012 ni in Deputy Director vakimu a, huai ah a survey sheet ah Paite omlou chih ava kigen a, himahleh deih banga dawn na lungtun huai akizak louh ziak in nitak in emergency meeting neih ngal ahi hi. Hiai meeting ah malak didan genkhawm na leh bangchi sai di a hia chih genkhawm na kinei hi. A zingchiang in ah Director, Social Welfare Dept. va kimuhpih ahi a, aman a gen na ah Secretary, Social Welfare Dept. makaihna a survey kibawl ahih dan on gen a.