Innpi (House) te Thupuak:
(hiai nuai geiha link pen mek in)
NGAJAM MIPI TE THAWM:
1. Futball pek na di khedap lei ngai himah ve aw – Thianching, JNU
2. Defense lam teng kei hon muang ua – Mansiam, Sadiq Nagar
3. Niteng a i practice hial leh chu ki fit mahmah ta – Melody Thiansiam
4. A ball khoihtheihte (Goalkeeper a genna) bek in hon zang ve ua – Jenlianmoi, Jamia
5. Tutung sports di pasal lamte sang mah in numei lamte phurzo kabang uh, eh, sisan penak lua uh ahi di I tangvalte un – Maman, Jamia
6. Discuss throw chu keia ahi - Mangi, Jamia
7. October phavang nisa singseng in nang leh kei adingin hun nuam leh manpha tak hong tun, i naa te nusia in, mawltual lamzuan ni.
Captain: Pumlianmung (Jamia) 9650925637 | Asst. Captain: K. Muanthang Ngaihte (JNU), C. Kamthianmang (Jamia), M. Liansang (South Ext.), Zenngaihlun (JNU), Mansiam(South Ext). Area in ahuapkhakte : JNU, Jamia Area, Ashram, Lajpat Nagar, GK, South Ext. Area, Lodhi Area, Kidwai Nagar, SJ Enclave, Sarojini Nagar, Chanakyapuri.
LANVA INNPI (RED HOUSE)
Lamka leh asehvel a khua omte hinna damtui pe ding in Lamka tumlam(west) apat tuinak neu chik akipan in tui hong luang khia hi. A lampi ding hon phusuk in hong luangkhe suk a, khua neule-lian te hon tawn in hong luang khesuk a, a kim a nai aom te a din’ Tui nek leh dawn ding ban ah kikepsiang na ding pia hi. Mi tampi te’ damna tui LANVA lui kichi hong piang hi. Lanva lui in a tot na teng ah mihing kia hilou in ganhing, sing leh louhing ten ana phattuampih lai uh chih iim vuallouh in akiim-akiang ah muh theih ding in singkung leh pak te om hi. A lui pang a om te a din’ tuiluang dimdim te zan hun in kiza thei a ging kilawm mahmah hi.
Hiai lui pang a khua – Pearsonmun, Bungmual, New lamka, Mualkawi , Ngathal leh adang dang te a omdan in kou LANVA INNPI in RK Puram , Mohammedpur , Berserai, Katwaria sarai, Lado sarai, Savitri Nagar, Chirag Delhi,Push vihar, Madangir, Tughlakabad, CR Park leh akiang nai ate hon kaankhawm hi. Etton tham Lanva lui bang a luang khawm in mabang suankhawm leng Vualtungtuanna ei khut ah…. Lanva innpi Vualzou ding pawlpi eimah ihi. Lanva innpi – BANG CHI HIAM IN AH.
Ka siktui siang nadawn ban uah kakiim kakiang ah sing-le-suang natan nahon hawisak kei ua,hiai thei un,om maimai nawnlou in ka tuuktui tha tawh hon nawkzial di kahi. Ka phattuam nateng zar nazou khinta ua, na hon nekkang mangei un, na tung uah ka GUU khat-khit-khat honkhah tek ding hing…
Captain: S. Singthansang (Bersarai) 9711971574 | Asst. Captain: T. Thangzamung (RK Puram), Khupsonmung (Mohammedpur), Khupsonlian (Bersarai), Thangkhankhual (Madangir), Mangsuanlian (Chirag), Luaisuanmung (Tughlakabad), Jambiakkim (RK Puram), Vungkhawlching (Bersarai).
Area in Ahuapkhakte: RK Puram, Mohammedpur, Bersarai, Katwaria Sarai, Lado Sarai, Savitri Nagar, Chirag Delhi, Pushp Vihar, Madangir, Tughlakabad, CR Park.
TUIVEL INNPI (WHITE HOUSE)
Tutung kou, Tuivel Innpi te’n ka hon thupuak diing uh ahihleh hiai ahi: “Innpi dangte, nou chauh chi longal. Hoihdeuh in hong kisa ua. Utlou pipi in Overall Champion khawng hon lasak mawkmawk kei un aw...” Taktak a, kimawlpih dia kha, kou bang a siam leh haat na hong hihchiat di uh hon kideihsak lotel. Huchih louh chiang a sports nuam thei mahmah lou ahi. Delhi siamsin tamtak te, Tuivel lui tanchin thei nailou i tam dia, ka hon pulaak diing uh. Tuivel Lui i chih zenzen, tukum bul a ZSF GHQ te’n mass social work thupitak ava neihna mun uh ahi a, i Zogam khangthu adia thil thupipen lawi a chiamteh ahihchu. Hiai lui ahihleh Manipur South District, Singngat khua apan km 18 vel a gamla. Guite Road in a totkhaakna, Tuivel khua leh Maukot khua te’n tehtuah in, luang dialdial hi.A luinak kipatna ahihleh Chin State a Zomi te khua Mauvom gam ahi. International boundary kantan in Guite Kual ah hongluang a, a tolam ah Tuivai Lui hon zom hi.
