Tuni in a zu aha thuak kawmin nasatakin STMT leh North Zomi football team-te JNU Ground ah kibei zialzial uhi. Final scorew 2-2 hi a, extra time inleng a zou a omlouh man un kipak tuaktuak in omna lamchiat ah kik nawn siausiau uhi.
Match kipat nung sawtlou in STMT-te Prez in through ball nalh deuhmai Biakmuan pia a, aman leng chance miss louin khum ziang hi. A nung sawtlouin D-Box pawlam apan Romeo in STMT te a dingin peklut nawn phek hi. Kuaman bangmah a theihma un North Lamten first half sungin din kikpah uhi. David leh Pauboi in North te a dingin khum nawn pah ziang uhi.
Huchiin full time tanin goal kikhum beh leng om nawn tuanlouin hun honbei a, extra time 20 minutes ki hap mahleh huai ah leng a khum om tuanlouin kikhen mai uhi. Himahleh goal chance tampi tak mu tuaktuak ua goal post khawng bang a khak hun tam mahmah hi.
Kimawlte sang mahmah inleng a ente sousang zaw ua, ki nawk tuah lou chouhin kikhen thei chenchen uhi. A fans te chiat uh kikou naklaw mahmah ua, adiakin a nungakte uh gawlna nei gawp ua tuilum dawn souhsouh uh chih muanhuaitak apan in thutut kingah.
No comments:
Post a Comment