JNU A ASST. PROFESSOR MUTHAK MERCY VUNGTHIANMUANG TOH HOULIMNA

BIO – DATA

1. Name                                     : Mercy Vungthianmuang
2. Date of birth                           : 09th July
3. Parents                                   : (L) ThangkhanpauGuite / (L) Mrs. PauneihoiGuite
4. Marital status                          : Married
5. Husband’s name                     : Mr.LambensonGuite
6. Kids name                              : (Baby) Niangthianhoih (just 3 weeks old)


7. Academic qualification :

                                               High School (10^th) – Holy Child Auxilium – 1^stDiv (CBSE)

                                               Higher Secondary (12^th) – Holy Child Auxilium – 1^stDiv (CBSE)

                                               Graduation – JNU (B.A. in German)

                                               Post Graduation – JNU (M.A. in German)

                                               M.phil – JNU

                                               Ph.D – JNU

1.      Topic of M.phil & Ph.D:

M.phil – “ DieDarstellung der tamilischen Gesellschaft im 18. Jalerhundert bei Christoph Samuel John and Bartholomaus Zeigenbalg – imVergleichende Studie”.

              Ph.D – “Haiti in der deutschen Literatur – im post koloniale studie”.

2.      Scholarships:   Rajiv Gandhi SC/ST Scholarship – 2007

                         UGC/JRF – 2008

                         DAAD Scholarship 2009

                         MARBACH Scholarship 2011

3.      Publication :

a)      “DIE DOKTORANDIN DER NASEN”, Campuls Das Hochschulmagazin von seezeit winter, 09/10.

b)      “Tribals of Nothern India 6”, IGNOU – MSWE 042 (Tribal In India); IGNOU Booklet.

c)      “ Tribals of South India 1”, IGNOU – MSWE 042 (Tribal In India); IGNOU Booklet.

4.      Teaching Experiences:

a)      CVS (College of Vocational Studies, DU)

b)      IIFT (Indian Institute of Foreign Trade)

c)      JNU Guest Lecturer (2 years)

5.      Affiliations (if any):

a)      SSPP (member)

b)      For Visually Challenged (Equal Opportunity Cell)

c)      Remedial Courses (SL/JNU)

6.      Life’s Philosophy:

a)      Kisil di , b) Kikhop di, c) Laisim di 

1. Tua na sepna muh kha bang post a, bang na chi muh a?

Ka sepna muh a post ahih leh Assistant Professor in German ahi a, a post kha 2011 november a hong ki advertise inchin, interview kha 12th july a va pia, kalkhat nung a ka mu ahi chih hon confirm pah uh.

2. Tua na sepna muh grade pay/pay band bang zah a?

Grade Pay ka theih khelh ahih kei leh Rs 6000 ahi, Pay band- 3.

3.   Zilna a sang toh ki ton in loh lam ah aki khiat na a om hia?

Hi. M.phil I zoh a leh increment nih (2), Ph.D zou hi le increment 4, starting MA zou NET nei a sem te pay kha normal.

4.  Tua hiai na sepna muh toh ki sai in retirement age criyrtion, hamphat na government in hon piak te bang2 khong ahi thei dia?

Pension lam toh kisai in pension scheme thak khat om a, a detail a hon hilh nailouh ziakun ken le tutak in chu ka gen thei kei a, Pension kum ahihleh 65 years ahi.

5. Tua hiai sepna na muh pen kha JNU ah mu hi sese lou hi lete, university dang e.g DU, EFL etc te ah mu din naki gingta hia?

JNU advertisement zoh kha nih nung in DU ah SC/ST post foreign language (Spanish, French, German) te adi abik takin a hong kihong a. I qualification pen achin nak a, amau qualification deihbang chinna nei ihih nak aleh chu, apply gige theih, muh leh muh louh pen chu interview ah kinga ahi. I va pehoih hiam ah, amau a hon deih uh hiam ah, chih hizel.

6. Hiai sepna va muh chet na di’n ah I qualification poimoh zaw nasa hia ahih kei leh interview na a I inter personal skill or interviewer-te I va impress zoh na? Etsakna a, ei sang a qualification hoih nei zaw bang om mai thei hilehle interview na chet ah difference a om thei diam?

