Report: SSPP JHQ Shillong in AIR a Laa Khum uh (Updated)

Siamsinpawlpi JHQ Shillong malakna in, 2 June 2011 ni in Pawlpi ai oh in mi 25 vel in All India Radio (AIR) ah Laa va khum uhi. Hiai hun ah, Unu Lianching leh Khanching ten AIR Official te apan Contract mu ngal uh ahihdan thu Jo Tonxing in Facebook Group SiamsinAw ah taklang a, lohching mahmah ahihdan muhtheih pah in om hi.


AIR a laa khum na report tomkim….


June 2nd in SSPP JHQ Shillong member 25 fund-raise na ding in AIR Shillong ah laa va kisa hi. AIR official lam te apan dak 12:00pm geih a pat ding achih ziak un, member teng 11:50AM tan in AIR mun kitung kim hi. AIR lamte honna man zoh louh ziak un, nitaklam dak 3:00 in studio sung ki lut thei pan lel hi. Studio sung lut nung dakkal nih vel lasak nung in ki zou thei pan lel. Hiai hun in Zomi celebrity Lia Lianching leh Khanching-te leng hong tel ua, AIR official lam ten amau te nih lasak siam tungtuan asak mahmah ziak un contract honna sign pih hial uh hi.

Amau hong lohching sem uh I deih sak ahi. Laa khum zoh in gilkial dang tak chi’n Ribok, Laimu ah member teng ki thrit tou in nastak in puri plate khat leh singpi nou khat chiat azial zoh un, lungkim tak in kikhen thei phet uhi.

Hiai hun ah Pu Ngulkhanjam Neihsial (Ex-President, Shillong) in hong tuak kha in, Siamsin te ngaih na mahmah ahihdan gen kom in vai dangka teng 500 refreshment man ding in hong pia hi. Siamsin member hiai hun a hong tel tengteng tun ah leh Pu Ngulkhanjam Neihsial tung ah SSPP JHQ Shillong kipah na lian mahmah ahi chih I news tungtawn in athakthak in Pawlpi sik-leh-tang in kon gen ahi. Hiai hun a i Pawlpi ngaina mahmah a hong tel ut lah buai na ziak a hong tel thei loute tung ah leng SSPP JHQ lungdam lua.

SSPP in masawn zel hen.

Pawlpi sik leh tang in,

Langmuanjohn Tonxing, Secy. SSPP JHQ Shillong

[Siamsin Aw, June 5, 2011]

Siamsinte, la lam ah leng ma vang mahmah a, i kipak mahmah hi.



























Limlaak Dangte:


Florence Lianching Lasak lai. [Facebook Video]
http://www.facebook.com/video/video.php?v=218248308199765&oid=187705834614202&comments

Source: http://www.facebook.com/media/set/?set=oa.190973954287390