- Thangzasiam, Secretary (Education),SSPP JHQ(D)
Siamsin Kumthak chibai!
Heutute’ hoihsak bang in tukum 2010 pen siamsinna lama naakpi taka panlak thak deihna in “Year of Study” a puan in omta hi. Kum bul petmah ah i ding ua, i lungsim ngaihtuahnate leh kithalawpnate leng fresh lai ding in a gintak huai. Thupil in “A journey of a thousand miles begins with a single step” ana chih bangin kalsuan khephot peuh le’ng Pathian in ma honpi ngei ding hi.
UPSC in Civil Services Examination, 2010 notification hon suahkheta hi. Tua toh kiton in ei siamsinte leng naakpitaka a ina kisakkhawl hunta! I gengen uh bang in field tuamtuam ah lohching tak i bat lai un Civil Services ah naakpi taka niamkiakna om a, ki khang bansam i hita uh chih kuapeuh in i haihkei. Tuabang niamkiakna pen i mi-le-sate adi’n puaknat huai mahmahta hi. A ziak ding zong le’ng gen ding tampi omtham inteh.
Tuate i ngaihtuah kawmkawm in siamsinte, abiiktak in Delhi siamsinte, om maimai thei hinawnlou ihi, eite’n pan i lak keileh midang ding om tuanlou ahi chih haih keini. A poimoh dan kuapeuh in i theichiat. Mimal nopsakna ding mai hilou a, i mi-le-sa, gamle-nam iit iki chihleh hiai niamkiakna pen siamsinte’n ei personal burden a ngai a, tua trend pen khek dinga i hanchiam uh hun lota hilou hiam? Tu tung in Post 965 om a, tua laka ei siamsinte khat-le-nih beek i telphaklouh zel ding i ngaingam d’uam?
Seinou gual aw, haanlung chiamni Gamlei khualna’n siamsin veni Gamlei apal di’n nang haibang hong ngak hi Siamsin lawm aw bang nalawh diam? Pawlpi’n leng pan’ theihna lamlam a pang dia mansa diam ahi. Tu kum in chu nikum a ina patsa uh Siamsin Study Groups naakpi taka puahphat ding, banah Delhi siamsinte Prelim a lohching, sumle-pai a haksatna nei aki omleh financial aid piak ding, leh Mains a lohching peuhmah Interview a dia Coaching laaksak dan ngaihtuah sawm hi. Hiai toh kisai Heutute leh Adviser muanhuaite hong kikum khawm ding ua, i taksuah zoh ngei uh lam-en hang. Siamsin-specific activityte mah uangbawl in, UPSC sese lou, exam tuamtuam adia kisakhawlte a dia leng relevant leh productive theipen in tukum pangkhawm le chi ihi.
Ahi a, Pawlpi’n awlmoh in Civil Services focus in hon neihpih mahleh a simtu ding leh pan latu
ding ei a siamsinte mah ki hilel hi. Huaiziak in, i laibute lawm hoihpen a nei phot in, i hun neihte atam theipen laisimna a zang in, nopbawlna tuamtuamte sukiam in, nu-lepate’n sum tamtak senga Delhi tual a opportunity hoihtakte hamphatpih dia hon koihna uh vuaksuak saklou ding, leh i mi-le-sate’ hon lam-et leh mitsuan pente ihi chih thei in tukum chu panla taktak ding in iki chou ahi.
Tua toh kiton a tamthei pen in Form fill up noinoi ding, tu a kipan preparation patpah ding. Pathian phawk kawm in, ‘Can Do Attitude’ toh pangle hang mi’n azoh leh eite’n i zohlouh tuamna ding thu omlou hi. Mualdawn khuak neutuam loupi! Civil Services a ki khang bansamta pen eite’n tukum in khek sawm ni!
Tua mahbang in Exam tuamtuam adia ki prepare te’n leng i laisimna mah prioritise in, siamsinna lou ei a dia suahtakna dang omlou ahih thei in tha thak la in pangchiat ni. Kum thak in siamsinte adi’n vualzohna hon puak hen!
“I can do all things through Christ who strengthens me.” – Philippians 4:13
[Siamsin Bulletin 17 - Nou Kha (January) 2010]
Siamsin Kumthak chibai!