Hiai kha a dawng a haksa, ka chih ziak chu university a tuam dungzui a a selection procedure tuam in chin, JNU ichih chia BA  a pat ka sim na sa, kum 2 guest lecturer a i sep na sa hinchin, i heutu te’n le I na sep dan , I lai sim dan, I grades khawng le ana thei vek uh, huai in kha hon panpih mahmah kasa a, interview ahih leh university rule dungzui a 20 % chauh ahi a, a dang teng kha work performance, leh I qualification leh, I zirlai a I grade-te a kinga ahi. JNU te’n chu kei muh dan in I work pen a en petmah uh, teach thei d hia, siam taktak na hia. Interview pen 20% chih ziak a tawm ahi tuan kei a, huai interview na ah va impress zou kei le hon la tuan lou di ahih ziak un a nih in a poimoh.

7. Campus life na tuah leh na theih sa ahih chiang in ah, campus life ei context ah student-te a di’n hoih na sa hia ahih kei leh huchi zaw deuh leh chih na nei hia?

Kei ngaih dan in chu maw “to each his own” ka chi,  mihing dai kikaih theih louh ahih ziak in, lai sim un chi’a a hilh tu dia kha I nu leh I pa ahihkeileh I sanggamte ana om. Hilehle JNU muh kia a hun sak louh di, I muh kia a thupi na hilou, huai I muh khit a kuate a ka el? chih theih a, banga ka tup?, hiai ka zoh a bang a ka hih di?, chih I lungsim ah koih gige le ki lam zang mai. Enjoyment chu student I hihna a kha a lou theilou, huaizoh balancing kha poimoh petmah kasa. Eilawi kha nuam I sak vanglak chiang ua nuam ki sa lua zoizoi inchin nengchik balance out theileng kuamah a val di omlou, a siam thei ngen I hi uh.

8. Tulai kha ei Zomite lak ah Civil Service; IAS, IPS, IRS etc lamte nakpi takin gen in a om a, huai toh kisai in academics/academicians-te pen overlook khak sim a om in na thei hia ahih kei leh bang a ilak ua academician-te a poimoh na uh nang muh dan in?

Chiamnuih thutak a ka gensek mah banga, a sepna lam ah chu civil service kha India adia a top most job hinchin, hi lehle a top-most job-te laibu simdi kha academicians-te gelh ana hizel hinchin, huai kikal kha nou mau in ngaihtuah  zel le uh chin.

9. Tua na sepna muh pen kha nang lunglut na pen mah hia ahih kei leh sepna dang lunggulh zawk na nei hia?

Ka naupang a pat tua ka sepna muh mah ahi ka lunglut. A ziak chu numei a dia hoihpen chih hikei mah leh ki zen kasa pen. Azoh BA ka sim a pat le academics himhim ka lunglut a adang ngaihtuah in le kana nei khol kei. Tu’n ka lawhching a ka kipak, loh chinglou hi leng le pai touhtouh  a dau/ vang ngak a muhdi ahih lehle ngak di chi dan kahi.

10. Lohchinna or sepna hoih tak muh na di’n kuhkal na toh vang in bang role play in na thei? Bang a poimoh in na thei a nang mimal ngaih dan in?

Vang I chih chu mihing in I bawl theih le hilou, Pathian in a hon piak  ahih ziak in kuhkal na mah poimoh ka sa. Vang nei chih ziakin “A kei chu ka vang hoih lua” chi in insung ah sepna ngak le hithei mailou ahih ziakin kuhkal na mah ahi ka chi mai di. Aziak chu tu a German language, tua ka na muh na le a haksa lawi ana hi, a ziak chu let nung a midang pau zir aki hih ziak in, ki pang teitei inchin, haksa sa a I kah ni le om. Hiai tungtang ah ka hard work must have paid ka chi ut.

11. Language zir theih tampi om te lak ah German language kha na lunglut na ziak mah a nang na zir hia ahih kei leh option na piak te lak ah na muh khak ziak a na zir?

