Tulai JNU a om Siamsinte Sports a naih tak manin ki hahsak mahmah ua, a diakin football leh Basketball hah hih mahmah uhi. Laisim lampang hah bawl zoukei mahle uh kimawlna lampang chu hah bawl petmah uh chih muanhuaitak apan in thutut kingah.
Football a hihleh nitaklam teng in JNU Ground ah pek gige ua, siam kisa in kimuang thei mahmah uhi. Himahleh a choute uh chu zohluat neilou uh chihleng kiza zel. Kisak khawlna leng hikawm deih leng deih himhim ziakin Lamka lam apan Jersey leng thukhak ua tungpah dia leng lamet ahi hi. A lunglut diakte bang Youtube, Orkut etc chihte ah houlim leh midangte pekdan en in nileng hunbang zangbei thei uhi.
JNU numeite leng duai tuanlou in nitaklam tengin Basketball JNU KV Ground ah tat tuan nouhnouh gige uhi. A vangkim in coach nei ua, huchilouh chiangin midang kimawl pih zialzial uhi. A hahpan na uh gahsuah in tun a khekol kawng uh leng thawl gawp gaita chi uhi. Hat leh fit sem nangin aktui, bawngnawi leh ghee chihte hah nek mahmah uhi.
Sports toh kisai comments te:
# Keichu three legged race tel lou di. A chemistry neideuhte na tel di uh @Capsicum Moi
# I Slogan di un ah 'Nothing gonna stop us!' chih zangle eivoi @Pinky Lun
# Khuaite ka lunggulh gige hia, tutung a hon telsak ta di uah aw??? @Don Mt
# Eivoi Lupkhawmte le lunglut huaisa keimah voi @Nike Tanpu
# Laksawm di chu ahi peuhmah dia. Bangtan kon tungpih zoudiam ah @Capt Ding
# Kimawl va utluat dile hi nawn kasa kei. Kil khat ah nilim nuai ah nungakte toh a na ki tu khawm heuhau leh huai hi ka ut chu @Msuan
# Kimawl chiah ki hangkhum te a om nawndi leh chu kei ut nawnlou @Prez
# Basketball ka kimawl ka lohching pih lua. Khovel a sportswomen te dinmun di ka mupha @Screwdriver Thiansiam
No comments:
Post a Comment