Social Welfare Department in “Baseline and need assessment survey of children in Mizoram” chih thupi zanga survey aneih na ah nam tuamtuam ziah na di om a, ahihziakin Paite chih omlou ahi chih SSPP in akitheih in poikisa a, ma kila ngal hi.
Hiai toh kisai in ah nisim 4th July,2012 ni in Deputy Director vakimu a, huai ah a survey sheet ah Paite omlou chih ava kigen a, himahleh deih banga dawn na lungtun huai akizak louh ziak in nitak in emergency meeting neih ngal ahi hi. Hiai meeting ah malak didan genkhawm na leh bangchi sai di a hia chih genkhawm na kinei hi. A zingchiang in ah Director, Social Welfare Dept. va kimuhpih ahi a, aman a gen na ah Secretary, Social Welfare Dept. makaihna a survey kibawl ahih dan on gen a.
Huaiziak in 13th July,2012 in Secretary nu vakimuhpih nawn ahi. Aman a gen na ah Deputy Director malak na nuai a kisai ahih dan on gen nawn a, huaiziak in Minister i neih tuamtuam te leh a concern minister leh chief Secretary mu din ah New Secretariat, Khatla ah va ki hawh suk hi.Pu Vanhela Pachuau, Chief Secretary, Mizoram va kimu a, aman hoihtak in ana houlimpih bakah Social Welfare Dept te kiang ah Paite chih koih di ahi chih on ziahsak hi. Huai lehkha Social Welfare Dept. ah vaki thehlut nawn a. Tu in bang chin ma on la di ua chih ngak ahilel hi.
Hiai news sut ahih nunga survey sheet bawlthak louh a neih a o mi theihkhak leh SSPP heutute kiang ah on theisak din ikingen ngal uhi. Malakna a on panpih tuamtuam te tungah kipah thu igen ua, a hong lohching touh ngei leng i beisei uhi.
Ma on lakpih bakah tai a poimoh na a on taipih gige Pu G.Ngulzathuam leh Pu PH Vanlalmuan te tung ah kipah na lian mahmah hi. Pawlpi it leh ngaina mi; pawlpi a dia ma la ut leh panpih ut i om leh chiklai peuh in aki welcome gige ahi chi ikitheihsak uhi.
Source: Siamsin News | 15, July, 2012
Hiai toh kisai in ah nisim 4th July,2012 ni in Deputy Director vakimu a, huai ah a survey sheet ah Paite omlou chih ava kigen a, himahleh deih banga dawn na lungtun huai akizak louh ziak in nitak in emergency meeting neih ngal ahi hi. Hiai meeting ah malak didan genkhawm na leh bangchi sai di a hia chih genkhawm na kinei hi. A zingchiang in ah Director, Social Welfare Dept. va kimuhpih ahi a, aman a gen na ah Secretary, Social Welfare Dept. makaihna a survey kibawl ahih dan on gen a.
Huaiziak in 13th July,2012 in Secretary nu vakimuhpih nawn ahi. Aman a gen na ah Deputy Director malak na nuai a kisai ahih dan on gen nawn a, huaiziak in Minister i neih tuamtuam te leh a concern minister leh chief Secretary mu din ah New Secretariat, Khatla ah va ki hawh suk hi.Pu Vanhela Pachuau, Chief Secretary, Mizoram va kimu a, aman hoihtak in ana houlimpih bakah Social Welfare Dept te kiang ah Paite chih koih di ahi chih on ziahsak hi. Huai lehkha Social Welfare Dept. ah vaki thehlut nawn a. Tu in bang chin ma on la di ua chih ngak ahilel hi.
Hiai news sut ahih nunga survey sheet bawlthak louh a neih a o mi theihkhak leh SSPP heutute kiang ah on theisak din ikingen ngal uhi. Malakna a on panpih tuamtuam te tungah kipah thu igen ua, a hong lohching touh ngei leng i beisei uhi.
Ma on lakpih bakah tai a poimoh na a on taipih gige Pu G.Ngulzathuam leh Pu PH Vanlalmuan te tung ah kipah na lian mahmah hi. Pawlpi it leh ngaina mi; pawlpi a dia ma la ut leh panpih ut i om leh chiklai peuh in aki welcome gige ahi chi ikitheihsak uhi.
Source: Siamsin News | 15, July, 2012
No comments:
Post a Comment