SSPP Delhi: VAIDAWN THUPUAK

SIAMSINPAWLPI JOINT HEADQUARTERS, DELHI
Department of Education

VAIDAWN THUPUAK
August 8, 2010

Siamsinte tutan honpi Pathian min phat masa hang!

Siamsinna maban sunzom dinga Delhi tual hongpai nungak leh tangval meelthak fel taktakte navek un chibai k’onna buuk uhi.

Maban khualna ziaka mahni innlum nusia a, nu-te’ ann huansa neek phaklouhna mun gamlapi a anuam, ahaksa thuak dia na hong paina uah k’onna ngaisang ua, deihsakna lianpi toh k’onna vaidawn uhi.

Thuhilhna manpha tampi toh hongtung na hingei ding uhi. Hita mahleh nu-le-pa, sangngamte’ kinepna mai hilou in i nam-le-gam leh pawlpi kinepna nahi uh chih ka hon gen ut uhi. Gam hiaitan a siamsin dinga omtheih pen hamphatna thupitak ahihlam haih ngeilou ding leh opportunity na neih tengteng uh tua siamsinna dinga optimize ding in k’on hasuan ut ngal uhi. Pawlpi’n leng noute tungah lam-etna sangpi hon kinei ahi.

Delhi pen gam lum mahmah, natna tuamtuam tamna banah ut in utkei le’ng vaite toh niteng, hunteng a ki deal na gam ahi. “Rome a na omleh Rome mite hih bangin hih in” chih bangin niteng hunzatna, college kaina, innluahna leh adangdang ah pilvanna ding tampi om ding hi. Tuate theisiam ding leh mahni hihna mangngilh ngeilou a hong kikem siam ding in k’on deihsak uhi.

Midangte’ hihte hihlouh theih, banah midangte’ hihlouhte hihtheih a poimoh hun tampi hong om ding hi. Tuabang hun inleng na sia-le-pha theihna uh leh Pathian hing mitmuh a hong lampial lou ding in ka hon deihsak petmah uhi.

Delhi na hong paina ziak uh (purpose) thei gige a, siamsinna mahmah hon pi bawl ding leh tua kawmkawm a pawlpi leh omna Saptuam chiat a innteek taka na siamna leh theihnate uh a poimoh hun a ki daam hetlou a hon thoh ding inleng ka honna lam-en uhi.

Na tup-le-ngimte uh mualsuah zou ngei ding leh i mi-le-sate koltaanna tampi apan suutkhetu hong hingei ding in Pathian in hon vualzawl hen!
 
Sin ding, sem ding leh i gam zuun ding kuamah om tuanlou. Ei siamsinte loungal. Tua ding in kisak takpi ni hang!

Pawlpi sik-le-taang in deihsakna toh.

Sd/-
Thangzasiam Paite
Secretary,
Education.