Tampi te’n I theih sa mah bang un, JNU BA entrance I piak chiang a subject choice 3 piak theih na om inchin, ka piak tung 2002 kum a kha language huchi tuk a thang nailou inchin hileh le a choice dan in 3 pia himhim ni, khat bek ah muh theih na di’n chia ka piak uh hinchin 1^st choice ah GERMAN ka koih a aban a FRANCE leh SPANISH. Huai ka 1^st choice mu. Huai hun lai a language kha a scope le ki thei tam law nailou, European language kha language dangte sanga a scope lian zaw himhim chih khong a mi advice I zak ziak a ana ki fillup himah leh kon zir BA 2^nd year tan kon zou khia kha kong lunglut deuhdeuh a, literature ah ka lunglut diak a, MA ah German literature kon la tou hi. Language a ka lunglut na ka Graduation nung a hong piang khia pan chih di ahi.

12. Lehkha na zir sungin lungkiat na na tuak kha hia? Huai na lungkiat na te na bang chi dou a?

Tuak kha tham. Ka gen sa mah bang a, eipau, English leh vaipau thu tuam hi leh midang pau let nung a ki zir, hak le haksa mah, 1^st year khawng a basic petmah kizir ahih chiangin a haksa lua ahi naikei a, 2^nd year a pat sim di hong tam deuhdeuh ban ah BA zir sung a optional, subject tuamtuam 8 zoh hong ngai. Huaite khawng haksa sa, hun ki daih louh chang le om himah leh ki pang teitei. Haksa I sak luatte I heutute hiam or I classmate a siam thei deuhte va dong mai in huchia ana ki pal tou. Pathian panpih na toh huai hong gah suah chih di ahi mai.

13. Na language zir toh kisai in gamdang na pha kha hia?

Hi ka pha kha ta. 2009 kum in Germany ah DAAD scholarship through a JNU German centre ah “a new passage to india” kichi scholarship khat om inchin, huai ah kum khat sung tel thei dia student  2 tel unchin, huai ah ka tel kha a, university ahih leh Germany a Constant kichi huai ah MA student te toh lai kava zir khawm ua, Ph.D  material le zong kawm in kava om a huchi lou a a nihvei kava zinna pen MARBACH scholarship kichi inchin, hiai pen kha , “Literature archive of DLA Marbach” te’n a hawm uh hinchin a siangsiang in genle hiai scholarship kha exclusive pet mah, only Ph.D student-te apply theih ahi a, ken le motivation letter khawng gelh in kava apply a, hun bangtan hiam nung in hon sam ua 3 weeks extensive summer school kichi ah kava tel hi.

14. Language toh ki sai in tulel dinmun ah bang scope om in na thei a huai ban ah language zir advantage leh disadvantage khat leh nih non gen thei diam?

Ken chu a disadvantage ka gen himhim kei dia maw (nui kawmin) advantage ngen om kasa, a ziak chu a scope lian deuhdeuh ahi chih ka theih khiak beh. India Govt in Central University tampi hong beh sawm ahih ziak in huaite ah kha sepna post tampi hong om di ahih ziakin, banah university omsate ah language hon introduce panpan ta uh ahi. Language zir a graduate te BA Hons. ahi ua amau te’n le graduate level khong a central government sepna om teng a apply thei thou ua, na language zir na siam leh UPSC khawng bang le na language zir a piak theih ahi a... a advantage gen di a tam lua a ahou pen in gen le mi sang a pau tam ki thei zaw chih di ahi mai.

15. Nang muh na tan in India sung a JNU leh University dang language zir theih na (eg DU) aki bat lou na bang ahia?

JNU te’n kha a pau lam pen a hah bawl kholkei ua, a gelh thoh, a grammar lam a hah bawl zaw ua, DU te a hih ua leh a pau lam a naal ua hi mah leh a literature lam ana bah deuh zel uh..hiai kha university tuak ah a pros and cons chih di ahi mai dia. DU students te kei experience na ah 2^nd year khong a JNU a hong lut chiang un literature leh a gam cultural history a thei tawm mahmah ua huai kha amau disadvantage hi zel, huai te toh JNU a akai sa te I teh chiang a JNU a te a speaking lam ana chau zaw zel uh, ana nal law khollou zel uh, huai kha JNU leh DU a te kibat louh na ahi.