Heutute’ hoihsak bang in tukum 2010 pen siamsinna lama naakpi taka panlak thak deihna in “Year of Study” a puan in omta hi. Kum bul petmah ah i ding ua, i lungsim ngaihtuahnate leh kithalawpnate leng fresh lai ding in a gintak huai. Thupil in “A journey of a thousand miles begins with a single step” ana chih bangin kalsuan khephot peuh le’ng Pathian in ma honpi ngei ding hi.
UPSC in Civil Services Examination, 2010 notification hon suahkheta hi. Tua toh kiton in ei siamsinte leng naakpitaka a ina kisakkhawl hunta! I gengen uh bang in field tuamtuam ah lohching tak i bat lai un Civil Services ah naakpi taka niamkiakna om a, ki khang bansam i hita uh chih kuapeuh in i haihkei. Tuabang niamkiakna pen i mi-le-sate adi’n puaknat huai mahmahta hi. A ziak ding zong le’ng gen ding tampi omtham inteh.
Tuate i ngaihtuah kawmkawm in siamsinte, abiiktak in Delhi siamsinte, om maimai thei hinawnlou ihi, eite’n pan i lak keileh midang ding om tuanlou ahi chih haih keini. A poimoh dan kuapeuh in i theichiat. Mimal nopsakna ding mai hilou a, i mi-le-sa, gamle-nam iit iki chihleh hiai niamkiakna pen siamsinte’n ei personal burden a ngai a, tua trend pen khek dinga i hanchiam uh hun lota hilou hiam? Tu tung in Post 965 om a, tua laka ei siamsinte khat-le-nih beek i telphaklouh zel ding i ngaingam d’uam?
Seinou gual aw, haanlung chiamni Gamlei khualna’n siamsin veni Gamlei apal di’n nang haibang hong ngak hi Siamsin lawm aw bang nalawh diam? Pawlpi’n leng pan’ theihna lamlam a pang dia mansa diam ahi. Tu kum in chu nikum a ina patsa uh Siamsin Study Groups naakpi taka puahphat ding, banah Delhi siamsinte Prelim a lohching, sumle-pai a haksatna nei aki omleh financial aid piak ding, leh Mains a lohching peuhmah Interview a dia Coaching laaksak dan ngaihtuah sawm hi. Hiai toh kisai Heutute leh Adviser muanhuaite hong kikum khawm ding ua, i taksuah zoh ngei uh lam-en hang. Siamsin-specific activityte mah uangbawl in, UPSC sese lou, exam tuamtuam adia kisakhawlte a dia leng relevant leh productive theipen in tukum pangkhawm le chi ihi.
Ahi a, Pawlpi’n awlmoh in Civil Services focus in hon neihpih mahleh a simtu ding leh pan latu
ding ei a siamsinte mah ki hilel hi. Huaiziak in, i laibute lawm hoihpen a nei phot in, i hun neihte atam theipen laisimna a zang in, nopbawlna tuamtuamte sukiam in, nu-lepate’n sum tamtak senga Delhi tual a opportunity hoihtakte hamphatpih dia hon koihna uh vuaksuak saklou ding, leh i mi-le-sate’ hon lam-et leh mitsuan pente ihi chih thei in tukum chu panla taktak ding in iki chou ahi.
Tua toh kiton a tamthei pen in Form fill up noinoi ding, tu a kipan preparation patpah ding. Pathian phawk kawm in, ‘Can Do Attitude’ toh pangle hang mi’n azoh leh eite’n i zohlouh tuamna ding thu omlou hi. Mualdawn khuak neutuam loupi! Civil Services a ki khang bansamta pen eite’n tukum in khek sawm ni!
Tua mahbang in Exam tuamtuam adia ki prepare te’n leng i laisimna mah prioritise in, siamsinna lou ei a dia suahtakna dang omlou ahih thei in tha thak la in pangchiat ni. Kum thak in siamsinte adi’n vualzohna hon puak hen!
“I can do all things through Christ who strengthens me.” – Philippians 4:13
[Siamsin Bulletin 17 - Nou Kha (January) 2010]
No comments:
Post a Comment