- Vungzamuan Valte, DANICS
Kum 2009 tuh dai khinkhian in zaalmang bangmai in a liam mang nawnta. Kumthak 2010 kumbul ah i ding nawnta a, Zodawn lamah laizom lia-le-taang te lungsim a mittui ke-kawm in Guite Road toh kisai Protest Social Work in kum ana pan uhi. Delhi leh khopi tuamtuam a omte’n bang lam mitsuan in kum I pan ale. I hong kipatna mangngilh lou in leh Jesu Kris mitsuan kawmin siamsin te’n lungtup mualsuah a thangsuah dingin pan lathak chiat ni ei.
Thukipahhuai mahmah zanzek in news ah na simkhak chiat uh ka lamen. Civil Services ah kum tampi i niil touh ziahziah nungun tukum in kumdanga zahnih phial (Government of India) GOI in recruitment bawldek ahih chu
(SSPP member te khualna in, pssst...thuguk ahi). 2009 in 580 kila a, tukum in ahihleh 965 tak kila ding a, huailakah IPS chauh leng 150 ahi. 2008 a 791 kilate lakah IAS 120, IFS 26, IPS 130, plus other services 515 ahi. Huaiziak in Graduate ta phot in CS Prelims Exam form aguk in i fillup sauhsauh ding uh, kuamah va hilhhilh se louin. Mi theih di’n a pammaih. Gengen ding chi le ahi kei. A utte’n party ana nei uhenla, a utte’n ana kham uh henla,a utte’n sunkhua zankhuain ana kihel ta maimai le uh le apoi sekei. Eilawi ihihleh hiai chance hoihtakmai khahsuahlou dingte ihi a, kipat pah charchar mai ding ahi, min ahon phawkpih chiang ua ei gamlapi ana tungkhinta ding.
Coaching la theite adi’n lak ahoih, hileleng lohchinna diinga guarantee ahi kei. Guarantee hoihpen zaw amasa in, lunggulhtaka tupguhna neih ahi, anihna ah, Material hoih zonkhiak a kaihkhawm, athumna ah, lehkhasim dingdan strategy hoihtak bawl leh apoimohpen, ahon petheitu Pathian phawk ahi. A saltanna gam nangawn ua achipihte uh adinga bitna leh dopsangna tuntu khangnou Daniel leh Esther te bangin, I gam in a poimoh tuh mi pil, mi diktat leh hangsan khat-le-nih lel, apoimoh huna dinga apoimohna muna ana omkha geih ahi. Lawm, nang nana hih mel kuan agen thei a!!!
[Siamsin Bulletin 17 - NOU KHA (January) 2010]
Kum 2009 tuh dai khinkhian in zaalmang bangmai in a liam mang nawnta. Kumthak 2010 kumbul ah i ding nawnta a, Zodawn lamah laizom lia-le-taang te lungsim a mittui ke-kawm in Guite Road toh kisai Protest Social Work in kum ana pan uhi. Delhi leh khopi tuamtuam a omte’n bang lam mitsuan in kum I pan ale. I hong kipatna mangngilh lou in leh Jesu Kris mitsuan kawmin siamsin te’n lungtup mualsuah a thangsuah dingin pan lathak chiat ni ei.
Thukipahhuai mahmah zanzek in news ah na simkhak chiat uh ka lamen. Civil Services ah kum tampi i niil touh ziahziah nungun tukum in kumdanga zahnih phial (Government of India) GOI in recruitment bawldek ahih chu
(SSPP member te khualna in, pssst...thuguk ahi). 2009 in 580 kila a, tukum in ahihleh 965 tak kila ding a, huailakah IPS chauh leng 150 ahi. 2008 a 791 kilate lakah IAS 120, IFS 26, IPS 130, plus other services 515 ahi. Huaiziak in Graduate ta phot in CS Prelims Exam form aguk in i fillup sauhsauh ding uh, kuamah va hilhhilh se louin. Mi theih di’n a pammaih. Gengen ding chi le ahi kei. A utte’n party ana nei uhenla, a utte’n ana kham uh henla,a utte’n sunkhua zankhuain ana kihel ta maimai le uh le apoi sekei. Eilawi ihihleh hiai chance hoihtakmai khahsuahlou dingte ihi a, kipat pah charchar mai ding ahi, min ahon phawkpih chiang ua ei gamlapi ana tungkhinta ding.
Coaching la theite adi’n lak ahoih, hileleng lohchinna diinga guarantee ahi kei. Guarantee hoihpen zaw amasa in, lunggulhtaka tupguhna neih ahi, anihna ah, Material hoih zonkhiak a kaihkhawm, athumna ah, lehkhasim dingdan strategy hoihtak bawl leh apoimohpen, ahon petheitu Pathian phawk ahi. A saltanna gam nangawn ua achipihte uh adinga bitna leh dopsangna tuntu khangnou Daniel leh Esther te bangin, I gam in a poimoh tuh mi pil, mi diktat leh hangsan khat-le-nih lel, apoimoh huna dinga apoimohna muna ana omkha geih ahi. Lawm, nang nana hih mel kuan agen thei a!!!
[Siamsin Bulletin 17 - NOU KHA (January) 2010]
No comments:
Post a Comment