16. Gamdang zin a kum 1 val khong va om khen khat te’n a lin thei sim ua, nang bang na chi? Laizir na lam ah india leh gamdang a pressure I chi hia or a laizir dan uh bang chi nasa a?

Keile zinthei di dinmun a ka om in ka lin gusim a, a mun va tungle bang kava chi de aw chih khawng ngaihtuah in ka lungsim le a thawmhau petmah.

A lai sim dan uh chu hiai lam, eimite sim dan toh teh in amau a hah sim pet mah uh chih ka gen ut, a ziak chu student te library ah tu den petmah uh ahi. Sawt lolou lunch break di unchin huchi lou kal te ah class khawng attend gige di unchin, class a neih louh kar ua library ah amau mimal a di leh a subject ua di le hi, books leh article khawng sim sim pet mah uh ahi chih kava thei khia.

17. Germany a va omkha nahih chiang in ah, German gammite tawndan etton tak nasak leh zuih dia na deih te na hon gen thei diam?

a)  A etton tak kasakte lak a khatna chuh HUN ZATDIK ahi. Bus khah dak 7:45 a hong pai di chi uh, en i pai tung a India te dan deuh a kha awlsam laak, ei bang chuh dak 8 khoh tung lenlaan, achihleh ana paikhin taktak ana hi maw a minute a, petmah aw punctuality achih chih uh zui petmah ahi uh maw chi, huaiziak a HUN A ZATDIK DAN uh etton tak mahmah uh ahi kachi. A hun zatsiam ziak ua Germany bangle  2^nd world war a abuai nung apat tuni tan nangawn a le a khantouhna (development) lam uh kin a kin ahi, tuni tan a la gam changkang a lohching pen pawl hilai ahi.

b) A etton tak kasakte lak ah nihna chuh SIANGTHOUNA ahi. Siangthou petmah uh. Amau a nin paihte khawng uhle chi thum (3) a khen unchin; PAPER van a tuam a, KITCHEN van a tuam a, PLASTIC van a tuam a paih uh. Hiaite hou bangna inchin huai a a Recycle tute adia ana phattuam zel ahi.

c) A etton tak kasak te lak ah thumna chuh ATTITUDE, mi foreigner te adia a attitude uh hoih petmah ki simmoh chih om hetlou, abanah POLITENESS (kam siamtaka mi houpih), huaizoh, lampi khawng ah mi i theihlouh hilehle “Hi” hon chi mai uh maw akituak khate adia. Adang le tampi omdi maw ei zuih theih hilehle hiai teng thum ahi diak di tua ka phawk lel.

18. Language ah further/advance studies hih theihna dia scholarship muhna ding in siamtungtuan ngai hia? Merit ah ki en hia? Average student khawng in le muhtheih thou hia?

Scholarship muhna tungtang chu centre dungzui a ateel dan uh tuamchiat inchin maw, hilehle merit in thu a puakna chuh, educational qualifications khawng a hon et chiang ua sapgamte adia le i grade uh - B (5.5) tan bek a tung ngai a, huaizah a tung louh chiah ei heutute adia le haksa sim maw. Merit ahi petmah zaw kasa.

19. German language zilte adi bik takin Scholarship bang kum apan khawngin bangchi dan in a apply theih? Bang advice na pethei a?

B.A. student-te 2^nd year ah summer course apply theih DAAD scholarship dan a pai inchin kha khat (1 month) / kha nih ( 2 month) kha language Germany ah va zil di uh. Huchi lou, M.A. apat chu scholarship dim himai. Kum nih (2 year) zilna dia chu DAAD office te contact theih, hilehle a centre (JNU German Centre) dan a chu hon offer law khol lou uh, JNU a hon offer te uh ahihleh M.Phil apat kum khat (1 year), kum nih (2 year), kha guk (six months), kha thum (3 months) pen material va collect nadi chihte khawng leh a tuamtuam om,FREIBURG, KONSTANZ, BERLIN leh WUPPERTAL University chite khawng , scholarship a tuamtuam tampi om in maban le saupi tungtheih ahi hoih tak a i pan touh nak aleh maw.

