SINTUNG BU (Paite Laithak) by Nengzachin Honna om.

"SINTUNG BU (Paite Laithak) by Nengzachin" Honna om.

Lamka, 24 June 2018: Paite Organization for Literary Research and Development (POLRD) in a suahsawn (reprint) Sintung bu honna tuni in YPA GHQ Hall, Hiangtam Lamka ah Pu Capt V. Dongzathang IRS (Retd) in honkhiakna nei hi. Pastor V Haupi, EBCC, New Lane in Pathian kiangah latna nei hi.



Singtung Bu copyright neitu Pu
Thuamzapau Hangzo in a genna ah hiai laimal 24te zatlouh a mangthang mai ding ngaingam lou a, i laimal te uh kepbita ahihpeuh mah leh chi in hiai Singtung Bu reprint ding phalna POLRD ana pia ahih dan leng gen a, POLRD indongta kiang ah kipahthu gen hi.

A paisa 20 June 2018 ni in hiai Sintung Bu toh kisai Paite Literature Society (PLS) in public announcement ana suah uh hi. PLS gen dan in hiai Sintung Bu kisuahthak pen a saitu POLRD ten Pu Nengzachin khutsuak thaisia ahi uh chi in ngohna bawl ua; mipi, saptuam leh Paite sung a pawl tuamtuamte'n pompihlou/theihpihlou ding in ngetna bawl uh hi. Hiai toh kiton in Siamsinpawlpi GHQ in leng hiai laibu honna pompihlou ahih dan suah uhi.

Hichi bang thu kawmkal ah buaina omhetlou in Sintung Bu mipi tampi mai ah hon khiak in om a, mipi lak a thawn in hawm khiak in om hi.



@Zogam.com