LAMKA, July 05 : Rayburn College in Manipur university ah affiliation ngah mah le uh, huai pen permanent hilou ahihna ah, permanent affiliation ngah na ding in Manipur University lam ah application theh lut thak uhi.
Hiai bang a Rayburn College in application a theh lut uh dungzui in tusun dak 12:00 in Manipur University a pan official 3, Prof. N. Deva Singh, Head of Department, Geography; Dr. MC Arun, Specialist in Anthropology leh Dr. I. Gambhir Singh, Specialist in sociology ten Rayburn college hongpha uhi. MU apan official hongpai ten,
Rayburn College a student omzah, faculty omzah leh college building toh kisai hoihtak a etkhiakna nei hong nei ua, permanent affiliation hih theihna ding in chin tak tak na u hiam cih et chet na hongnei uhi.
Huai ban ah, Rayburn College in Geography, English, Sociology leh Commerce Stream a honours subject lak theihna ding in leng application a na theh lut ua, huai dungzui in, tuni a MU apan a official hongpai ten, hiai subject tuamtuam a honours subject piak theih tak tak ding hiam chih etkhiak na tanpha leng hongnei ngal uhi.
Source: lamka.net
No comments:
Post a Comment