20. Language student-te private company ah sep toh kisai bang ngaihdan na nei a? Advisable nasa hia?

Kei personal life akipat ka hon dawng ding a aziakchuh a hoih sa leh sa lou le omdi. Kenle B.A. ka zoh in M.A. ka zil lai in, AMERICAN EXPRESS ah German Language team member chih dan kava sem a, language i theih leh chuh a scope hoih lotel, pai toutou di, sang toutou di ahimai a. Kha guk (6 months) khawng kon sep nung a mimal tak a ka muhkhiat chu, hi mahmah lou, academics mah ka lunglut ka hon chih tak a, a sepna (job) pen taisan, huaikha ka M.A. pen hoih tak a sim tuntun mai. Ahihziaka a khenkhatte adia chu Graduation (B.A.) i zoh ahihkeileh Post Graduation (M.A.) i zoh hiam a join taak leh le hoih lawtel maw, aziakchuh foreign language zilte adia private company a sep pen a scope tampite lak ah khat ahihchiah maw. Hilehle academics khawng a lunglut te adia chuh sim tuntun petmah himai.  Ahi a hiai zaw mahni tungah kinga ahi.

21. Language student te septheih, language lalou student-te septheih louh natheih theih bang ahi?

Translation chu a khatna, a nihna ah Interpretation, hiai IB khawng ah gazetted post khat interpreter lakna dia kihong zel, huchilou a chuh a  foreign language in the particular language chi dan a company te’n a hon lak chiang ua advantage om inchin. Embassy ah le sepna mu pahpah khollou uh hilehle amu vanglak te’n kha hoih taktak a lawh (pay) unchin a language mah a le paipih uh. Huchimah banga German pau toh kisai chouh hon gen leng, Max Mueller Bhavan (Delhi) kha German embassy toh collaboration hinchin huai ah le septheih tuamtuam om language ziaka. Ama a i gensa mah bangin ah UPSC bang ah le European language toh Chinese language ah mains khawng optional a piak theih ahi, hiai te khawng ahi di foreign language zilte i advantage diak na uh.

22. Foreign language zil ziak a general awareness (Sociology, Pol. Science,etc,etc) for all round development pen ki lack deuh hi in na thei hia?

Kei individual approach ah chu lack lua a kakitheih louh ziak ahihleh B.A. apat optional course hon hawm ua kha ka choice ahihleh Sociology, Pol.science, English, chih khawng ana hi inchin huaiziak a lack lua a ana kithei lou, aziakchu ei adia hon phattuampih thei thei khah optional choice adia lakdi himai, tun ah optional choice hon kipia te language course ate kha Arabic or Sanskrit khawng i va lak chianga khah a grade hoih taktak hon petawk le uh le maban adia phatuamlou maw, hiai apat kha conscious decision kana bawl ziak ahidi general awareness khawng lack lua in kaki thei kei. Huchi pi a optional i na lak kei tak leh le newspaper om, thil tuamtuam le simkawm theih ahi.

23. M.Phil degree bang ana ngahta nahi a, na research paper pen a tomkim in banglam toh kisai khawng a chih na hon hilh thei diam?

Kei ka lunglut na area ahihleh sociology toh kisai sim le ahi a REPRESENTATION chih thu ahi. M.A. apat literature ka hon sim kha identity crisis, ei singtangmi’n I neih mahmah uh kha ki pawkhia in hiai kha kei subject a bangchi dan a applicable ding adiam chih ka hon sui touhtouh chia’ a language toh kituak dia hon hih, huaidia kha missionary-te hon zongkhia course khat German Indian Encounter  kichi honzil, tua course kon zil touhtouh leh 1^st protestant missionary kha German-te ana hi uh huaikha South India ah hon sawl uh, huaite’n kha India mite omdan, chindaan, Hinduism a zuih dan uh, a sa nek dan uh, a bang chiteng kha travel report ah hon gelhta uh, Europe ah hon sawl uh, kisimmoh na toh gelhsim lah om chihdan deuh, a sappau in a thesis min ka hon geen phot di hileh chiang maidi: “The Representation of the Tamilian society in the 18^th century by two missionaries: Bartholomӓus Ziegenbalg and Christoph Samuel John, a comparative study”. Ka topic a lungluut huai kasak na mah mah chuh, Bartholomӓus Ziegenbalg pen kha a first missionary hinchin, huaipan chuh Christian taktak dan a India mite le va thuhilh mah, Christianity hiai ahi, Jesu Khrist chihdan khawng va hilh mah, a chiindan di uh le hilh, a zuih dan di uh le hilh, simmoh mit a enlou, hilehle, 18^th century pen Europe gamah Enlightenment age a hong hih tak a, later 18^th century  a 2^nd missionary pa Christoph Samuel Jones hongpai nawnta, achihleh tua missionary pa’n kha eurocentrism kha hon neita, 2^nd missionary pa report amasa pen pa toh ki a kikhia, simmoh mit a hon en in diklou ahi, European-te education system toh society dan a khah India mite le aki puak di uh ahi, ei zuih mah dik ahi chihdan deuh a hon gelhta, hiai missionary nihte report piak a comparative study ahi ka M.Phil kha, a lunglut huai sa petmah ing a ka gelh ahi.

