Siamsin laizom JNU a om bangzah hiamte Korea a summer suti hunsung exposure va neitheite toh SB Editorial Board in 24/7 Dhaba, JNU ah houlim khawmna kinei a, huai a houlimna tangpite siamsin member tamzawte simtheih ding in hiai ah hong kiluikhia hi. Mailam hun ah leng hiaibang hamphatna tamsem siamsinte’n tangthei zel di’n hanchiam ni.
Bangchidan a Korea va zin..
Korea ka va zin khakna uh ahihleh JNU a ka Korean teacher nu uh tungtawn ahi. DFC (Disciples for Christ) kichi Korea sung a university-te a campus ministry hih ahi ua, ka teacher uh leng huaite toh kizom ahihziak in, huaite hon sponsorna nuai a va zin thei ka hi uh.
May 22 apat July 5 tan, kal 6 vel ka va om uh. A va zin teng mi 6 ka hi ua, eimi 3 (Langkhankhup Ngaihte, Vungkhanlal Kullai, Chiinngaihmuan), Naga-te 2 leh Vaite 1.
Amun a hun bang va chi zat...
Amun ah ahihleh DFC chi a kipawlkhawm, university student-te toh fellowship khawng ka va neikhawm zel uh. Huchi lou, hun awl in mun thupi leh minthang tuamtuam khawng ah hon hohpih ua, Korean food lim taktakte hon nekpih zel uh. DFC-te ahihleh Korea khopi teng phial a om ahihna uah, kou le huaite hon veh kual sak ua, ka om sung un mun 10 khawng ah ka zinkual man uh. Kou leng India ai-oh a va zin ka hihna uah, fellowship tuamtuamte, Pathianni kikhopna te a ‘Korean, Hindi leh English’ laa khawng ka va sa zelzel uh.
Na va muhdan uh tamlou..
Amasa pen in Korean Christian-te a `khami’ un, Pathian a it mahmah uh. Kou ka va kithuahpih khakte ahih uleh, zingkal teng in dak 8 in a university uah a kimukhawm ua, phatna laa sa in, quiet-time leh thumna nei in class la di’n a kikhen zel uh.
A gam uh a kem siangthou zou mahmah uh. A kuhkal mahmah ua, a gam uh a it un a kisaktheihpih mahmah uh. Ui neite’n le kholak a ui a tonpih uleh, a ui ek thakna munmun a tom siang maidan uh ahi. Kholak, park hi’n restaurant, hotel hitaleh, mahni nekna kihep chiat uhi.
Maban ah le hichibang om zel didan hia, bang dinmun a?
Tutung a kava hohna san deuh uh, `Summer Conference’ kum teng a om ahihziak in, maban ah leng hichibang om zel lam-ethuai.
Manpha na sa uhia? Bangziak?
Manpha ka sa lo petmah uh. Kou Korean language zil ka hihna ua, a gam mahmah a ka va muh, zak leh experience un tampi hon zil sak. Huai ban ah, honna vaidawntute siamna zar in Korea a mun thupi teng bang ah ka va hoh kha ua, ann lim teng bang ka va nekha uhi. Ban ah, ka om sung un ka zinkual nakluat ziak un a Korea-te tamzaw sang mah inle Korea mun tam ka phakha zaw uh. Hiai teng kia hilou, Korea a University student dangte toh biakna va neikhawm, va thumkhawm, phatna laate va sakhawm leh Pathian min a hun va zangkhawm ka hihna uah, hiaikan a manpha om lou ding ka chi hial uh.
Source: Siamsin Bulletin | July15, 2012
Houlimna laktom....
Bangchidan a Korea va zin..
Korea ka va zin khakna uh ahihleh JNU a ka Korean teacher nu uh tungtawn ahi. DFC (Disciples for Christ) kichi Korea sung a university-te a campus ministry hih ahi ua, ka teacher uh leng huaite toh kizom ahihziak in, huaite hon sponsorna nuai a va zin thei ka hi uh.
May 22 apat July 5 tan, kal 6 vel ka va om uh. A va zin teng mi 6 ka hi ua, eimi 3 (Langkhankhup Ngaihte, Vungkhanlal Kullai, Chiinngaihmuan), Naga-te 2 leh Vaite 1.
Amun a hun bang va chi zat...
Na va muhdan uh tamlou..
Amasa pen in Korean Christian-te a `khami’ un, Pathian a it mahmah uh. Kou ka va kithuahpih khakte ahih uleh, zingkal teng in dak 8 in a university uah a kimukhawm ua, phatna laa sa in, quiet-time leh thumna nei in class la di’n a kikhen zel uh.
A gam uh a kem siangthou zou mahmah uh. A kuhkal mahmah ua, a gam uh a it un a kisaktheihpih mahmah uh. Ui neite’n le kholak a ui a tonpih uleh, a ui ek thakna munmun a tom siang maidan uh ahi. Kholak, park hi’n restaurant, hotel hitaleh, mahni nekna kihep chiat uhi.
Maban ah le hichibang om zel didan hia, bang dinmun a?
Tutung a kava hohna san deuh uh, `Summer Conference’ kum teng a om ahihziak in, maban ah leng hichibang om zel lam-ethuai.
Manpha na sa uhia? Bangziak?
Manpha ka sa lo petmah uh. Kou Korean language zil ka hihna ua, a gam mahmah a ka va muh, zak leh experience un tampi hon zil sak. Huai ban ah, honna vaidawntute siamna zar in Korea a mun thupi teng bang ah ka va hoh kha ua, ann lim teng bang ka va nekha uhi. Ban ah, ka om sung un ka zinkual nakluat ziak un a Korea-te tamzaw sang mah inle Korea mun tam ka phakha zaw uh. Hiai teng kia hilou, Korea a University student dangte toh biakna va neikhawm, va thumkhawm, phatna laate va sakhawm leh Pathian min a hun va zangkhawm ka hihna uah, hiaikan a manpha om lou ding ka chi hial uh.
Source: Siamsin Bulletin | July15, 2012
No comments:
Post a Comment