Gam tuamtuam a om Zomi te zomkhawmtu lui ahihman in a poimohna a lian. Hiaibang a lui thupi leh poimoh mintam, kou Tuivel Innpi te’n tutung sports in, hiai lui a sakmin ka hon thangsak zuahzuah mai diing uh.
Captain: Thangkhanlal (Munirka) 7838445041 | Asst. Captain: Biakthang (Vashant Vihar), Siamlian Hangzo (Nanakpura), Dingte (Dwarka), Lalzou (Nanakpura), Nenem (Munirka), Khual (Munirka), Muansang (Munirka).
Area in ahuapkhakte: Munirka, Vasant Vihar, Vasant Enclave, Vasant Kunj, Mahipalpur, Gurgaon, Moti Bagh, Nanakpura, Raksha Sampada Bhavan, Cantonment, Palam, Dwarka, Hari Nagar, Janakpuri, Vikaspuri, Rohini, Pitampura.
TUIVAI Genta le!!!!!
I Zogam a dia lui(river) lian pen leh luita minthang deuh teng a luang lutna uh leh a tawp na uh Tuivai ahi.
SOURCE: Myanmar(ma lai Burma) gam apan hong kipan in I Zogam dung leh vai zeel suak phial in hong luang hi.
A LUANNA MUALKUAM: Myanmar apan tumlam(west) zuan in hong luang in I pu-le-pate ana khosakna uh kho minthang mahmah TONZANG khua leh BEHIANG khua kikal ah hong lut hi. Mangkang kumpi vai hawm lai in India leh Burma kawm tuah nang in hiai Tuivai lei kan in lei ana khung a, huai pen Lei Sang kichi hi. Kidoupi nihna hun lai in Japan galkapte’ hiai lei zang in I Zogam hong lut sek man un Allied galkapte’n ana bomb sia uhi. Himahleh tuni chiang in leng muhthei ding in omlai hi.
Behiang gam apan simlam zuan in hong luang lut in Maukot gam, Singngat leh Maukot khua kikal ah Guite Road kaantan(cross) in mallam zuan in hong luang hi. Maukot leh tuivel gamgi tu(boundary) a pang Tuivel lui in hiai gam sung mah ah Tuivai lui hon zom hi. Guite kual a I pai touh lai leh Pumlong(Lungthul T) khua lut ma deuh ah, Guite road kan in sim-tum lam deuh mannoh in luang non hi. A luanna mual leh guam kikual petmah a, Hausa’ gam tuamtuam tam khop tak hon tawn kual in suahlam apan tumlam zuan in hong luang non leuleu hi. Tumlam zuan a hong luang pen Mualnuam leh Kaihlam gamgi dia hong pang in, Tuima lui in tua mun ah hon zom non hi. Awlawl a hong kize suk in sim-suah lam manoh a hong luang non in, Khuanggin leh Sinzawl gamgi a hong pang in, huai kan na din Guite road a sik lei thupi penpen khun in om hi. Sinzawl gam zul a luang ngiahngiah in Mizoram toh Manipur gamgi ah tumlam manoh a hong luang in, huai apan Mizoram luanglut in Tuiluang zom hi.
A PHAT TUAMNA: Hiai lui minthang leh thupi Tuivai pen International boundary kia mai hilou in State boundary ban ah Hausa gam cheptehna in mun tampi petmah ah kizang hi. Huai kia hilou in nek-le-tak, sum dawnna nak phatuam mahmah leng ahi. Luita hunkhop tak luang lutna a hih mah bang in Ngasa, Tengkol chihte ah I gam hon chhawm zou mahmah hi. Singtangpa nek-tak zonna ah panpih mahmah a, lou gam leh gam mang gamla pipi apan puum(long neute) bawl in Tuivai dung tawn in Sing leh guate pua in Guite road ah khol khawm in, hua pan I khopi Lamka leh a sehvel munte puak lut in om zel hi.
Chivu spring: I pu-le-pate hun lai in chi(salt) pen tu hun bang a bazaar a muh mai theih dia ana om lou ahih man in, hiai Tuivai piau Chivu spring kichi, Tonzang lam pang ah an lai suah uhi. Badis Tuivaiei: Tuivai lui apan kimusuah ngasa chikhat ahi. Mundang a om ngasate toh a kibat louh man in Manipur University a Dept. of Life Science in a min ding in a kimuh suahna Tuivai pansan in Badis Tuivai chih min pia uhi.
Captain: T Songzamang (Nehru Vihar) 9899634256 | Asst. Captain: Ginlalsiam Tonsing (North), Mangsuanlal (CP), Haulaljohn(MintoRoad), CK Paul (Mayur Vihar), Ginzasang (Noida) N. Thangliansang (Noida), Hoihnu Ngaihte & Kimno (DU, North Campus).
No comments:
Post a Comment