3rd TheSTMT™ TShirt Music Edition Honna 2009

2009 March 26 ni in, JNU Music Room, Tefla, tung ah, TheSingtangmite™ TShirt Music Edition, Pu K Thangpi in Chief Guest hihna toh hong uap in a honna hong neisak hi. Hiai hun ah TheSTMT™ TShirt leng deihsakna toh amah kipe ngal hi. Amah, Chiefguest Pu K Thangpi in thu manpha tak in hon muap a, kipahna lian mahmah hi.

Hiai TShirt pen a TheSTMT™ TShirt bawl a thum (3) na ahi a, '3rd TheSTMT TShirt 'Music Edition'' leng kichi hi. A vom rong, a mailam ah Mu kha zak in Music Instrument Guitar, Drumset te op khum a, a nunglam ah, TheSTMT™ BUK pen, neu kilawm huntawk in, a tunglam naih a koih in om hi. Singtangmite i hih ua leh mi lunglen thei, lawm le vual ngai a la, tum ging chi tuamtuam leh zangta lam khong a, kipawllim sek te  i hihdan uh etsakna ahi.

Hondomsang! Toupa Ei Din Hoih na e.

Limlak Kimzaw Hiai nuai ah:

2nd TheSTMT™ TShirt BUK Edition Honna 2008

2008 May 8 ni in TheSingtangmite™ or 2nd TheSTMT™ TShirt BUK Edition bawlkhiat in om nawn hi. JNU Parthasarthy Rock (PSR Rock) mun ah Pu K Thangzalun in Chief Guest hihna toh a honna nei hi. Chiefguest sap dan ngeina banglou tak in TheSTMT™ TShirt khat leng Chiefguestpu a thawn in kilehpiak hi. Hiai ni in leng Model fuh taktak ten a lahna nei nawn get uh.

2nd TheSTMT™ TShirt BUK Edition pen, a VOM (Black) rong, a malam ah BUK lem leh a nunglam ah a san-eng rongin 'the singtangmite' chih kigelh hi.A nunglam a 'the singtangmite' chih kigelh nuai ah phonetic, Pauchinhau, Chinese, Japanese, Korean, Russian leh Thai laimal in 'the singtangmite' chih TheSTMT paudang zilte khutsuak in kigelh ahi.

A honni in Copy 100 hawmkhiat ngal hi a, a nitak in bei ngal hi. Vaite nasan apan demand a om ziak in, bawlbeh thakthak in om a, tuni tan in Copy 300 bawlkhiat in omta mahleh, hon kan kha zeuhzeuh omlai ahihdan, a silhkha te apan zak ahi. Maban ah, bawlbeh ding toh kisai Pres, Director leh Cabinette khut ah om tadih hi.

Hiaini a Limlaakte anuai ah en in...

TheSTMT™ TShirt Premiere Edition Honna 2007

2007 May 6 ni in TheSingtangmite™ or TheSTMT™ TShirt Premiere Edition, Unp John Hanghal panlakna toh bawlkhiat in om a, JNU Sports Stadium Unp Biakthang Suantak in a honna nei. Model fuh taktak ten a lahna nei ngal uhi.

Hiai TShirt a Ngou (White) rong, a malam ah Blue Block neuchik sung ah 'the singtangmite' chih kigelh a, a nunglam ah a vom liandeuh in 'the singtangmite' chih kigelh hi. Copy 130 lam zuak khiat hi a, a deih lai om mah le uh, tuni tan in bawlbeh ahinawn kei. Poi mahmah.

Hiaini a Limlaakte a nuai ah en in..

Delhi Siamsinpawlpi Jt Headquarters in Silver Jubilee '25 Years of Siamsin' lawm - Thangkhanlal Ngaihte

Source: Tongluang | Noukha, 2005 (November 2005)

Brief History of SSPP Delhi Since 1981 | 25 Years of Siamsin

[Note: Siamsinpawlpi (SSPP) Joint Headquarters in October 11, 2005 ni in Sai Auditorium, Lodhi Road, New Delhi ah Delhi a Siamsinpawlpi om kum 25 chinna '25 Years of SIAMSIN' chi in ana lawm in om hi. Kum 25 paisa a SSPP Delhi khangthu tamlou hiai a nuai a bang tamlou kaihkhop in om thei hi.]

SIAMSINPAWLPI JOINT HEADQUARTERS: NEW DELHI

N-362, Sector - VIII, R.K.Puram, New Delhi - 110 022

Siamsinpawlpi Delhi a kipat tung a kipan a tuni tanpha a honpii i Biak Pathian min i phat a, kum hiai zah a phak theihna dia phatuamngai taka abul ana pan tute, i pawlpi adia ana pang gige te leh i heutu masa te zahna lianpi i pia hi.

1980 malam pek a kipan in Delhi ah eimi siamsin leh sepna nei i na om tham ta uhi. Himahleh pawlpi min a kipawl khawmna leh sep-le-bawl bangmah na om ngeilo a, 1981 in All Zomi Students’ Association (ALZOSA) ana pan khia ua, ALZOSA min zangin kipawl khawmna ana nei zel uhi. Huchi kawm karah ALZOSA kipat kimvel mah 1981 in Pu Khupchinpau Guite in phatuamngai takin SSPP Membership fee ana khon in pan ana la to ngitnget hi. Huaiziakin SSPP min a membership fee i khon pat ua kipan a  Delhi a SSPP omta ahi chihna ahihmanin 1981 a kipan i sim leh tukum a kum 25 na leh 25th Annual meet/Conference zang thei dek ta i hi.

Tanchin: REV. DR. GOUZAKAP HATLANG @ G Hatlang March 15, 1942 - August 20, 1998

CHAPTER TWO 

EBC RETIRED PASTORS & PAIMASATE 

REV. DR. GOUZAKAP HATLANG 

March 15,1942-August 20, 1998. 

1. PIAN LEH PHUNG: Pa Kham-Ai Hatlang leh Nu Ngaivung-te nupa apan Pathian thilpiak, gil a gah goutan a thumna ding in Kaihlam khua ah March 15, 1942 in piang hi. Unau pasal 4 leh numei 4 ahi ua, pasal-a upa pen Nunzakhai himahleh kum 2 vel a phak a hon omlouh san ziak in pasal-a upapen hihna amah tung tukha hi. Apa Pa Kham-Ai ahihleh innsung haksatna ziak in kha 1 kia school kai man mahleh mi lungpi khual mahmah, maban ding saupi geelthei (muhkholhna nei) ahih ziak in laizil poimoh dan thei hi. Huaiziak in singtaang a omsawt hoih salou in 1947 in Kaihlam apan Mission Compound ah a pa'n pem pih in Carpentry, meithal/thau bawl (gunsmith), Mission Guardian (kha 1 a Rs 24/- loh in) leh press ah compositor sem kawm in innkuan vaak hi. 

2. BAPTISTNA LEH INNKUAN: 1964 kum in baptistma tang a, May 17, 1968 in Upa Vumzatun Hangzou tanu upapen Niankhoching toh saptuam dan in TE Paul Memorial Church, Mission Compound ah Pastor Rev H Nengzachin khut ah kiteeng uhi. Anupa un Pathian vualzawlna gil a gah goutan tapa 4 leh tanu 3 nei ua, amaute:  

JNU Centre Manipur Foundation Stone