24. Chihleh tu dinmun et in, eimi language zil le omzek hiven, research bang hon hih tou le uh chih na deihsak hia? Bang lampang ah?

Language ah a choice kha literature toh translation om inchin maw, B.A. khit chiang a kha khat zawkzawk tel theih, literature a tel uh hia or translation a tel uh, huai chuh amau lunglut na a hong hita dia maw. Deihsak lam gen in chu kenle research mah ka deihsak, bangchia chihdi a ei i sungkuan khosakna haksa lua ahih keinak leh, research mah tum le aziakchuh ei kia tangkhat huai kisak a omzel maw khenchiang a, ei i zomipihte i nung hon zuithei di khatbek omleh kichi law mahmah aziakchuh vaite lak ah abul apat ki om kha ei kia le kihi ut nawnlou, ki hasuan ut. Tua eimi student thum (3) ka neihte le siamthei petmah uh, amaule hoihtakin research work hon sunzom thei le uh chih ka encourage petmah ahi. Adang private work penchu amau thuthu hita, a family, personal life leh amau personal choice hita.

25. Foreign language JNU a subject ki offer ahihziak a kha, foreign language lak di leh lak louh di toh kisai mi khawngin a hong dot mawk chiang ua kha bangchi dawn hoih nasa?

Amau tup leh ngiim ah kinga petmah inchin, nidanglai khawng a le hon dong kha le om uh, hon dot chiangua; Bang lunglut nahi ua? Foreign language a B.A zoh mai hia ahihkeileh maban sunzom ut hia research lamah? i chih chiang a, B.A. zoukhe phot himhim le a hon chih chiang ua chuh, foreign language ah a B.A. chauh le zohkhiak haksa phialphial hia hoihtak a isim kei aleh. A zildi te khut ah kinga kasa amau lunglut na toh, huaizoh, ei zomite’n kha language I muhdan uh kha foreign language hitop; a JNU environment toh i hon et chiang a foreign language kia hong hi nawnlou, literature, culture leh a bangbang le kisim vek, DU a B.A. (H) subject dang a toh hong kibanglou lota ahihchianga hiai pentak a theihsiam uh poimoh kasa mahmah. Kei zillai ale, bang foreign language? Hiai German khawng bang ihih tadi ua?chihbang. Lungkiat huai la bang, hilehle i sim touh touh leh ei B.A. dang hihte sanga kiniam tuanlou chih dan ahi.

26. Tulai khovel ah itna taktak omlai hi in na thei hia?

A om a hilou di hiai tan ka tung. Tua ka pasal U Ben in hon it ziak ahi kachi ngam. Hiai kha chiamnuih thutak abang na a JNU kailai khawng a le lawmta dan a kipolh lai a le kei caliber/potential ana theih pih inchin hon support petmah. Ka lungkiat dek chianga le “pangtou in hihthei di nahi”, hon chi toutou (ka khasiat tha suak dek … sob… sob… so ...) honna support petmah …. Itna taktak zo om ahidi …

27. A zir laite leh maban a azir dite thu khah nop nanei hia?

Hi…lungkia het lou in pang le I hih theih louh uh omlou ahi..ei zomi te le ki siam thei pet mah ahi. Dankeschon (thank you)..!