BYF Delhi: Project Nehemia Phase - III & KIZAKSAKNA | 27th February 2011

BAPTIST YOUTH FELLOWSHIP | EBCC DELHI
KIZAKSAKNA | 27th February, 2011

Amasa in tutan hon pi i biak Pathian kiangah thupina tengteng pia in Amin phat hang! Ama’ haatna muang in BYF in tukum sunga sepsuah ding a hoihsak bangzah hiamte hiaibang in Year Plan ah hong kiguang a, Saptuam mipi, abiik in tuailaite theih dingin i taklang hi:-

01. Tukum Thupi (Theme) dingin BYF Central Sub-Committee in hon piak, “Toupa a ki hih hat” (Isai 40:30-31) chih zat hi ding.
02. PROJECT NEHEMIA sutzop hi a, PHASE –III minvuah ahi. Hiai dinga target Rs.1,25,000/- (Nuai khat, siing nih leh sang nga) bituk ahi. Tua muhsuahna dinga nakpitaka panlak ding.

03. Tuailai milip kianga Tuailai Box koih suak a, khateng a don ding.
04. Group/Area fellowship-te Committee in enkai a veh zel ding.
05. Tukum BCD apan BYF a honglut thakte fellowship khatvei neihpih ding. February, 2011(zouta)
06. Meelthakte Vaidawnna Program khatvei neih ding. - 7 August, 2011(Sunday)
07. BYF, EBCC Central Delhi te toh Pathian min a kithuahkhawmna neih ding. - August/September, 2011
08. BYF DAY, 2011 thupitak leh phatuam theipen dia zat ding. -14 -16 October, 2011(Friday – Sunday)
09. BYF in Pathianni kikhopnate a Lapawl atam theipen present sawm ding.
10. Pathian hatna muanga BYF LAPAWL hoihtak neih sawm ding.
11. Tuailai kum in a huam, Saptuam’ census a om, Delhi a Saptuam’ dan a kiteeng a omleh kipahpihna bawl ding.
12. Advent Christmas-cum-Coffee Night zat ding. - 17 December, 2011(Saturday)
13. Tuailai kum in a huam, Saptuam member tukum sunga Bible simsuak zou a omleh kipahpina piak ding.
14. Tuailai kum in a huam, Nipi Skul kum tawp exam a Honours Certificate muzou omleh tuate kipahpihna bawl ding.
15. TBSUC hoihsakna banga Biakna kikhop a ushering nna sepzom touh zel ding.

Sd/- Thangzasiam Paite
Secretary, BYF | EBCC Delhi

_______________________

BAPTIST YOUTH FELLOWSHIP | EBCC DELHI
PROJECT NEHEMIA PHASE – III

BYF in maban a sepsuah ding i neih laka i project lianpen uh, Zodawn a i unaute’ siamsinna innte phuahphatna dia ana kipan, PROJECT NEHEMIA ahi. Pathian haatna leh a Saptuam, a biiktakin tuailaite kipiakzohna ziakin tu’n PHASE-III tan bang i tung theita ua, hiai project a dinga sum-le-pai, tha-le-zung, thumna leh pantheihna tuamtuam a ana pangkha khempeuhte ziakin Pathian min i phat hi.

PHASE–III a muhsuah dinga target i theichiatta ua, tua muhsuahna ding in mimal chiat in mohpuakna liantak i nei uhi. Zodawn i mi-lesate, Khris a i unaute itna tawh, amaute’ adia a thumna uh dawnna hikha ding i hi chih phawk thak kawm in, ei Delhi tual a om, Pathian’ vualzawlna ana dong tamzawte’n pan lathak takpi ding in i kichial uhi. Midang kuamah project hilou a, nang leh kei a ahi hi. I target muhsuahna ding in BYF in sum muhna naak adang kinei tuanlou ahihna ah, Tuailai Box a phal bangbang i na khiakzelte ua kinga hipen mai hi. Huaiziakin, i phatuamngaihnate uh suah thak in, i phal bangbang ana pe touzel ni hang. Tua banah, Saptuam member mimal/Area fellowship kiphal leh a tuam a i project phungvuh utte leng chiklaipeuh in kipahpih hi gige hi.

Sep theihlai in semni. Piak theihlai in peni. Toupa’n a leh tampi in hon vualzawl thei gige hi.

Sd/- Thangzasiam Paite,
Secretary, BYF | EBCC Delhi

[Gamchiam | February 27, 2011]