BANKING EXAM TIPS

- S. Thangthiankham Ngaihte

I. Mathematics Ka siam Kei’ Chih Paulap Chinglou Ahi:

Hiai Sector a lut zohlouh paulap/excuse a kiza tampen ahihleh-‘mathematics ka siam kei’ chih ahi. Hiai paulap ching hilou ahi. Hiai Sector a lut na ding in ‘Mathematics siam ngai’ chih ‘Myth’ ahi. Siam (master) hih angai kei a, theih zek hun lawtel ahi. Hiai laigelhtu mahmah leng mathematics siam hetlou ahi. Himahleh, SBI PO nih vei gelh ching zou hi. Minimum pass mark i muh leh ahun lel ahi. Huan ah, mathematics in weightage aneih 25% sang in atam kei zo himhim hi. Hiai Sector ah i lut theihlouh ziak pipen ahihleh, Mathematics siamlouh ziak hilou in, ki prepare dingdan strategy/technique i theihlouh/pan i laak siam louh ziak uh ahi.

II. Intensive Preparation Alou Theilou Ahi:
Hiai Sector a lut na ding in, intensive preparation a lou theilou ahi. A ziak ahihleh, a subject theih ban ah, time limit sung a atam theipen questions dawn ding ahihziak in, answer piak ah speed poimoh petmah ahihziak in.

III. Panlak Dingdan - Strategy:
Hiai Sector a lutna ding in anuai a bang a pan lak ngeingei ding ahi (Sector dang - SSC Graduate level exam khawng ading in leng applicable mahmah ding a gintaak ahi):

(a) Examination Syllabus Digest In: Syllabus digest, theih lum let ngeingei ding ahi. Bang area, topics, etc. ban ah, bang subject/topic in marks bangzah apua a, bang ah weightage atam pen a, questions bangzah a om, etc.? chih khawng ngentel tak a theih ngeingei ding ahi.

(b) Previous 3/4 years Questions Sim Inla, Digest In: Kum 2- 3 Previous questions neih a study ngeingei ding ahi. Bang question-te aki repeat a, easy question/tough question/difficult question proportionate in bangzah a om a? Question settings ah bang chibang pattern muh theih a om? Hiai teng study zohchiang a muhkhiak dan points te gelh khiak/ theih ngeingei ding ahi. Hiai apat ki prepare ding dan zon khiak ding ahi.

(c) Ni Teng in Question Type Teng Ki Test Gige In: Syllabus en inla, section teng nikhat in simkha vek gige inla, ki test gige in. Hiai in na ki preparation kibang sak/lual khai sak ding a, chauh biikna na nei kei ding hi. Exam chiang in speed na nei phah ding hi. Etsakna: Test of Reasoning, General Awarness, Quantitative Aptitude, English Language te niteng in nangmah lemchan dan dungzui in leh routine na bawl dan dungzui in sim inla, model test paper/previous questions te apat ki practice gige in. Area khat chauh ki practice a, area dangte neglect hetlouh ding ahi. Mi tamtak hih khelh sekna ahi.

(d) Break Nei Ken: Hiai Sector a lutding a na tupna taktak naneih leh, na ki sak kholhna ah break nei het ken. Huai tuh, na ki prepare na atatsat louh ding ahi. A thei chiatchiat, asiam chiatchiat himahleh mark tam mu sang penpen te merit list a selection om ding ahihman in, atam thei pen mark muh tup ding ahi. Huai dia, speed poimoh petmah ahi. Speed neih na ding in nonstop a practise, practise leh practise ding ahi. Break na neih ngeingei leh na speed a down ngal ding hi. Speed neih laitak a exam piak ding ahi.

[Extracted from a seminar paper prepared by S. Thangthiankham Ngaihte, Branch Manager, SBI, Zarkawt Branch, Aizawl for SIAMSIN CAREER GUIDANCE SEMNAR-II Organized by SSPP GHQ. Lamka on the 11th & 12th January, 2011]