INSPECTION OF ARRANGEMENTS AND CONDUCT OF CIVIL SERVICES (P) EXAM, 2011 – AT IMPHAL CENTRE!

~ Upa Chinsum Naulak

UPSC nuai a kum tenga examination 14 vel sai a om lakah Civil Services Examination (CSE) pen India gambup adia ‘examination ngaihsan(huai)pen ahi’ i ci thei kha diing. CSE tungtawn in Phualpi solkar a Ministry/ Department tuamtuam a sepna, h.t. IAS (DoP&T nuai ah), IFS (MEA), IPS (MHA); leh Group ‘A’ & Group ‘B’ central service kigawm 24 vel a kam-awng omte hutu di mi felpen leh siampente zonna neih sek ahi. 

CSE, 2011 ‘Prelim Exam’ June 12, 2011 (Nipini), India gambup huam, centre 45 a neih di Commission in lemsa hi. Non-Delhi Centre a kuankhe diing Inspecting Officer (I.O.) te Shri R.K. Gupta, IAS (Addl Secy & Controller of Exam), UPSC in 31.05.2011 nitaklam in UPSC MP Hall ah briefing meeting hon neihpih. Nuam. 2007, 2008, 2009 & 2010 CS(P) Exam hunte DELHI Centre huam sung centre khat tei a I.O. tavuan tangtou thei zel pa tutung CSP, 2011 “IMPHAL Centre” tangkha, kipahsim in om hi. I.O. naa bel Test Booklets (Question Papers) leh adg.dg. examna adia poimawh kikhakkhete a tungkimna hiam, a tunkim leh feltak & bittak in kep ahi-na hiam huan, Examination Centre COORDINATOR, Asst Coordinator leh anuaisawn ua seem (Subcentre) Supervisor leh Asst. Supervisor te’n examination sai a omdek tawh kisai arrangement feltak in a bawl uhia, exam neih ni in Supervisor’ Handbook a kigelh theihtuakte zuih in a omna hiam cih te et fitfit a, muhdan zel UPSC Control Room DELHI a report piak ahi.

UPSC leh MPSC u-liante kithuzak-tuah uh. Sep diing bawl diing omte a tamzawtham sepkhit ahihnung a, “Fel zou zenna hia” cih enkhe pawl a pankhak bel nuam thousam dan ahi. India gambup et in, Imphal Centre (Sub centre 07 omna), centre neulawi ahi. Tua ahihna ah, Commission in mi khat huntawksa, Imphal Centre adi’n I.O. kei kia hikha ing.

CS(P) Examination, 2011 IMPHAL Centre vaisaina leh dinmun en a paina tawh kisai, ciamtehhuai thu pawl khat:
i) Imphal (Exam) Centre Coordinator, Shri Y. Jugindro Singh, IAS (also, Secretary, MPSC) leh Asst. Coordinator, Shri Nimaichand Singh (Jt. Secretary, MPSC) banah i/c Examination (Smt Mandakini) te leh CSP, 2011 exam saina a pang kha MPSC staff te kihonna & cihtakna phatthamcing sa ing. Ebenezer!

ii) Kumdang CSP Exam, Delhi Sub-centre te a admitted candidates exam pia 50% a tunlouhna atam theih maizen tawh. Tutung Imp Centre nuai a Sub-centre 7te ah attendance record se hetlou hi. Nuam. Candidate 296 lak ah 230 in exam pia (66 abs). Delhi a hong omkha, Imp Centre a exam pia meltheih zong mi bangzahhiam om ei, guai.

iii) Chiangkot leh mankhawng kituak (pau upa). Sam 150 “TOUPA PHAT UN” cih thupi a nei in Imphal Divn BYF in Gospel Music Fest, 2011 nasai uh a, Kiginni exam arrangement inspection bawlzou EBCC Lamphel biakinn ah vatel thei sawnsawn ing. Toupa hoih hi. LAMKA apan Unp Ginzakham (Lapu), Lasiam -Tg Biakson, Lia Donny & Dove Quartette leh DELHI apan Upa Chinsum te GMF 2011 a va kisutuah khamawk! Imphal Div. Musical Band te leh Division huamsunga lasiam thak, TOUPA phatna a ‘aw’ suahkhia khangnou promising taktakte’n tha hon-guan. DS/ EBC-ID Rev Zalian in “TOUPA phatna/ biakna a ging kilawm” cih pansan in short msg pia, atak khopmai! MACS, Manipur’ sponsored GMF ahihleh SSPP tawh etden hikha hamtang Pu Jamchinthang @ JC ‘Coordinator’ hihna nuai-a sai ahi. Thu kigen leh la kisate’n akua-akua hinna a tokthou a, TUAILAI 2015 ceplawkna ci khat himailou hia le, hon cisak hi (GMF-2011 disc hongpawt kaal ngaklahhuai e)!

iv) Nipini (12.06.2011) Exam zousiangta, Answer booklet etc Imphal Post Ofis a speed post dia booking-na ahunlut zek hive’n, tua hunsung Secretary leh Jt. Secy (MPSC) tawh thu vantang gen in houlim ung. Tg Haulianlal Guite, CS(M) Exam pedia a kisakkholhdan, newspaper a kisuah tamlou a simkhak thu Jt Secy pu in hon-gen pan a, dangtaakna nei(lai) uh hia theih ziakin, “A kiseem HLL Guite tancin leh UPSC interview Board te dotna & dawnna English (verbatim) version kou local newspapers leh website a kisuah muhtheih omzek eive” a kicih cia’n hong malh mahmah uhi.

v) Siamsin Bulletin (SB) leh Zolengthe in HLL a houlimpihna (English portion) te banah SB interview-na a Tg HLL in Prelim, Mains leh Interview adia kisakkholhna (Paite-English) in print out la ung! “Paite pau telna zekzek a om a, tua munte na cian zawhkei uh leh, Sir Ngulkhopau (Dy Secy., MPSC) in paulehna lam ah honghuh thei kha diing” ci in deihsaknatak tawh copy kipia ung. Secretary-pu kipak ei! Buaikaai theihna thaang tampi laka A’ hehpihna ziaka paisuak, heutute phalna tawh TOUPA kianga kipahthu genna hun zang zou, 8.30PM lak a MPSC Secy ofis nuse khong.

vi) Tutung khualzinna thute gelhgelh diing ci le’ng, SB Editorial Bd te hong ngetna apan lampial theih banah, laipuan leh laitui in hon daihlou diing ahihman in, Netaji Subhash Chandra Bose kammal tawh report zou hi ni – “The first step towards nation building is the creation of true men and the second step is organization.” Wow! Hicitan hon makaihtu TOUPA ahi. Lungdam.

[Siamsin Bulletin | June 19, 2011]