Nautang Ngetna | Paite Siamsinte - JNU, New Delhi

Nautang Ngetna

 

Amasa in, mun chih a siamsin pihte leh Siamsinpawlpi vaipawte zahna chibai ka hon buk
masa uhi.

Paite minam ma sawnna ding a siamsinlaite kalsuanna leh heutute’n siamsinte mabang na
khualna uh leh, amaute a ding a tawl ngalou a anuam-ahaksa nana palte ziak un i nam leh gam sungah chiamteh tham masawnna tampi tak om ahih dan haih vual ahikei hi.

Hichi ahihlai in, tutung SSPP GHQ President ding kiteelna toh kisai a thubuai hong omte,

kou siamsinlai te’n le thu tampi kana sim kha sam uhi. Siamsinpawlpi i chih siamsinte sik leh tang a ding a pawlpi i neih uh ahi a, tulel a hiai bang thil tungte i Paite milip a ding a hoihlou
banah adiak a kou siamsinlaite hon het kha masapen leh melhemna chi khat suak ahih na ah poi kasa mahmah mai uhi.

Kou siamsinlaite a ding a lungsimdik toh tha-leh-zung tawlnga loua kalsuannate, thawn
mailoua gahsuah ngei ding ahi chih hanlung chiam in, siamsinte maban ding khualna toh, hiai
kiteelna thubuai, a pha thei lam-lam dia kalsuan a, hih vengpahtheih hileh chih ka deih mahmah mai uhi.

Hiai toh kisaikha abiik in siamsin kuapeuhmah kiang ah leh SSPP GHQ vaipawte kiangah
lametna lianpi toh nautang ngetna, kou siamsinte’n, ka hon bawl uhi.

Siamsinpawlpi khan lumsuang bang tou hen!

Paite Siamsinte,
Jawaharlal Nehru University,
New Delhi.