Report: TALKS ON ECONOMIC SUSTAINABILITY AND LIVELIHOOD OPPORTUNITIES IN LAMKA 2017 [with Video Links]

TALKS ON ECONOMIC SUSTAINABILITY AND LIVELIHOOD OPPORTUNITIES IN LAMKA 2017

Date: 27 OCTOBER 2017
Time: 5 PM
Place: COMMITTEE ROOM, SSS – I, JNU, NEW DELHI

Program Coordinator: Ngaibiakching, Research Scholar, JNU

Speakers:
1. Pu CT Lian Guite, Social Worker, Lamka
2. Pu Pausianmuang Tunglut, IES, GoI
3. Pi Dr. Nemthianngai Guite, Associate Professor, JNU

Report:

Programme co-ordinator Ngaibiakching, JNU in mipi paikhawmte leh speakers te vaidawnna nei a, hichibanga Economic Talks om ngei nailou a maban hon omtouh jel din lamen din gen hi.

Speaker masa ahih le Pu CT Lian, Social Worker, Lamka in "Livelihood Opportunities in Lamka" pansan in

thukup nei hi. Financial literacy leh employment generation i gam a poimoh asak dan gen hi. Lamka ah mi 2,71,400 sanga mitamzaw zek oma huai laka 50% vel in income neilou uhi. Cost of living/khosakna ahihleh Rs.77 per day per person vel in tuat hi. Mikhat cost of living niam mahmah hi. Himahle i muhna or income sanga i zatna a sang zaw a, huai in siatna leh zawnna hon tun hi. Lamka a sumdong te enta le, khantouh or kaltouhna dan himhim ngaihtuahna neilou uhi. Kum 10 or 20 khong sumdong himahleh khangtou mahmahlou, i omna munkhat a omden kihi tangpi hi. Goal neilou a business or dawr bawl ngen ihi uhi. Hiai in hon khangtou sak lou hi. Huaibanah zilsawmna lungsim le kineilou hi. Mite hih bangbang en a hih or mite dawr bangbang bawl i hi ua huaiziaka kikhangtheilou or puk pahpah ihihdan uh gen hi. Huaiban ah, employment generation tungtanga agen ahihleh i gama resources te zanga, huai pansan a nekzonna a pangthei luat ahihdan gen beh hi. Suang nei hanga gua le nei ihi ua, hiaite zangsiam le nekzonna or nek muhna a pangthei lua ahihdan leng gen hi. I gam a i resource neihte pholh suah a a zat didan hoihtakin ngaihtuah le i gam uh i khang uh kisustain jou mahmah dia gin ahi. Thil tupna neia or goal nei a, problems i neih chiah tawp mailoua a phut ngamna toh phu tou a solve a paitoule lohching di i hi, chih lam in thukup nei hi.

Speaker nihna ahihle Pu Pausianmuang Tunglut, IES, GOI. Tulel in Assistant Director,Ministry of Road and Transport lenlel ahi. A topic ahihleh "Education as a drive towards a Sustainable Economic Goal". Aman a focus ahihleh human resources ah ahi. I gam a natural resources leh financial resourcete zat siamna din ah human resources poimoh a, Education tungtawnin human resources hoihtak ngah theih, chin gen hi. South Korea te thupi zat "study hard and succeed" chih gentehna in hon zang hi. Agam polam a amiten lai asim ua, siamna toh agam ua kik ua, apilna asiamna te uh agam adin azang uhi. Hiai in agam uh a khangtousak hi. Huaibana, i human resources ahoih nadin point thum hon gen hi - equity in education, excellence in education leh educated employability. I Lamka khosung a education leh i singtang dawn uah i education uh akibang hiam chih en le, amasapena i khangtouhna dia sum tampi education adia sengna in lohchinna hon tun pah mawk lou a huaiziaka lohchin theihna din a result or outcome or product in focus le hoih di chi hi. Huaibanah laisim or siamsin te a din hon hanthawn a, laisim te sepna gelh ching di kia a laisim lou a, siam isinte thei a, zang khia a i gam adia phatuam theidia zangkhe thei din hon han thawn hi.

Speaker a thumna din Pi Dr Nemthianngai Guite, Associate professor, JNU ahi. Amah thupi ahihleh "Prospects and Challenges for harnessing opportunities in medicinal plant sector in Lamka, Manipur". I gam uah medicinal plants tam mahmah ahih dan hon taklang hi. Hiaite zong suaha mass cultivation or mass production hiha, globally export didan ngaihtuah hun ahihdan gen hi. Tulai mitamtak te herbal medicines consume atam mahmah ua, hiai in eite adia scope lianpi hon honsak hi. Entrepreneurship lam ei singtangmite siamna hikeimahleh zil theih leh zil apoimoh tak dan gen hi. Biodiversity toh kisai a trade regime dungzui in, eilawi as an indigenous people, i indigenous knowledge neih tampite uh international level ah protection kimu aihdan gen hi. Ei gama medicinal plants toh kisai SWOT analysis hon bawl a. SWOT analysis ahihleh strength, weakness, opportunities and threats ahi. Lamka ah economic leh marketing potential a oma huai a i Strengths uh ahihleh strong diverse ecology, hiai medicinal plants te i gam polama zuakna di market hoih mahmah a, export na din le connectivity hoih mahmah inle hon panpih thei ding hi. Huaibana, weakness a ahihleh database plants toh kisai kineilou, research study aihkeileh ground level studies, awareness, collaboration chihte omlou ahi. Opportunities a ahihleh tulai a natna tuamtuam tam mahmah a, hiai in medicinal plants viz ginseng, turmeric etc chihte hon poimoh sak diak hi. Threats ah ahihleh medicinal plants te local market a demand a tawmlua leh outside competitors.

Hiai hun zoh in gennop leh kupnop nei te hun hong hi a, mipi paikhawmte laka ngaihdan kupna om hi. Pu Thangsangkham, Lamka in singtang lamte resource tap na di hun neilou, hand to mouth, awareness omlou, gam neitu hihna neilou leh connectivity hoih lou, chih te research bawl a a kalsuan didan lampi om theih didan thehzak tuak asak thu hon kum hi. Khopi a om ten animal husbandry bang ah hon invest le uchin, singtanglam ten vok ana vul dua, Mizoram lam khong ah zuak theih di ahihdan gen beh hi. Pu CT Lian in hausa te leh a gam zanga nekzong/summet bawl ten kalah agreement hoihtak om masak a om kul ahihdan gen beh hi. Lamka lak aihkeileh Guite Kual bang ah khopi a om ten khateng a sangnga or singkhat hiam, percent tawm chikchik a bank khonga saving i bawlte uh khong, singtang lam a invest in, singtang a nasem nuam taktak ten vok farm, thei farm etc khong ana pat theih na di un, a hi thei tatak na diam? i muanhuaina duam? chih Pu Lian Suantak in dotna thukup hon bawl hi.

Banah, Pu Hau Tunglut in khosakna hoihzaw leh nektak zonna hoihzaw i muh theihna din, lemna muanna leh gam neitu hihna poimoh dan hon gen a, i economy uh sustain na dia i gou-leh-gamte mah poimoh masapen ai diam? Land rights le i subject ah i guang lut thei diam? chi in Speaker Pu CT Lian kiang a dotna bawla, leitang pen nei phot himhim le chiin khin hi. Hiai thu ah, Pu CTLian in ‘eilawi, atamzawte, i tenna mun uah, si di lel hina pi in, i damsung ua neitu hihna i neih i kisak det pen uh, ei concept neuchik om maimai hilou hiam?, chi a, ‘mi innluah a i ten inle gam awng neng chikchik te ah haichi leh gan khoi theih’ ahihdan gen hi.

Pu John Thanlalsang, JNU in Speaker nihna Pu Muang Tunglut thugen behlapna in education system ah family poimoh dan gen a, education ah church in role poimohpi nei ahihdan gen hi. Huai banah, think tank, Bank A/C, UID/Aadhar poimoh dan le hon kum hi. Pu Muang in Catholic te school pansan in church role le hon explain a, thinktank toh kisai ahihleh, mi ngaihdan tuamtuam neite pi khawm a, hon pikaitu khat om leh chi hi. Bank A/C/Aadhar neilou kitam thu ah, a thei leh theilou kal kikhia lua ahihdan Pu CT Lian in atuahte hon kum hi.

A tawpna di in, Pu V Vumlunmang, IAS in MDC teng laka active mahmah Pu CT Lian toh academics lam a dinmun poimoh taktak nei te toh houlim khak a om theih kipahthu hon genlang masa hi. Inlam thu vai ah, midangte hih di houlimna tam mahmah a, ken bang ka hih theih a? chih lungsim put neih hun a sak dan gen hi. Banah, trust worthiness nei kawm in sincere tak leh honest taka i paikhawm theih leh, bangbang hiam hihtheih tampi om ding, a lamet thu gen hi. Investment toh kisai in, student i hihlai apan inle zakhat bek i nu/pa khak kik in i pan thei diam? alehkiklam khat bek pan phot le, chi hi. Huan ah, vai dawrkai hong pemlut te hong tam hiaihiai a awlmoh huai banah inlam a program banghiam om chianga school naupang lamkiang khong a VIP welcome dia ana dingte awlmoh huai pi ahih dan gen a, khopi a laizil ten laipek dal khat bek khong na gelh theih duam? chih siamsin laite thukhak hi.

Video Link = https://youtu.be/1FCdR3WSURU

Live Recorded Video Link = https://youtu.be/qTxl6R8MgSQ

- Media Partner - ZOGAM.COM

Source: ZOGAM.COM